Proverbs 26

¹Ta ũrĩa tharunji ĩthũkĩire ĩngĩgũa hingo ya riũa, na ta mbura ĩngiura hingo ya magetha, no taguo gĩtĩo gĩtaagĩrĩire kĩrimũ.

²Ta nyagathanga na mũũmbũkangĩre wayo, ningĩ thũngũrũrũ na mwererere wayo, noguo kĩrumi gĩtagwataga, kĩrĩa gĩtarĩ gĩtũmi.

³Mbarathi kĩboko, ndigiri matamu, ciande cia irimũ nacio rũthanju!

⁴Tiga gũcokeria kĩrimũ kũringana na ũrimũ wakĩo, wee nawe ndũgakihaanane nakĩo.

⁵Cokeria kĩrimũ kũringana na ũrimũ wakĩo gĩtigakĩone ta gĩtuĩkĩte mũndũ mũũgĩ.

⁶Mũtũmi wa ndũmĩrĩri na guoko gwa kĩrimũ nĩ kwĩrenga erenga magũrũ, na gũkunda ekundithia hathara.

⁷Magũrũ ma gĩthua mathiaga maniginigĩte, na noguo ngerekano ĩhaanaga ĩkĩario nĩ tũnua twa irimũ.

⁸Mũndũ wa gũtĩa kĩrimũ nĩ ta mũigi kohe ka ruru kĩrũndo-inĩ kĩa mahiga.

⁹Ta mũigua ũgĩtheca guoko kwa mũrĩu, noguo ngerekano ĩhaanaga ĩkĩario nĩ tũnua twa irimũ.

¹⁰Njorua ithondekaga maũndũ mothe wega, ĩndĩ mwandĩki kĩrimũ wĩra no ta mwandĩki arĩa ahĩtũki.

¹¹Kĩrimũ gĩa gũcokerithia ũrimũ wakĩo o rĩngĩ, no ta ngui ũrĩa ĩcokagĩrĩra matahĩko mayo.

¹²Wĩ mũndũ wonete atĩ nĩeonaga ta e mũũgĩ? atĩrĩ, kĩrimũ-rĩ, kĩerĩgĩrĩrĩka gũkĩra ũcio!

¹³Kĩgũta kiugaga atĩrĩ, Njĩra-inĩ kwĩ na mũnyambũ; nĩguo, barabara-inĩ kwĩ na mũrũthi!

¹⁴Mũrango nĩũgarũrũkaga ũcuhĩte na ihocio ciaguo, na no taguo kĩgũta kĩegarũraga gĩkomete ũrĩrĩ wakĩo.

¹⁵Kĩgũta kĩrikagia njara kiuga-inĩ, gĩkanogio nĩ gũcoka kũmĩoerera kĩmĩkinyie kanua-inĩ.

¹⁶Kĩgũta nĩ kĩũgĩ, kĩo gĩkĩĩona, gũkĩra andũ mũgwanja moĩ kuonania kĩhooto.

¹⁷Mũhĩtũki wa gwĩthĩnia na ngũĩ yene no ta mũndũ ũkũnyita kĩgui matũ.

¹⁸Ta mũgũrũki ũracugucanĩria icinga na gũikangia mĩguĩ o na gĩkuũ,

¹⁹Nĩguo mũndũ ahaana ũrĩa wa gũkonyania ũrĩa ũngĩ na agacoka kuuga, To ithako nyuma narĩo?

²⁰Mwaki ũhoraga nĩ kwaga ngũ, na kũrĩa gũtarĩ mũhuhungi, matetania namo magathira.

²¹O ta ũrĩa makara mathegeaga marĩa mangĩ magwatu, na ta ũrĩa ngũ ciakanagia mwaki, noguo mũndũ wa mahiũrania aakanagia ngũĩ.

²²Ndeto cia mũndũ wa mũhuhungo nĩ ta macũno ma kĩhembe, na kũmerũka ikamerũka nginya tũturi-inĩ twa nda o tũrĩa twĩ thĩinĩ mũno.

²³Mĩromo ya kĩgaathi na ngoro ĩrĩ na ũũru-rĩ, no ta nyũngũ ya rĩũmba ĩhakĩtwo mataaho ma betha.

²⁴Mũndũ ũthũire ũrĩa ũngĩ nĩ ũhinga aaragia na mĩromo, ĩndĩ ngoro-inĩ yake thĩinĩ nĩ kũiga aigĩte ũrĩa-ma;

²⁵Rĩrĩa egũtarĩria ndeto, tiga kũmwĩtĩkia, amu ngoro yake thĩinĩ e na maũndũ o ta mũgwanja mathũku ta magigi:

²⁶Ona rũthũũro rũake rũakorũo rũĩkunĩkĩire wara-rĩ, ũũru wake no ũkoimbũrio mbere ya kĩũngano.

²⁷Mwenji wa irima nĩwe ũkagũa thĩinĩ warĩo, nake mũtugũrania wa ihiga, kũhigũka no rĩmũhigũkĩre.

²⁸Rũrĩmĩ rũa maheni nĩrũthũũraga arĩa atihangie nĩruo, na kanua ka mwanjanjo nĩkarehage mwanango.