Song of Solomon 3

¹Ũtukũ ndĩ ũrĩrĩ nĩndĩrethaga ũcio mwendwo nĩ ngoro yakwa; ngakĩmũcarĩrĩria, ngamwaga.

²Ngoiga atĩrĩ, Ngũgĩũkĩra, njangacange itũũra-inĩ, nginye njĩra-inĩ o na mathome-inĩ, nduĩrie ũcio mwendwo nĩ ngoro yakwa: ngakĩmũcarĩrĩria, ngamwaga.

³Arangi a camu, arĩa mathiũrũrũkaga itũũra-inĩ, makangora; ngamoria atĩrĩ, Mwendwo nĩ ngoro yakwa-rĩ, nĩmũmuonete?

⁴O ndatigana nao kahinda gatarĩ kanene, ngacoka ngakora ũcio mwendwo nĩ ngoro yakwa; ngamũnyita, na ndicoke kũmũrekia, o nginya ngamũtonyia nyũmba ya maitũ, ngakĩmũtonyia kĩraaro-inĩ gĩa ũcio weĩngĩĩrĩire nda.

⁵Inyuĩ andũ-a-nja a Jerusalemu-rĩ, nĩndamwĩhĩtithia na thiya, na mĩgoma ya thwariga cia werũ-inĩ, atĩ mũtikoimbuthũre rũendo, o na kana mũrũarahũre, o nginya rũĩyendere o ruo rũene.

⁶Nũ ũrĩa ũkwambata akiuma na werũ-inĩ ahaana ta mĩthiringo ya ndogo, akĩnungagĩrĩrio manemane na ubani, na mĩthemba yothe ya mahuti manungi wega marĩa ma mũhũri wa biacara?

⁷Nĩ rĩrĩ, nĩ gĩtanda gĩa Suleimani, kĩrĩa aceeragio nakĩo; kĩrigicĩirio nĩ andũ njamba mĩrongo ĩtandatũ, a njamba-inĩ cia Isiraeli.

⁸Othe gũtirĩ ũtoĩ kũhũthĩra rũhiũ rũa njora, na othe nĩ ngũrĩ cia ita: gũtirĩ ũtarĩ na rũhiũ rũake thũnũ, nĩ ũndũ wa kĩmakanio kĩrĩa kĩngĩũka ũtukũ.

⁹Mũthamaki, ti Suleimani, nĩetumithĩirie gĩtĩ gĩa gũkuuagwo nakĩo agĩthiĩ rũgendo, na nĩ kĩa mĩtĩ ya Lebanoni.

¹⁰Itugĩ ciakĩo atumithĩtie cia betha, mwĩtiiro wakĩo naguo nĩ wa thahabu, na njikarĩro yakĩo nĩ ya tama wĩ rangi wa zambarau, na thĩinĩ wakĩo gĩkagemithio na rũendo; ũndũ ũcio ũgatuĩka kĩheo kĩoimĩte harĩ andũ-a-nja a Jerusalemu.

¹¹Ta kiumagarei, andũ-a-nja aya a Zayuni, mwĩrorere mũthamaki Suleimani, arĩ o na thũmbĩ ĩrĩa nyina aamwĩkĩrire mũthenya wake wa kũhikania, o ro mũthĩ ũrĩa ngoro yake yakenete.