John 9

¹Yesu aahivira eettaka, khumoona mulopwana mmosa aayariwe ahoonaka.

²Awiixutti awe yaahimukoha wira: Pwiya, ola ahalaka oyariwa ahoonaka, otthenke t'uvi? Otthenke mmansawe, wala atthenke alipa amuyanre?

³Yesu aahiwaakhula wira: ?Ola khatthenke, hata alipa amuyanre khatthenke. Nto oohoona iwo okhumelenle wira mwa mutth'ula sooneye miteko sa Muluku.

⁴Vannireerela wira nivareke miteko s'ule okirumme nlelo vari-ene othana, ohiyu onnoorwa, okathi mutthu ohinwery'awe ovara muteko.

⁵Okathi wothene onkhalaka moolumwenkuni, miyo ki muthuko w'olumwenku.

⁶Ahimyakaru siiso, aahisenyerya vathi, khweetheya etthaya ni mar'awe, khuttikitthela maitho a mulipa-oohon'owo.

⁷Numala aahimwirela: ?Rowani, mwakhuse vatthiyani n'oSilowe.? Mulipa-oohoona aahirowa, ahikhusa, khuhokolowa oonaka.

⁸Anamwaattamanani awe n'ale yaamonne khalayi aloloka, yaanikohana yiiraka: ?Ola kahiyo yole aakilathi aloloka??

⁹Akina yaanihimya wira: Ti yoowo! Akina yaniira: Nnari! Onolikanano. Mwaneene aanihimya wira: Ti yomi!

¹⁰Vano atthu yahimukoha wira: ?Nanso maitho anyu atthukunwe sayi??

¹¹Owo aahaakhula wira: Mulopwana, oniihaniwa Yesu, eetheiye etthaya, akisirikela maitho, khukihimeerya wira: Rowani oSilowe, mwakhuse. Miyo kaahirowa, kikhusa khupacerya woona.

¹²Awo yaahimukoha-tho wira: Owo ori vayi? Khwaakhula wira: Kaahiki!

¹³Mulopwan'owo khalayi aari oohoona aahirowa w'aFarisi.

¹⁴Nihiku nle Yesu netheyalyaawe etthaya, khumutthukula maitho mulipa oohoona, naari esaapatu.

¹⁵Nto aFarisi awo-tho, yaahimukoha wira: ?Otthukunwe sayi maitho?? Owo aahiwaakhula wira: Owo eetheiye etthaya, akisirikela maitho: Vano miyo n'okhusa, khiyoona.

¹⁶Afarisi akina yaanihimya wira: Mulopwan'owo kahiyo mutthu a Muluku, okhala wira khanttittimiha nihiku na esaapatu. Vano akina yanihimya wira: Aari mulipa-oottheka, onwerya sayi wira mitikiniho siisa? Khiyavanyihana yaaworu.

¹⁷Afarisi yaahimukoha-tho mulopwan'owo, wira: Khi weyo, onihimya-ni sa yole ootthukunle maitho? Khwaakhula wira: ?Ti profeta.?

¹⁸Vano makhulupale awo khiyaamini wira owo aari mulipa-oohoona, aroovonihiwa: Tivo, yaahiwihaniha alipa amuyanre,

¹⁹khwaakoha wira: Ola mwan'inyu, yoowo onimuhimyanyu wira oyariwe ahoonaka? Vano-nto opacenrye sayi woona?

²⁰Atiithi awe n'ame awe yaahiwaakhula wira: Hiyo noosuwela wira ola mwan'ihu, ni wira oyariwe ahoonaka.

²¹Mavonelo awe khaninsuwela; hata onvonihale, khannimusuwela. Mmukoheke mwaneene yoowo: Owo muulweene, onniwerya olavula mmansawe.

²²Atiithi awe n'amey'awe ehalaka waakhula siiso, yaawoova makhulupale aYuta: Tthiri, makhulupale awo yaahiiwanana omoomola mmulokoni mwaya mutthu ti mutthu akela ohimya wira Yesu ti Kristu.

²³Tivo, atiithi awe n'amey'awe vaakhunly'aya wira: ?Owo muulweene: Mmukoheke mwaneene.?

²⁴Afarisi yaahimwiihana-tho mulopwana owo khalayi ahoona, khumwiirela: ?Onvuwihe Muluku! Hiyo noosuwela wira mulopwan'owo natampi.?

²⁵Owo aahaakhula wira: ?Ari natampi, miyo nkinsuwela. Kinsuwelaaka, etthu emosa paahi: Khalayi nkoona, vano kinnoona.?

²⁶Awo yahimukoha wira: ?Owo owiirin'heni exeeni? Otthukunle sayi maitho awo?

²⁷Owo aahiwakhula wira: ?Miyo kihooleelani nyuwo khuhiiwa, vano mumphavela wiiwa-tho exeeni?? Khino nyuwo-tho muntthuna okhala awiixutti awe?

²⁸Awo yaahimuruwana, yiraka: Mwiixutti awe ti nyuwo! Hiyo n'awiixutti a Monse.

²⁹Hiyo noosuwela wira Muluku aahimulavuliha Monse. Van'owo khanisuwenle onkhumawe-wo.

³⁰Mulopwan'owo aahiwaakhula wira: Vantikiniha ti vaavo: Nyuwo khamusuwenle onkhumawe-wo, nto yoowo t'okitthukunle maitho.

³¹Hiyo noosuwela wira Muluku khaniwiiwa anatampi. Muluku onimwiiwa ole onimoova ni oneettela otthuna wawe.

³²Okhuma vapacenryaya olumwenku, khinnaiwe wira mutthu ootoko omutthukula maitho mutthu oyariwe ahoonaka.

³³Owo ahaakhanle mutthu a Muluku, khaawerya wir'etthu.

³⁴Awo yaahimwaakhula wira: Weyo oyariwe osareiyeene itampi, vano omphavela onixuttiha? Vano yaahimoomolela ota.

³⁵Yesu ahiiwa wira mulopwana ole ahoomoliwa. Vano vamphwanyalyawe, aahimukoha wira: ?Nyuwo munnimwaamini Mwaana a Mutthu??

³⁶Aahaakhula wira: Pwiya, t'ani uwo, wira kimwaaminiki?

³⁷Yesu aahimuhimeerya wira: Nyuwo moomoona: Ola onlavula ni nyuwo, ti yoowo.

³⁸Vano owo aahaakhula wira: Pwiya kinnimwaamini ni aahimukokhorela yoowo.

³⁹Vano Yesu aahimuhimeerya wira: Miyo kirwiye olumwenk'ula wira kilamule: Alipa-oohoona yooneke, vano ale anoona ekhale alipa-oohoona.

⁴⁰Afarisi akina, yaari ni Yesu, vaiwalyaya siiso, yaahimukoha wira: Khino ni hiyo-tho n'alipa-oohoona?

⁴¹Yesu ahiiwaakhula wira: Mwaari alipa-oohoona, khamwaakhalana itampi. Vano, okhala wira munihimya wira: ?Hiyo ninnoona?, etampi anyu khimmala.