Psalms 148

¹GOOCAI Jehova! Goocagai Jehova kũu igũrũ; mũgoocagĩrei o ro kũu gũtũũgararu.

²Mũgoocagei, inyuothe araika ake; mũgoocagei, inyuĩ ita ciake inyuothe.

³Mũgoocagei, wee riũa o nawe mweri; mũgoocagei, inyuothe njata ici cia ũtheri.

⁴Mũgoocagei, wee igũrũ o rĩrĩa rĩa igũrũ, o na inyuĩ maĩ marĩa marĩ o kũu mbere ya igũrũ.

⁵Icio ciothe nĩigoocage rĩĩtwa rĩa Jehova, amu nowe waathanire, nacio igĩkĩgĩa.

⁶Na kũrũmia nĩacirũmĩtie itũũre ho tene na tene; kwĩ watho aciĩkĩrĩire gũtarĩ kĩngĩwagarara.

⁷Goocagai Jehova gũkũ thĩ, inyuĩ inyamũ ici nene cia iria-inĩ, o na inyuĩ kũndũ guothe kũrĩa kũriku;

⁸Mwaki naguo, na mbura ya mbembe, tharunji, o na nundu, na kĩhuhũkanio kĩa rũhuho, kĩhingagia ũndũ ũrĩa oigĩte;

⁹Inyuĩ ithuri na inyuĩ, o gwata tũrĩma tuothe; na mĩtĩ ya matunda, na mĩtarakwa yothe o nayo;

¹⁰Na ndaara-gĩthaka o na mahiũ, mũthemba o mũthemba, na tũnyamũ tũrĩa tũtambi, na iria ciũmbũkaga na mathagu;

¹¹Na athamaki a thĩ, o na iruka ciothe cia andũ; anene, na arĩa othe atui-cira gũkũ thĩ;

¹²Na inyuĩ aanake, o na inyuĩ airĩtu, athuri o na ciana:

¹³Othe nĩmakĩgoocage rĩĩtwa rĩa Jehova, amu rĩĩtwa rĩake riiki norĩo itũũgĩru; ũkaru wa ũnene wake ũtũũraga ũrĩ o igũrũ rĩa thĩ na ningĩ rĩa matu-inĩ.

¹⁴Nake nĩatũmĩte rũhĩa rũa kĩrĩndĩ gĩake rũambarare, ũndũ ũcio ũtuĩke wa gũkumagio nĩ arĩa othe maiguaine nake, nĩo ciana cia Isiraeli, kĩrĩndĩ o kĩrĩa kĩmũtũire ikuhĩ. Goocai Jehova!