Job 30

¹Ĩndĩ, rĩu nĩ gũthekwo ’thekagwo nĩ arĩa anyinyi akwa, o arĩa ndairire maithe mao ngarega kũmaringania na ngui ciakwa cia rũũru.

²Hinya wa moko mao-rĩ, ũngĩkĩng’una na kĩ, na nĩ andũ mathirĩirũo nĩ ũgima wao?

³Wagi na ng’aragu nĩitũmĩte mamoce; matũire macukumaga thĩ nyũmũ o maikaire mamithimithi-inĩ kũu kwĩ rũng’ũrĩ na gũgakira ihooru.

⁴Matuaga mũyuyu ihinga-inĩ; irio ciao nĩ mĩri ya mahĩnga.

⁵Nĩ kũingatwo maingatagwo mũingi-inĩ; makayagĩririo ta ũrĩa gũkayagĩrĩrio mũici.

⁶No mũhaka matũũre mĩkuru-inĩ ĩĩ cianda-inĩ, miungu-inĩ ya thĩ, o na ngurunga-inĩ.

⁷Kũu ihinga-inĩ nĩkuo maikaraga o makĩraramaga; kũu mahuti-inĩ-rĩ, nĩkuo metugutanagia.

⁸O nĩ ciana cia arĩa matarĩ mbuguĩro, ĩĩ-ni, ciana cia andũ matarĩ rĩĩtwa; nĩ kũrukarukwo maarukarukirũo bũrũri na mĩcarica.

⁹Na rĩu acio nĩ gũtuĩka nduĩkĩte rũĩmbo rũao, ĩĩ-ni, harĩ o ngagĩtuĩka ta kĩgano.

¹⁰Nĩ gũ’thũũra ma’thũũrĩte, makanjikaraga haraya, o na matingĩĩgirĩrĩria kũ’minja mĩnyĩrĩ o rĩrĩa maanyona.

¹¹Nĩ gũkorũo We nĩ gũtungũra atungũrĩte rũga rũakwa, akanyonia thĩna, nao rĩrĩa me harĩ niĩ magagĩte matamu ma kanua.

¹²Mwena wakwa wa ũrĩo gwĩ kĩbeũ kĩũru gĩũkĩrĩte; nĩ gũikia maikagia magũrũ makwa njehere, na maka’haicĩrĩria njĩra ciao cia kũnyananga nacio.

¹³Njĩra yakwa nĩ kũmĩhianyũra mamĩhianyũrĩte, magatindĩkĩrĩria ndirũ ĩno nyonete nĩguo ĩ’hoote, na no andũ ta arĩa matangĩona wa kũmateithia.

¹⁴Mangorete ta matonyete na mwahuha mwariĩ, magakĩndugutũkĩra mokĩire muomokanĩro-inĩ ũcio.

¹⁵No matebebia njerekeirio: gĩtĩo gĩakwa kĩũmbũrĩtwo ta kĩgũrũkĩtio nĩ rũhuho, wega ũrĩa ndatũire naguo ũgakĩbuĩria ta itu.

¹⁶Na rĩu ngoro yakwa nĩ gũtwekũka ĩtwekũkĩte thĩinĩ wakwa; nĩ matukũ ma mĩtandiũko meĩngwatĩrĩire.

¹⁷Ũtukũ mahĩndĩ ma mwĩrĩ wakwa maraaraga magĩthecangwo, na ruo rũrĩa rũ’thegenyaga rũtirĩ hingo rũhurũkaga.

¹⁸Tondũ wa ũrĩa mũrimũ wĩ na hinya, nguo ciakwa nĩigũnyaraga, ika’nyita ta kanjũ yakwa ngingo-inĩ.

¹⁹Ngai nĩ kũndekania andekanĩtie ndaka-inĩ, ngagĩtuwo ta tĩri na mũhu.

²⁰Wee-rĩ, nĩngũrĩragĩra, na ndũngĩnjĩtĩka; ngakĩrũgama na igũrũ, na no kũndora ũndoraga.

²¹Nĩ kũngarũrũka ũngarũrũkĩte ũkanyũmĩra ĩhu; nĩ gũ’thũkĩra ũ’thũkĩire na ũhoti wa guoko gwaku.

²²Ũnjoete na igũrũ rũhuho-inĩ, ũgatũma rũnguue rũndware, nĩ kũnyagania ũrakĩ’nyagania kĩhuhũkanio-inĩ.

²³Amu nĩnjũĩ ũrĩnginyia o gĩkuũ-inĩ, ũnginyie mũciĩ ũcio wathĩrĩirũo arĩa othe me muoyo.

²⁴No rĩrĩ, mũndũ akĩharũrũka-rĩ, githĩ to gũtambũrũkia guoko? mũndũ ũkũninwo-rĩ, ndangĩkiuga mbu ateithio?

²⁵Niĩ githĩ ndiarĩragio nĩ ũhoro wa mũndũ ũkinyĩrĩirũo nĩ mũthenya mũũru? ngoro yakwa anga ndĩaiguagĩra arĩa aagi kĩeha?

²⁶Hĩndĩ ĩrĩa niĩ ndatanyaga ũhoro mwega, nĩrĩo ũũru wokire; rĩrĩa ndetereire o ũtheri, nĩrĩo gwokire nduma.

²⁷Njikaraga o ngĩgariũkagwo nĩ mara, na matikirĩrĩrie; nĩ matukũ ma mĩtandiũko manginyĩrĩire.

²⁸’Thiaga ndĩ mũthitu nĩ kĩeha, na riũa itekũrĩona; ngarũgama kĩũngano-inĩ, ngarĩra ngoiga ndeithio.

²⁹Nduĩkĩte wa nyina na ngũcũ, na ngatuĩka wa thiritũ na nyaga.

³⁰Rũũa rũa mwĩrĩ wakwa nĩ kũhunyũka rũhunyũkĩte, na rũkonũka, na ngaakanwo mahĩndĩ nĩ ũrugarĩ.

³¹Tondũ ũcio kĩnanda gĩakwa rĩu gĩtuĩkĩte o mũgirĩko, mũtũrirũ wakwa naguo ũkagarũrũo kayũ ka arĩa mararĩra.