Lamentations 4

¹HĨ! Ĩ kaĩ thahabu ĩrĩ gũgĩthita-ĩ! thahabu o ĩrĩa ngembu mũno kaĩ ĩrĩ kũgarũrũka-ĩ! mahiga ma nyũmba ĩrĩa nyamũre nĩ maite magomano-inĩ ma ing’aratua ciothe cia itũũra.

²Ihĩĩ cia Zayuni-rĩ, iria ii bata ũũ, o iria ingĩgerekanĩka na thahabu ĩrĩa theru-rĩ, rĩu kaĩ ikĩonetwo o ta irĩ o ndigithũ cia rĩũmba, o ta arĩ wĩra wa moko ma mũũmbi-ĩ!

³Gwata o mbwe nĩiheanaga nyondo, ikongithia ciana ciacio: mwarĩ ũyũ wa kĩrĩndĩ giitũ-rĩ, atuĩkĩte mwagi-tha, o ta nyaga cia werũ-inĩ.

⁴Rũrĩmĩ rũa kaana karĩa kongero rũanagwatana na karakara nĩ kũnyota: twana-rĩ, tũhoyaga irio, na gũtirĩ mũndũ ũtwenyũragĩra.

⁵Arĩa mararĩaga irio thuranĩre rĩu maikaraga mabarabara-inĩ mekonotete; arĩa maarerirũo na nguo iria ndune, rĩu mahĩmbĩirie ciara iria cia rũrua.

⁶Nĩ ũndũ waganu wa mwarĩ ũyũ wa kĩrĩndĩ giitũ nĩ mũnene o na kũrĩ ũhĩtia wa Sodomu, kũrĩa kwang’aũranirio kahinda o kanini, na gũtarĩ mũndũ wakũhutirie na moko.

⁷Andũ a kũu gwake arĩa ekĩrĩre maatherete gwĩ tharunji, maarĩ erũ kũrĩ mwĩtha, maarĩ atune mwĩrĩ gũkĩra ruru iria ndune, gũkuuhwo kwao no ta gwa kahiga ka goro karĩa getagwo yakuti:

⁸Na rĩu mothiũ mao mairĩte o na gũkĩra ikara; magĩthiĩ na cia barabara matingĩmenyeka; ikonde cia mĩĩrĩ yao ciũmanĩrĩire na mahĩndĩ; nĩ ngũgũnyaru, ikoma o ta mũtĩ.

⁹Kaba arĩa moragagwo na rũhiũ kũrĩ acio mekũũragwo nĩ ng’aragu, amu acio nĩ gũthaha mathahaga marĩ ahungure nĩyo, nĩ kũhukĩrũo nĩ maciaro ma mũgũnda.

¹⁰Moko ma aka o arĩa maarĩ tha nĩmarugĩte ciana ciao ene; nĩcio iratuĩkĩte irio ciao hingo ĩo ya kwanangwo kwa mwarĩ ũyũ wa kĩrĩndĩ giitũ.

¹¹Jehova nĩakĩhingĩtie marũrũ make na ndatigĩrĩre, agagĩthothora marakara make marĩa mahiũ; nĩaakĩtie mwaki Zayuni, naguo ũkarambia gwata o itina ciakuo.

¹²Athamaki a thĩ, o na kana kĩrĩndĩ gĩothe kĩrĩa gĩtũũraga gũkũ thĩ, gũtirĩ wetĩkagia atĩ ũrĩa mũmuku, o ũcio thũ, niangĩtonya ihingo cia Jerusalemu.

¹³Na gwĩkĩtwo ũguo nĩ ũndũ wa mahĩtia ma anabii akuo, o na mawaganu ma athĩnjĩri-Ngai akuo, arĩa maanaita thakame ya andũ arĩa athingu o kuo thĩinĩ.

¹⁴Rĩu no gũturura matururaga mabarabara-inĩ ta ndumumu; nĩ athũkie nĩ thakame, andũ magagĩthũũra kũmahutia o na arĩ nguo ciao.

¹⁵Makamakaĩrĩria makoiga, Eherai! Mwĩ na ng’ũki! Thengai, thengai, mũtigatũhutie! ningĩ mora, maatuĩka orũri, me kũu kwa ndũrĩrĩ, andũ makoigaga atĩrĩ, Matingĩcoka gũikara marĩ ageni a gũkũ!

¹⁶Marakara ma Jehova nĩmo mamanyaganĩtie; ndarĩcoka kũmarũmbũiya: andũ nĩmatigĩte gũtĩa maũthĩ ma athĩnjĩri-Ngai acio, o na makarega gũtuga athuri acio.

¹⁷Maitho maitũ no marathirĩrĩkĩra tũkĩrorereria gĩteithio giitũ tũhũ: twĩ gĩcũĩro-inĩ giitũ-rĩ, tũtũire tũcũagĩra rũrĩrĩ rũtangĩtũhonokia.

¹⁸Makinya maitũ nĩmarũmanagĩrĩrũo namo, tũgakĩremwo nĩ gũtuĩkania ing’aratua cia gwitũ: rĩu ithirĩro riitũ nĩrĩkuhĩhĩirie, matukũ maitũ nĩ mahingu, amu-rĩ, ithirĩro riitũ rĩanakinya.

¹⁹Atũthingati maarĩ ihenya gũkĩra nderi cia igũrũ: maatũhanyũkirie irĩma-inĩ, na magĩtuoheria werũ-inĩ.

²⁰Ũrĩa warĩ ta mĩheehũ ya maniũrũ maitũ, o ũrĩa mũitĩrĩrie maguta nĩ Jehova, we nĩaagwatirio na marima mao, o ũcio twagwetaga tũkoiga atĩ, Twĩ mwĩgunyĩ-inĩ wake, gũtũũra nĩtũgũtũũra o gũkũ gatagatĩ ka ndũrĩrĩ.

²¹No kĩigue wega, ũkene, wee mwarĩ ũyũ wĩtagwo Edomu, wee ũgĩtũũraga bũrũri wa Uzu: gĩkombe gĩkĩ-rĩ, nĩgĩkahungura gĩgũkore o nawe; wee nĩũgatuĩka mũrĩu, na wĩige njaga.

²²Wee mwarĩ ũyũ wĩtagwo Zayuni-rĩ, iherithia rĩa waganu waku nĩ ihingie; wee ndarĩcoka gũgũtwara rĩngĩ ũrĩ mũtahe. Waganu waku, wee mwarĩ ũyũ, ti Edomu-rĩ, nĩguo agoka kũng’ethera; mahĩtia maku nĩmo akoimbũria.