Psalms 140

¹Ĩ JEHOVA, ’thara harĩ mũndũ ũrĩa mũũru; nindĩrĩra harĩ ũrĩa mũtoi:

²Nĩo arĩa mathugundaga maũũru ngoro-inĩ ciao; mĩthenya yothe matindaga o magĩthugunda mbaara.

³Nĩmĩ ciao mainorete ikohĩga ta rũa nyamũ-ya-thĩ; thĩinĩ wa mĩromo yao nĩ ũrũrũ wa nduĩra harĩ.

⁴Jehova, kĩ’menyerere ndigakinyĩrĩrũo nĩ moko ma mũndũ ũrĩa mwaganu; nindĩrĩra harĩ ũcio mũtoi: nĩo mathugundĩte ũrĩa mangĩikania makinya makwa.

⁵Andũ acio eĩkĩrĩri nĩ kũnyimbĩra manyimbĩire mũtego, o na ciana cia ndigi, cia kũngwatia; manyambĩire wabu mũkĩra-inĩ wa njĩra; nĩ gũtega makĩndegeire mĩtego.

⁶Nĩnjĩrĩte Jehova atĩrĩ, Wee nĩwe Mũrungu wakwa: Jehova, tega gũtũ ũigue mũgambo wakwa wa gũgũthaitha.

⁷Ĩ Jehova, o wee Mwathani, wee hinya ũrĩa ũ’honokagia, nĩwe ũngunĩkagĩria kĩongo mũthenya wa mathaita.

⁸Jehova, ndũgatuĩke wa gwĩtĩkĩria mũndũ ũrĩa mwaganu merirĩria make; uungumania ũcio e naguo, menya ũreke ũgekĩka.

⁹Rĩrĩa maambararia mĩtwe-rĩ, acio ma’hĩtĩrĩire, nĩmahubwo nĩ ũũnũhi wa mĩromo yao ene.

¹⁰Marogũĩrũo nĩ makara me mwaki! maroikio mwaki-inĩ o thĩinĩ, o na thĩinĩ wa marima, matikanacoke gũũkĩra!

¹¹Mũndũ wa njambanio ndangĩĩhanda gũkũ thĩ; mũndũ mũtoi-rĩ, ũũru noguo ũrĩmũthingataga o ũkĩmũthugaga kinya ũmũrekanie.

¹²Nĩnjũĩ atĩ andũ arĩa athĩnie, nĩ Jehova ũtuaga cira wao; nĩatiiragĩrĩra kĩhooto kĩa ngĩa.

¹³Andũ arĩa athingu no magacokeria rĩĩtwa rĩaku ngatho; acio arũngĩrĩru-rĩ, nĩ ũthiũ-inĩ waku magatũũra.