John 3

¹Ahikhala mulopwana mmosa a etiini ya maFarisi: Owo aari mmosa a makhulupale aYuta. Nsina nawe naari Nikotemu.

²Owo aahirowa okumana ni Yesu ohiyi, khumuhimeerya wira: ?Mwiixuttihi! Hiyu noosuwela wira mwa mwiixuttihi mukhumme wa Muluku. Tthiri khaavo onwerya wira mitihiniho siniiraanyu, Muluku ahikhanle ni yoowo.?

³Yesu aahimwaakhula wira: ?Kinoolelani ekhweeli wira: Khaavo onwerya woona omwene wa Muluku, ahiyariwe-tho vasya.?

⁴Nikotemu aahimukoha Yesu, iiraka: ?Mutthu onwerya sayi oyariwa vasya uuluvanle-ene? Onoowerya ohokolowela mmirimani mw'ame awe, n'oyariwa-tho vasya??

⁵Yesu ahimwaakhula wira: Kinoolelani ekhweeli wira: Khaavo onkela moomweneni mwa Muluku, ahiyariwe ni maasi ni Erooho.

⁶Ole onnyariwa n'erutthu, erutthu, ole onnyariwa ni Erooho, Erooho.

⁷Muhitikinihiwe mwaha wo wohimeeryani wira muhaana oyariwa vasya.

⁸Epheyo enoopela ontthunaya-wo: Nyuwo munniiwa oruma waya, vano khamunsuwela onkhumaya-wo, wala onkelaya. Siiso t'aryaya othene ale annyariwa ni Erooho.

⁹Vano Nikotemu aahimukoha wira: ?Eyo eniweryaneya sayi??

¹⁰Yesu aahimwaakhula wira: Nyuwo mwa mwiixuttihi a nloko na Isarayeli, muhinsuwela sayi itthu iya?

¹¹Kinoohimeeryani ekhweeli wira: Hiyo nnihimya sinsuwelahu, ninkhalela onamoona itthu soonalyaahu: Nto nyuwo khamunaamini onamoon'ahu.

¹²Nyuwo khamunkaamini koohimeeryakani itthu sa vathi: Ankhi karowaka woohimeeryani itthu sa wirimu, muntthuna okaamini sayi?

¹³Nto khaavo owenle wirimu ohikhanle y'ole okhurunwe weiwo, ori Mwaana a Mutthu ori wirimu.

¹⁴Ntoko Monse vaathomeiy'awe enowa ya yuuma y'eporonsi moothakoni, siiso-tho Mwaana a Mutthu ohaana othomeiwa,

¹⁵wira othene ale animwaamini, ekhalane mwa yoowo mwa ekumi ehinimala.

¹⁶Maana, Muluku oophentexa olumwenku mpakha onvaha Mwan'awe mmose-ene, wira othene ale animwaamini yoowo, ehirimeele, nto wira ekhalane ekumi ehinimala.

¹⁷Muluku khaamurumme Mwan'awe mulaponi wira aahukhumu atthu: Omurumme wira atthu yoopoliwe ni yoowo.

¹⁸Ale animwaamini Mwaana a Muluku, khanihukhummwa: Nto ale ahinimukupali aahukhummwa, maana khakupanli nsina na Mwaana mmosaru a Muluku.

¹⁹Mwaha onrowa olamuliwa t'ula: Muthuko wohoorwa mulaponi, vano atthu annikhootta muthuko, owo khiyatthara epiphi, okhala wira miteko saya ti soonanara.

²⁰Tthiri othene ale aniira soonanara, anninyokha muthuko ni khanaattamela muthuk'owo. Wira miteko saya sihooneye.

²¹Nto ole oneettela ekeekhayi onnattamela muthuko, wira miteko sawe sooneyeke, okhala wira oniira miteko sa Muluku.

²²Numala itthu iya, Yesu aahirowa n'awiixutti awe elapo y'oYuteya, khukhala weiwo ni yaawo, aapatisaka atthu.

²³Nave-tho Yohani iira aapatisaka atthu elapo ya wEnomi, yaattamenle oSalimi, okhala wira maasi khiyaarere-wo. Atthu yaanirowa weiwo, Yohani onaaapatisa.

²⁴Yohani nlelo iira ahinatthi otthukweliwa mukhatteya.

²⁵Vano awiixutti akinaku a Yohani yaahipacerya ovanyihana ni muYuta mmosa mwaha w'orerihiwa waya.

²⁶Awo yaahirowa wa Yohani, omuhimeerya wira: ?Mwiixuttihi, ole aari ni nyuwo okhopela wa muro Yortani, y'ole onimukhalel'anyu onamoona, nave-tho yoowo onnapatisa atthu: Othene anrowa wa yoowo!

²⁷Yohani ahiwaakhula iiraka: ?Khivo etthu mutthu onakhelawe, ahivahiwe wirimu.?

²⁸Nyuwo mmansinyu mw'anamoona a itthu iye sihimmyaka wira: ?Miyo nkihiyo Kristu miyo kirummwe orowa ohoolo wawe.?

²⁹Vootharelana, mposi t'ule orina mutthu omponse awe, mpathani awe mposi, onnikhala vaavo khuyamwiiwa ni onnitteliwa murima okathi vaniiw'awe nsu na mposi. Vano otteeliwa murima nno woomaliheriwa wa miyo.

³⁰Owo ohaana wunnuwa: Vano miyo kiyeveke.

³¹Ole onkhuma wirimu veekeekhayi ti muulupale wavikana atthu othene; ole onkhuma elapo ya vathi, ta vathi vaava ni onlavula itthu sa vathi; ole okhuma wirimu ti muulupale waavikana atthu othene.

³²Ni onikhalela onamoona itthu soonaly'awe n'iye siiwaly'awe, vano khaavo onaamini onamoon'awe.

³³Ole onaamini onamoon'awe, n'uwo onnilipiherya ohimya wira Muluku t'ekeekhayi.

³⁴Tthiri, ole orummwe ni Muluku onlavula itthu sihimmyawe Muluku okhala wira Muluku onninvaha Erooho awe vohiphima.

³⁵Atiithi annimphenta Mwaana, khupweha sothene mmatatani mwawe.

³⁶Tivo ole onimwaamini Mwaana, ookhalana ekumi ehinimala; vano ole onkhootta omwiiwelela Mwaana, khakhalanne ekum'iyo, nto onanariwa wa Muluku onookhala ni yoowo.