Galatians 2

¹Vaaviralyy'aya iyaakha muloko n'ixexe, kaahihokolowela oYerusalemu. Kaaronnwe ni Parnape nave kaahimukuxa-tho Tito wira akihoole.

²Kaaronnwe iwo maana Muluku aahikisuweliha wira kaahaana orowa. Weiwo, kahaahimeerya sa Ehapari Yooreera kaalaleenry'aka ale ahikhanle aYuta. Nkaatthunne wira ele yiiraly'aka ni nlelo eniir'aka ehikhum'etthu.

³Vano, Tito, aarin'aka nave ohikhanle mu Yuta, khaakhanyereriwe olyihiwa masoma,

⁴nto akina yaakenle mmulokoni mw'ahu voohitthokiheya khuneetta ni hiyo, yaanitthuna wira owo aalyihiwe masoma. Awo yaakenle mmulokoni mw'ahu ntoko anamahottela yaaphevela oweha-weha otaphuwa orin'ahu mwa Kristu, yiirelaka wira enikhalihe vasya-tho ipottha sa ikano.

⁵Nto hata okathi vakhaani khinaaihiyerenrye otthara meettelo aya niirelaka wira nyuwo mulipiherye exariya ?Ehapari Yooreera?,

⁶hata ale yaasuweliwa okhala amakhulupale khiyaakiixuttihale. Vekeekhayi miyo nkincala ele awo yaaithoonyihery'aya okhala, maana Muluku khaniphuka mulattu wa mutthu attharaka makhalelo awe.

⁷Ohiya-vo, awo yaahisuwela wira Muluku aahikiruma waalaleerya Ehapari Yooreera ale ahikhanle aYuta siisale nave ntoko saamurumaly'awe Petru waalaleera Ehapari Yooreera aYuta.

⁸Muluku aamukhalin'he Petru murummwa oowaalaleerya Ayuta Ehapari Yooreera, nave miyo khukikhaliha murummwa w'ale ahikhanle aYuta.

⁹Yakopo, Petru ni Yohani akhanle tiyooneliwaxa vatthu yaahikupali wira Muluku taakivaherenrye mutek'ola nto khunaakhulela, miyo ni Parnape, ntoko nthoonyeryo n'owaataana. Siiso naahiiwanana wira hiyo naarowa eriyari y'ale ahikhanle aYuta nave awo yaarowa eriyari v'aYuta.

¹⁰Awo yaanivekenle paahi wira niwuupuweleke alipa oohaawa, etthu miyo mahiku othene enlipihery'aka wiira.

¹¹Vano, okathi Petru waaronw'awe w'Antiyokiya, miyo kaahinvaanya ohoolo w'atthu, maana aaniphwanela ovaanyiwa.

¹²V'ekeekhayi, ehinatthi ophiya atthu yaarummwe ni Yakopo, Petru aalya vamosa n'ale yahaakhanle aYuta. Vano nto ephiyaka-ru atthu awo, owo khupacerya waaxerema nto khuhitthikela-tho olya ni yaawo awoovaka alipa oolyihiwa masoma.

¹³AKristu akina nave yaayareliwe oYuteya yaahimorela muulosowani memmo mwa Petru nto hata Parnape yaahikuxa erooho yeeyo y'atthu oolosowa.

¹⁴Voonaly'aka wira khiyeettela makhalelo a emutthu ntoko sinrum'aya ekeekhayi y'Ehapari Yooreera, kaahimuhimeerya Petru, ohoolo w'atthu othene wira: ?Nyuwo muri muYuta, munikhala n'ale ahikhanle aYuta, muhittharihelaka ikano s'aYuta. Vano nto munikhala sayi mphavelaka waakhanyeryeriha ale ahikhanle aYuta weettela ikano s'aYuta??

¹⁵Hiyo n'aYuta n'yariwaka-ru nto khanihiyo anatampi ntoko atthu akina.

¹⁶Hiyo noosuwela wira mutthu onnikhalihiwa naxariya ni Muluku mwaha woomwaamini mwa Yesu Kristu nto ohikhanle mwaha woowiiwelela ikano. Vano hiyo noomwaamini Yesu Kristu nave nihaataana ni Muluku muhina woowaamini nto kahiyo wira mwaha w'ottharihela sinrum'aya ikano. Tthiri khaavo onaataana ni Muluku mwaha woowiiwelela ikano.

¹⁷Vano hiyo, nimphavela waataana vamosa ni Muluku muhina wookhala w'ahu vamosa ni Kristu, nlelo ntepaka wiira itampi, eyo enihimya wira Kristu, tunnikhaliha mutampini? Nnaari.

¹⁸Katthikela oteka ele kaapwanyunly'aka nto kinniithoonyiherya wira ka k'anatampi.

¹⁹Miyo kihookhwa, w'ele enihimy'aya ikano. Ikano seiyo ti sikiivale wira miyo kimukhaleleke Muluku. Kaahikhomeliwa vamosa ni Kristu.

²⁰Tivo, vano nkihiyo miyo kikhanle; ti Kristu onikhala mwa miyo. Nave ekumi aka enikhala mwaha v'omwaamini Mwaana a Muluku, aakiphentale nto khuvaha ekumi awe mwaha wa miyo.

²¹Nkinikhaliha ethiru mahala a Muluku; vaarookhala wira exariya enrwa mwaha woowiiwelela ikano, waaso okhwa wa Kristu waarowa okhala ethiru.