Psalms 63

¹Ĩ NGAI, wee nĩwe Mũrungu wakwa ngũroka gũkũrongoria na kĩyo; nĩ kũnyota ngoro yakwa ĩkũnyoteire, na nĩ ũndũ waku-rĩ, mwĩrĩ ũkaigua mĩĩto, ndĩ bũrũri ũyũ mũũmũ na wĩ mĩnoga, ũyũ ũtarĩ maĩ.

²Nĩ ta ũguo ndanagũcũthĩrĩria ndĩ handũ harĩa haamũre, atĩ nyone hinya waku, o gwata riri waku.

³Amu ũtugi waku nĩ mwega gũkĩra muoyo; mĩromo yakwa nĩ kũraha ĩrĩkũrahaga.

⁴Hakĩrĩ ũguo-rĩ, ngũtũũra ngũgathaga hĩndĩ ĩrĩa yothe ngũikara na muoyo: ngũgĩtũũra ngwaragĩra hĩ o ndĩĩhokete rĩĩtwa rĩu rĩaku.

⁵Ngoro yakwa ĩrĩhũnaga wega ta ĩrĩĩte maguta, ĩkarĩa ũnoru; nako kanua gakwa nĩkarĩkũgoocaga, mĩromo ĩgĩkũngũyagia.

⁶Rĩrĩa ngũkũririkana ndĩ ũrĩrĩ, matuanĩra-inĩ ma camu wa ũtukũ nĩ ũhoro waku ndĩĩrurumagia.

⁷Nĩ gũkorũo nĩwe ũtũire ũndeithagia, na njikaire kĩĩgunyĩ-inĩ kĩa mathagu maku no ngũngũyagie nĩ gũkena.

⁸Ngoro yakwa ĩkũhikĩire o gũkũhikĩra, guoko gwaku kwa ũrĩo gũgakĩ’nyitĩrĩra.

⁹Ĩndĩ-rĩ, arĩa macaragia muoyo wakwa nĩguo maũnine, nĩ gũtonyerera magatonyerera thĩ, nginya kũrĩa kũrikĩru mũno.

¹⁰Makaneanwo hinya-inĩ wa njomo; magatuĩka o rũgai rũa mbwe.

¹¹Nake mũthamaki-rĩ, no akenage nĩ ũndũ wa Ngai; mũndũ o wothe wĩhĩtaga na kũmũgweta we, no erahage: tondũ arĩa maaragia mathara, tũnua twao nĩ gũtumio tũgatumio.