Psalms 137

¹NGURUMO-INĨ cia njũĩ cia Babuloni-rĩ, nĩkuo twaikaraga thĩ, tũkarĩra, twaririkana Zayuni.

²Mĩethia-inĩ ĩrĩa yarĩ kuo, nĩkuo twacuuragia inanda ciitũ.

³Amu twĩ kũu, acio maatũtahĩte maatwĩraga tũmainĩre, o acio maarĩ atũnyariri magatwĩra tũkene, makoiga, Tũinirei rũĩmbo rũa Zayuni!

⁴Tũngĩkĩina atĩa rũĩmbo rũa Jehova bũrũri tũrĩ ageni?

⁵Ingĩkariganĩrũo nĩwe, wee Jerusalemu-rĩ, guoko gwakwa kwa ũrĩo kũrokariganĩrũo nĩ wara wakuo!

⁶Rũrĩmĩ rũakwa rũrokaremera o kanua karakara, ingĩgatiga gũkũririkanaga, ingĩgatiga gũtĩa Jerusalemu gũkĩra indo iria ngenagĩra mũno.

⁷Ĩ Jehova, ririkana ũhoro wa ciana cia Edomu wa mũthenya ũrĩa wa Jerusalemu: nĩo moigire, Momorai, momorai! kũmomorei o nginya gĩtina!

⁸Ĩ mwarĩ ũyũ wa Babuloni-ĩ, o wee ũtuĩkĩte wa kwanangwo, gũkena-rĩ, nĩ ũcio ũgagĩgũthukĩra o ta ũguo na ithuĩ ũtwĩkĩte.

⁹Gũkena-rĩ, nĩ ũrĩa wa kuoya tũkenge twaku atũtengemanie mahiga-inĩ.