1 Corinthians 13

¹Hata kaamulavula ilavulelo s'atthu ni s'ankelo, kaahikhalane-ru ophenta kinrowa okhala ntoko esiinu enruma wala ntoko nlapa nnoompwa.

²Nave-tho hata kaarina yoovahiwa yoolaleya ni kaasuwela miiriirya sothene, n'usuwela wothene, nave-tho hata kaarina waamini wothene, weiwo oniwerya olovola myaako, kaahikhalane-ru ophenta nkinrowa okhala etthu.

³Nave-tho hata kaakawelaka mihakhu saka sothene alipa-oohaawa nave-tho hata kivahereryaka erutthu aka wira epahiwe, kaahikhalane-ru ophenta, nkiniphwanyerya etthu.

⁴Ophenta ovilela, oreera murima, ophenta kahiyo nahace, ophenta khoniivuwiha, ophenta khoniikuxererya,

⁵khoniirowana wotakhala khoniiphalela mureerelo awe, khoniinyoonyiha, khoniisupuwelela sootakhala,

⁶khonisiveliwa n'etthu yoohikhala ya xariya ni onnitteeliwa murima n'ikeekhayi,

⁷onnihaawa sothene, onnikupali sothene, onnilipelela sothene, onnivilela sothene.

⁸Ophenta khunimala-tho, nave waakhalaka olaleya onrowa omalihiwa, saakhalaka ilavulelo sinoomala, waakhalaka osuwela onoolakaseya,

⁹maana khumalenle,

¹⁰nto okathi onrw'awe ole ori ooreera murima voomalela, nto ele eri yoohimalela erowa opwetexiwa.

¹¹Okathi miyo vaary'aka mwanamwane, kaalavula ntoko mwanamwane, kuupuwela ntoko mwanamwane, kaalavula ntoko mwanamwane, nto vano vannuwaly'aka, itthu s'enamwane, nto vano vannuwaly'aka itthu s'enamwane koohiya.

¹²Tthiri vano ninnoona ntoko muloolani, muhantisini nto ninrowa omoona n'itho vano kinrowa omusuwela nave-tho ntoko kinisuweliw'aka.

¹³Tthiri vano ohaleke waamini, ororomela ni ophenta, wa iya s'otthaaru eri yuulupalexa, ophenta.