John 16

¹Kinoohimeeryani itthu iya wira muhimore mwehereriwaka.

²Awo anowoomolani mpaani moothukumana. Hata onoophiya okathi atthu anrowaya owiivani, yuupuwelaka wira animuttittimiha Muluku.

³Awo anrowa wiraka siiso, mwaha w'ohasuwela Atiithi ni w'ohikisuwela miyo.

⁴Vano kinoohimeeryani itthu iya wira, okathi aya waphiya, muupuwele wira kahohimeeryani. Miyo nkohimeenryeni itthu seiya okhuma woopaceryani, okhala wira kaakhala ni nyuwo.

⁵Nto vano kinrowa w'ule okirumme, nto mwa nyuwo khaavo onkikoha wira: ?Munrowa vayi??

⁶Nto mwaha wo woohimeeryani itthu iya, murim'anyu ohooriipani vanci-ene.

⁷Vano miyo kinoolelani ekeekhayi wira: Vanoorerelani miyo orowa. Tthiri miyo kaahiroweru, Mulipa-ookhaliherya khanrwa okhala ni nyuwo. Miyo karowa, kinimoorumihelani Yoowo.

⁸Okathi owo vanrw'awe, onimwaakupaliha atthu a vathi va mwaha w'etampi, ni wa exariya, ni wa ekeekhayi.

⁹Mwaha w'etampi okhala wira khanikaamini miyo

¹⁰Mwaha wa exariya, okhala wira kinrowa w'atiithi ni khamunikoona-tho.

¹¹Mwaha wa ekeekhayi, okhala wira mukhulupale a atthu a elapo ya vathi va oolamuliwa.

¹²Nlelo kihaana itthu sinci-ene so wohimeeryani: Nto nyuwo munnoceela wiiwa n'osuwela naanaano va.

¹³Okathi onrw'awe Mulipa-ookhaliherya ori Erooho y'ekeekhayi, eyo enimohoolani mw'ekeekhayi yothene. Tthiri khanrowa olavula sawawe: Onrowa woohimeeryani sothene siiwalyawe, onimoosuwelihani-tho sinrowa okhumelela.

¹⁴Owo onookittittimiha, maana onimwaakhela masu aka, wira ooleeleni.

¹⁵Sothene siri s'Atiithi, ti sawaka: Tivo kohimeenryakani wira: ?Onimwakhela masu aka, wira ooleeleni.?

¹⁶Ohanle okathi vakhaani ohinrowaanyu okoona: Vano-tho okathi vakhaani mukooneke-tho.

¹⁷Awiixutti akina yaahikohana wira: Exeen'iyo ennihimeeryaawe? Ohanle okathi vakhaani muhinrowanyu okoona: Vano-tho okathi vakhaani mukooneke-tho. Nave: Miyo kinrowa w'Atiithi.

¹⁸Okathi vakhaani xeeni uwo onihimyawe? Hiyo khinniiwa etthu enihimyawe.

¹⁹Yesu, asuwelaka wira yaaniphavela omukoha, aahahimeerya wira: Nyuwo munnikohana mwaha wa moolumo ahimmyaaka wira: Ohanle okathi vakhaani onrowanyu ohikoona: Vano-tho okathi vakhaani mukooneke-tho.

²⁰Kinoolelani ekhweeli wira: Nyuwo munimunla, munimwikhupanyerya: Vano atthu a vathi anootteeliwa murima. Nyuwo munoori piwa murima, nto oriipiwa wanyu murima onoorukunuwa okhale otteeliwa wanyu murima.

²¹Mutthiyana ayaraka onnihaawa vanci-ene, okhala wira woophiya okathi awe. Vano amala omuyara mwan'awe, khanuupuwela-tho ohaawa iwo; onnitteeliwa murima, okhala wira oomuyara mutthu mulaponi.

²²Siiso-tho nyuwo: Munniriipiwa murima okathi ula. Nto miyo kinowoonani-tho nto murim'anyu onootteeliwa. Otteeliwa wanyu murima iwo khaavo onrowa owaakhani.

²³Nihiku nenlo, khamunikikoha-tho etthu. Miyo kinooleelani ekhweeli wira: Etthu p'itthu enaavekelanyu Atiithi ni nsina naka, awo animoovahani.

²⁴Mpakha vano, khiivo evekenlyaanyu mwa nsina naka: Nvekeleke munoovahiwa, wira otteeliwa wanyu murima omalele.

²⁵Kinoohimeeryani itthu iya ni malikanyiho. Onoophiya okathi ohinrowaka-tho woolavulelani ni malikanyiho; okathi uwo kinimoolaleeryani vowiiwanyeya oratta-ene mwaha w'Atiithi.

²⁶Nihiku nenlo, munoovekela mwa nsina naka: Vano nkinoohimeeryani wira kinimoovekelani w'Atiithi,

²⁷okhala wira Atiithi ene yaawo annoophentani, maana nyuwo mookiphenta miyo, muhaamini wira miyo kikhumme wa Muluku.

²⁸Miyo kikhumme wa Muluku, khurwa mulaponi-mu nto kinoohiya-tho elapo ela ya vathi, kihokolowele w'Atiithi

²⁹Awiixutti awe yaahimuhimeerya wira: Tthiri vano munnilavula vowiiwanyeya oratta-ene: Kamunlavula-tho ni malikanyiho.

³⁰Vano ninnoona wira nyuwo moosuwela sothene, khavamphwanelela wookohani. Tivo, nihaamini wira mukhumme wa Muluku.

³¹Yesu aahaakoha wira: ?Vano munnikaamini??

³²Onoophiya okathi, okathi ene ti yoola onkelanyu omwareya, khula mutthu mpantte awe, mukihiye meekaaka. Nto miyo nkikhanle meekaaka: Atiithi ari ni miyo.

³³Kinoohimeeryani itthu iya, wira mukhalane murettele wa miyo. Elapo ya vathi munoohaawa, nto mulipihe murima, miyo kooxintta elapo ya vathi.