Job 21

¹HĨNDĨ ĩo Ayubu agĩcokia akiuga atĩrĩ,

²Ta thikĩrĩriai ũhoro wakwa mũũrũmbũiye wega; naguo ũtuĩke nĩguo mũthathaĩre wanyu.

³Njĩtĩkĩriai, na niĩ njarie; na ndarĩkia kwaria, wee no gĩcoke ũ’nyũrũragie.

⁴Niĩ-rĩ, kaĩ mũũĩ nĩ andũ ndĩratetera? nĩ kĩ kĩngĩkĩgiria nemwo nĩ gũkirĩrĩria?

⁵Njerekai mũigue, mũgege, na kwĩhumba mwĩhumbe kanua na guoko.

⁶O ndaririkana ũhoro ũcio-rĩ, no kũmaka ’makaga, na ngethithimũkwo nĩ mwĩrĩ.

⁷Nĩ rĩ, andũ arĩa aaganu marekagwo matũũre muoyo nĩkĩ, na makaya gũkũra, ĩĩ, o na magakĩragĩrĩria ũhoti?

⁸Mbeũ yao nĩĩgwataga hinya kũu marĩ, makamĩonaga, rũciaro rũu rũao rũgakĩĩhanda mbere-inĩ ya maitho mao.

⁹Mĩciĩ yao ĩikaraga ĩhoroheirũo, gũtikinyaga ũndũ ũrĩ guoya, o na rũcamiũ rũa Ngai rũtimahutagia.

¹⁰Njamba ciao cia ndegwa itihĩtagĩra kũgwatia, nacio mori ciao iciaraga na gũtirĩ ĩngĩhuna.

¹¹Twana twao rĩrĩa maatwĩra tuumagare nĩ tũingĩ o ta rũũru, na ciana ciao iria nenanene nĩitũhatũhaga.

¹²Nao ene kũina nĩmainaga, makĩhũraga tũhembe, na inanda cia mũgeto, na magakenagio nĩ kayũ ka mũtũrirũ.

¹³Makinyagia matukũ mao o monaga maũndũ mega, magacoka makaharũrũka kwa ngoma o narua.

¹⁴Na no-o merire Mũrungu atĩrĩ, Thiĩ, tigana na ithuĩ! nĩ amu tũtikwenda kũmenya njĩra ciaku:

¹⁵Mwene-Hinya kaĩ akĩrĩ kĩ, atĩ tũkĩmũtungatagĩre? na ũguno nĩ ũrĩkũ tũngĩona, o na tũngĩmũhoyaga?

¹⁶No atĩrĩ, wega ũcio monaga-rĩ, ti moko mao ene maũgwatĩrĩire. (Ũtaaro wa acio aaganu ũrondaihĩrĩria mũno!)

¹⁷Nĩ kaigana tawa wa andũ arĩa aaganu ũkĩhoragio? nĩ kaigana mũtino ũrĩa ũmerekeire ũmakinyagĩrĩra? nĩ mahinda maigana Ngai aanamagaĩra ruo nĩ ũndũ wa kũmarakarĩra?

¹⁸Nĩ kaigana matuĩkaga ta rũhuti rũgĩtindĩkwo nĩ rũhuho, na ta mũũngũ ũrĩa ũũmbũrĩtwo nĩ kĩhuhũkanio?

¹⁹Inyuĩ no kuuga atĩrĩ, atĩ mũndũ ta ũcio nĩ ciana ciake Ngai etagĩrĩria ngero ya waganu wake. Hĩ! nĩ kaba amũrĩhie we mwene, nĩguo aũmenye.

²⁰Reke maitho make meonere kũnyarirũo gwake, marũrũ ma Mwene-Hinya akĩmekundĩre arĩ we.

²¹Amu-rĩ, angĩgĩcoka gũkenera ũhoro wa gwake na njĩra ĩrĩkũ, mũigana wa mĩeri yake watuĩkĩrio gatagatĩ?

²²Githĩ kwĩ mũndũ ũngiuga arute Mũrungu, Mũrungu agĩe na ũmenyi, na arĩ we ũtuagĩra arĩa a kũrĩa igũrũ?

²³Mũndũ ũmwe egũkua arĩ o na hinya wake wothe, o earaganĩtie na ahoreire wega wega;

²⁴Itete ciake ciiyũire iria, na mũthimo ũrĩa wĩ thĩinĩ wa mahĩndĩ make no mũigũ.

²⁵Ũngĩ agakua arĩ o na ũcũngũ ngoro, na ndarĩ hingo arĩ aacama kĩndũ kĩega.

²⁶Makomaga thĩ tĩri-inĩ o ũndũ ũmwe, o erĩ magakĩhumbwo nĩ igunyũ.

²⁷Atĩrĩrĩi, Nĩnjũĩ meciria manyu, nĩnjũĩ maũndũ marĩa mũreĩngereria na ũũru.

²⁸Amu mũroria atĩrĩ, Nyũmba ya mũnene rĩu ĩkĩrĩ kũ? hema ĩkĩrĩ ha, ĩrĩa ĩratũirũo nĩ arĩa aaganu?

²⁹Kaĩ mũtarĩ mworia agendi na njĩra? nĩ kũrũmbũiya mũtarũmbũyagia ũira wao?

³⁰Atĩ mũthenya kwĩ mũtino mũndũ mũũru nĩ gũtigio atigagio, mũthenya gũtũkũĩtwo nĩ kuunio oinithagio?

³¹Ikĩro ciake-rĩ, nũ ũngĩcionania ũthiũ-inĩ wake? nake nũ ũngĩkĩmũrĩha kũringana na maũndũ marĩa aaneka?

³²O na nĩ gũkuuo agakuuo atwarũo irima, na mbĩrĩra yake nĩĩkarangagwo camu.

³³Marũrũa ma gĩtuamba magaikara ta me na mũrĩo harĩ we, na andũ othe nĩ kũrũmanĩrĩra makarũmanĩrĩra thutha wake, o ta ũrĩa mbere yake kwanagĩa aingĩ matangĩtarĩka.

³⁴Nĩ atĩa mũrakĩ’horeria na ũhoro wa tũhũ, kuona atĩ macokio manyu makoragwo no ũrongo harĩ?