Psalms 64

¹NGAI, igua mũgambo wakwa, ũguo ndĩrang’ung’ua; rindĩrĩra muoyo wakwa, ndikaguoithio nĩ thũ.

²Kĩ’hithe ndigakinyĩrĩrũo nĩ ndundu ya arĩa eki naĩ, ndigagĩkorũo nĩ ithogonja rĩa acio mekaga waganu;

³O acio manorete nĩmĩ ciao ta rũhiũ rũa njora, na mĩguĩ yao magakĩmĩgereka, nayo nĩ ciugo irĩ ũrũrũ,

⁴Nĩguo maikĩrie mũndũ ũrĩa mũkinyanĩru maikaire kũrĩa kwĩhithu; o rĩmwe magakĩmũikĩria, na matiĩtigĩre.

⁵Nĩmeũmagĩrĩria nĩguo mageke ũũru ũrĩa me naguo; ũhoro ũrĩa materetaga nĩ wa wembanĩri wa mĩtego; makoragia atĩrĩ, Ũrĩa ũngĩkĩona nũ?

⁶Nĩ gũthugunda mathugundaga maũndũ wa waganu: Ithugunda riitũ tũrĩthugundĩte o kũrĩthugunda, nĩguo macokaga kwĩĩra; namo meciria ma mũndũ o mũndũ, marĩa ma thĩinĩ, o ma ngoro, marikĩire o kũrikĩra.

⁷No Ngai-rĩ, kũratha no amarathe arĩ o, o rĩmwe mathecwo nĩ mũguĩ;

⁸Nĩ kũhĩngwo magakĩhĩngwo, nĩmĩ ciao ene imagarũkĩte: arĩa othe mekũmona magakĩmainĩria mĩtwe.

⁹Nao andũ a guothe nĩ gwĩtigĩra magetigĩra, na mamemerekie wĩko ũcio wĩkĩtwo nĩ Ngai, na gwĩkũũranĩra mekũũranĩre gĩtũmi kĩa wĩra wake.

¹⁰Mũndũ ũrĩa mũthingu-rĩ, nĩ gũkena arĩkenagĩra Jehova, na egiritagie harĩ we; arĩa othe arũngĩrĩru ngoro nĩ kwĩraha marĩĩrahaga.