John 2

¹Mmurottoni mwaya, waahikhala othela oKana oKalileya, Ame awe Yesu yaari weiwo.

²Nave aahilattuliliwa niira nenlo Yesu vamosa n'awiixutti awe.

³Nto eviinyu yaahimala. Vano ame awe Yesu yaahimuhimeerya wira: ?Eviinyu ehaamalela!?

⁴Yesu aahiwaakhula, wira: ?Muthiyana, murinani ni miyo? Okathi aka nlelo khunatthi ophiya.?

⁵Ame awe yaahahimeerya arumeyi wira: ?Mwiire sothene sintthunaawe woolelani.?

⁶Sahikhala'vo mino mithanu na mmosa s'oloko, sarikeliwa maasi oonyawa aYuta. Khula muno waakela miphimo miili wala miraru.

⁷Yesu aahiwiirela arumeyi awo: ?Musarihe maasi mino iye.? Awo yaahisariha mino iyo mpakha mmukalani.

⁸Vano Yesu aahiwiirela: Murike, vano: Mmuroihele muhooleli a niira nla. Awo yaahimuroihela.

⁹Muhooleli a niira nlo aahilawiha maasi ale yatatuxiwe eviinyu. (Owo khasuwela wakhummyaya-wo eviinyu iyo: Yaasuwela yaari arumeyi paahi, yaawo yaarikelenle maasi). Vano muhooleli a niira aahimwiihana mutheli,

¹⁰nto khumuhimeerya wira: ?Atthu alimalenle opacerihaka eviinyu yoowaawa nto okathi anihapaliw'aya tanivahiw'aya eviinyu yoohiwaawa; vano nyuwo mpakha va munikumiha eviinyu yoowaawa.?

¹¹Ti siiso Yesu sapacenryaawe wira ithoonyeryo sawe: Okana oKalileya. Siiso ahooniherya nttittimiho n'awe, nave awiixutti awe yaahimwaamini.

¹²Numala, Yesu aahirowa oKafarnawu vamosa n'ame awe n'axinn'awe n'awiixutti awe, khukhala weiwo mahiku vakhaani.

¹³Vaattamenlyaya mahiku a Paasikha, niira n'aYuta, Yesu aahirowa oYerusalemu.

¹⁴Weiwo aahaphwanya mpaani mwa Muluku alipa-ootumiha inyompe n'ipwittipwitthi n'ipompa, n'alipa-oowakakhana musurukhu, ekilanthe-ene.

¹⁵Vano aahipaka murepettho wa mukhoyi, khuwoomola atthu ale othene n'ipwittipwitthi n'inyompe saya; aahimwarexela vathi musurukhu w'alipa-oowakakhanya, khupittula mes'aya.

¹⁶Vano aahahimeerya alipa-ootumiha ipompa, wira: ?Mukumihe-mu itthu iya. Empa y'Atiithi aka muhikhalihe empa ya nakoso!?

¹⁷Awiixutti awe yaahuupuwela moolumo yaalempwe wira: ?Muluku! Ophenta waka emp'anyu onnivarela mmurimani mwaka ntoko mooro.?

¹⁸Vano aYuta yaahimukoha, yiiraka: ?Ethoonyeryo xeeni ennooniheryanyu y'owerya wanyu wira itthu siisa?

¹⁹Yesu aahiwaakhula wira: ?Mpwexakase emp'ela ya Muluku? miyo nave kinooteka eriyari ya mahiku mararu.

²⁰Vano aYuta yaahimuhimeerya wira: ?Emp'ela yaamanle iyaakha miloko mixexe n'iyakha thanu na mosa etekiwaka: Vano nyuwo muniira munrowa oteka eriyari ya mahiku mararu paahi??

²¹Nto, empa yaahimyaawe Yesu yaari erutthu awe.

²²Siiso, vahihimuwalyaawe mookhwaani, awiixutti awe yaahuupuwela wira Yesu aahihimya moolumo ala, khwaamini Soolempwa ni moolumo awo yaahimyalyaawe.

²³Okathi Yesu waaryawe oYerusalemu mahiku a Paasikha, atthu anci-ene yoonaka mitikiniho siir'awe yaahimwaamini.

²⁴Vano, Yesu khaaroromela yaawo, okhala wira owo aanaasuwela awo othene aya.

²⁵Owo khaaphavela ohimeeriwa makhalelo a mutthu okhala wira owo aanisuwela mirima s'atthu.