Psalms 136

¹Ĩ GĨCOKERIEI Jehova ngatho, tondũ nĩ mwega, tondũ ũtugi wake nĩ wa tene na tene.

²Ũcio Ngai wa ngai ciothe-rĩ, mũcokeriei ngatho, tondũ ũtugi wake nĩ wa tene na tene.

³We Mwathani wa aathani othe-rĩ, mũcokeriei ngatho, tondũ ũtugi wake nĩ wa tene na tene.

⁴Mũgathei arĩ we wiki wĩkaga magegania manene: tondũ ũtugi wake nĩ wa tene na tene.

⁵O we ũrĩa wombire igũrũ na ũtaũku wake: tondũ ũtugi wake nĩ wa tene na tene.

⁶O ũrĩa watambũrũkirie thĩ igũrũ rĩa maĩ: tondũ ũtugi wake nĩ wa tene na tene.

⁷O ũrĩa wombire imũrĩ nene: tondũ ũtugi wake nĩ wa tene na tene.

⁸Riũa rĩathage mũthenya: tondũ ũtugi wake nĩ wa tene na tene.

⁹Mweri na njata ciathage ũtukũ: tondũ ũtugi wake nĩ wa tene na tene.

¹⁰O we ũrĩa waringire a Misiri nĩ kũmoragĩra marigithathi mao: tondũ ũtugi wake nĩ wa tene na tene.

¹¹Akĩruta a Isiraeli kũu gatagatĩ kao: tondũ ũtugi wake nĩ wa tene na tene.

¹²Agĩĩka ũguo na guoko kwĩ hinya, na atambũrũkĩtie gĩcoka: tondũ ũtugi wake nĩ wa tene na tene.

¹³O we ũrĩa waatũrire Iria Itune njatũ igĩrĩ: tondũ ũtugi wake nĩ wa tene na tene.

¹⁴Agĩgĩtũma a Isiraeli matuĩkanie gatagatĩ karĩo: tondũ ũtugi wake nĩ wa tene na tene.

¹⁵Nake Firauni na ita ciake akĩmathinĩkania kũu Iria Itune thĩinĩ: tondũ ũtugi wake nĩ wa tene na tene.

¹⁶O we ũrĩa watongoririe kĩrĩndĩ gĩake agĩgĩtuĩkanithĩria werũ-inĩ: tondũ ũtugi wake nĩ wa tene na tene.

¹⁷Ũrĩa waringire athamaki anene: tondũ ũtugi wake nĩ wa tene na tene.

¹⁸Agĩkĩũraga athamaki maarĩ igweta: tondũ ũtugi wake nĩ wa tene na tene.

¹⁹Sihoni, mũthamaki wa Aamori: tondũ ũtugi wake nĩ wa tene na tene.

²⁰Na Ogu, mũthamaki wa Bashani: tondũ ũtugi wake nĩ wa tene na tene.

²¹Akĩheana bũrũri wao ũtuĩke igai: tondũ ũtugi wake nĩ wa tene na tene.

²²Ũtuĩke igai rĩa Isiraeli, ndungata yake: tondũ ũtugi wake nĩ wa tene na tene.

²³O we ũrĩa watũririkanire rĩrĩa twanyihĩrĩire: tondũ ũtugi wake nĩ wa tene na tene.

²⁴Agĩtũhatũra harĩ arĩa maarĩ a-muku aitũ: tondũ ũtugi wake nĩ wa tene na tene.

²⁵Arĩa othe me mwĩrĩ, nĩwe mũmahei irio: tondũ ũtugi wake nĩ wa tene na tene.

²⁶Ĩ no gĩcokiei ngatho harĩ Mũrungu, o we ũtũũraga igũrũ: tondũ ũtugi wake nĩ wa tene na tene.