Psalms 65

¹ZAYUNI, Ngai, gũkirĩte gwetereire o wee ũgwate kũgoocwo; mwĩhĩtwa ũrĩa mwĩhĩte, kũhingĩrio no ũhingĩrio.

²Wee mũigua wa mahoya-rĩ, arĩa othe me mwĩrĩ magokaga o harĩ wee.

³Waganu mĩthemba mĩthemba nĩũngĩragia hinya: ha ũhoro wa mehia maitũ-rĩ, we nowe ũkũmahorohia.

⁴Gũkena, nĩ mũndũ ũrĩa wee ũthurĩte ũkamũthengereria, nĩ getha atũũre nja yaku: nyũmba yaku nĩtũrĩhũnagio wega wayo, o wa kũu gũtheru, kũu hekarũ-inĩ yaku.

⁵Nĩ maũndũ ma gwĩtigĩrithania ũtũcokagĩria ũhoro namo, ũkĩmekaga ũrĩ o na kĩhooto, wee Ngai mwene ũhonokio witũ, o wee mwĩhoko wa andũ a ituri ciothe cia thĩ, na wa arĩa marĩ iria-inĩ kũraihu.

⁶Nĩwe ũrĩa ũtũire arũmĩtie irĩma na hinya wake, akĩĩohete ũhoti ta ndoho;

⁷Nowe ũkiragia mũrurumo wa maria, ũgakiria mũrurumo wa ndihũ ciamo, gwata ironja rĩa irĩndĩ cia thĩ.

⁸Arĩa matũũraga o kũrĩa gũturĩrĩirie, no metigagĩra mona marũũri maku; moimĩrĩro ma rũcinĩ na hwaĩ-inĩ-rĩ, ũtũmaga makũngũiye nĩ gũkena.

⁹Gũceerera nĩũceeragĩra thĩ, ũkamiurĩria mbura; ũtũmaga ĩgĩe bũthi mũno: rũũĩ rũa Ngai-rĩ, rũikaraga o rũembembaine; nĩwe ũkũragĩria andũ irio, amu nĩ ũguo ũthondekaga thĩ.

¹⁰Mĩkaro yayo ũconjoragia o gũconjoria, na mĩkũmũkũmũ yayo ũkagũithanĩrĩria; wororoagia thĩ na mbura ya thuthuũ, na ũkarathima ũmeri wayo.

¹¹Wee nĩwĩkĩrĩte mwaka thũmbĩ ya wega waku; ikĩro ciaku igagĩitanga ũnoru.

¹²Gũita nĩiraitangĩra morĩithio ma werũ-inĩ, nacio ithũngũri ikeoha gĩkeno.

¹³Cieni-rĩ, nĩciiyũire ndũru cia ng’ondu; ituamba nacio ikagema na ngano; ikenete ikoigĩrĩria, o na kũina ikaina.