Luke 19

¹Yesu aviraka mmuttettheni mw'oyeriko.

²Aahikhala weiwo mulopwana thaaciri iihaniwa Sakewu, mukhulupale a anamaliviha mposito.

³Aaphavela omoona Yesu n'umusuwela nto khaawerya mwaha w'atthu yaahaareere ni mwaha wokhala ookhuveya vanci-ene.

⁴Nto aahitthimakela ohoolo w'atthu, khuwela mmuririni waari mutakhwani khukhala memmo anwehereryaka Yesu yoowo aarowa ovira nipuro nenlo.

⁵Okathi Yesu vaaphiyaly'awe nipuro nlo, aahiweha musulu khumwiirela Sakewu uwo wira: ?Sakewu, mukhuruwe mwaakuveke, maana olelo vaava kimphavela omaka owannyu.?

⁶Owo aahikhuruwa naanaanoru khumwaakhela Yesu atteeliwe-ene murima.

⁷Othene voonaly'aya etthu eyo yaahipacerya omwaapa yiiraka: ?Yesu onrowa omaka owanny'awe natampi.?

⁸Nto Sakewu aaheemela khaahimeerya Apwiya wira: ?Apwiya mukiwiriyane! Kinookawanya muhakhu aka eriyari, mpantte mukina kaavahe alipa-oohaawa, vano vakhala wira khaahimwiyerya mutthu kinomuttikiherya kivikanihaka vaxexe.?

⁹Vano Yesu aahimuhimeerya wira: Olelo woopowa woophiya etthoko ela, tthiri mulopwan'ola mwaana a Aparahaamu.

¹⁰Vekeekhayi Mwaana a Mutthu orweenle waaphavela atthu arimeenle wira awoopole.

¹¹Muttitthi w'atthu waanimwiiwa Yesu ahimyaka itthu iya sothene. Okhala wira aari vakhiviru n'oYerusalemu. Vano atthu yanaanyiherya wira omwene wa Muluku waamukhumelela voohilekela, Yesu aahihimya nlikanyiho nla iiraka:

¹²Aahikhala mulopwana mmosa mpewe aavinnye arowaka elapo y'ottai-wene wira aheliwe omwene numala ahokoloweke.

¹³Ahinatthi ovenya, aahiwiihana arumeyi awe muloko khwaavaha khula mmosa musurukhu mmosa, aahimeeryaka wira: ?Mmweetteleke nakoso musurukh'ula mpakha miyo ohokolowa.?

¹⁴Nto atthu aelapo awe yaanimunyokha mulopwana owo khwaaruma arumey'aya ohimya wira: ?Mutthu ola khannimutthuna okhala mwene ahu.?

¹⁵Vaaheliw'awe omwene, aahihokolowa, n'uphiya aahiwiihaniha arumeyi yaavaherenry'awe musurukhu wira asuwele musurukhu waarelanyihaly'awe khula mmosa.

¹⁶Aahiphiya oopacerya khuhimya wira: ?Pwiya, musurukhu anyu kohincererya-tho mpakha ophiya muloko.?

¹⁷Mwene aahimuhimeerya wira: Vaatepa oreera! Mwa murumeyi oororomeleya. Okhala wira nyuwo moororomeleya n'itthu vakhaani, mwaakhele owerya wo wettiha mittetthe muloko.

¹⁸Numala aahirwa murumeyi a nenli khuhimya wira: ?Pwiya, musurukhu anyu kohincererya-tho mpakha ophiya mithanu.?

¹⁹Mwene aahimuhimeerya wira: ?Nyuwo-tho munimwaakhela owerya wo wettiha mittetthe mithanu.?

²⁰?Pwiya, musurukhu anyu t'ula, kaasunke vanleesoni,

²¹okhala wira k'anwoovani mwaha w'okhala mutthu oowali, tthiri munnikuxa itthu sihisunke anyu ni munnihepha vahaalalyanyu.?

²²Nto mwene aahimwaakhula wira: Nyuwo mwa murumeyi ootakhala, kinrowa woolamulani ni moolumo anyu yaawo. Mwaanisuwela wira miyo ka mutthu oowali, kinnikuxa vahisunk'aka nave kinihepha vaahaanly'aka.

²³Vano mwahaakopiheryani musukukhu aka atthu yaawerya orelanyiha? Okathi vaahokolowaka khamphwanya musurukhu aka wuncereriwe-ene.

²⁴Numala aahaaruma atthu yaarin'awe wira: ?Mmwaakhe musurukh'uwo munvahe ole orina muloko.?

²⁵Nto awo yaahihimya wira: ?Pwiya, ole ookhalana muloko.?

²⁶Mwene aahiwaakhula wira: ?Tthiri miyo kinooleelani wira ale arina anoovahiwa-tho nto ale oothoiwa hata ele erin'aya animwaakhiwa.?

²⁷Vano awanani ak'ale yaakikhottela okhala mwene aya, eruuhiwe va nwiive ohoolo waka.

²⁸Vaamanly'awe olavula siiso, Yesu ahitthikela ekwah'awe, aahoolelaka atthu orowaka oYerusalemu.

²⁹Aattamelaka oPetifaki ni oPetaniya mmukhitte mwa mwaako wiihaniwa olivera, aahaaruma awiixutti awe anli,

³⁰awiirelaka: Murowe muttetthe ori ohoolo iwe, mphiyakaru weiwo munoomphwanya mwaapuuru mmosa otthukeleliwe-ene, yoowo nlelo ohinatthi weettaniwa, mwamutaphule mmuruuhe va.

³¹Akhala onrowa wookohani wira munimutaphulelani, mmwaakhule wira: ?Apwiya tanimphavela.?

³²Awo yaahirowa khuphwanya sothene ntoko Yesu saahimeenry'awe.

³³Okathi wamutaphuly'aya mwaapuur'uwo, axineene yaahaakoha, yiiraka: ?Munimutaphulelani mwaapuur'uwo?

³⁴Awo yaahiwaakhula wira: ?Apwiya tanimphavela.?

³⁵Yaahimuroihela Yesu, yaahaatala ikuwo saya vasulu wa mwaapuuru, khunweliha-vo Yesu.

³⁶Eettaka siis'ale atthu yaanaatala ikuwo saya mphironi.

³⁷Vaaphiyaly'aya vakhiviru wa makhuruwelo wa mwaako Olivera, awiixutti awe othene yaahipacerya wiipa yilipihaka vootteeliwa murima emuttottopelaka Muluku mwaha wa s'otikiniha sothene s'onaly'aya.

³⁸Nto yaanihimya wira: ?Attottopeliwe Mwene, onrwa ni nsina n'Apwiya! Murettele okhale wirimu ni nttittimiho na Muluku!?

³⁹Afarisi akina yaari muttitthi y'ole w'atthu yaahiira: ?Mwiixuttihi, mwaapwapwele awiixutti anyu emaale.?

⁴⁰Nto Yesu aahiwaakhula, iiraka: Kinoohimeeryani wira atthu awo yamaala, maluku tanrowa okhuwelaka.

⁴¹Okathi vaaphiyaly'awe vakhiviru n'oYerusalemu, awehakaru muttetthe owo Yesu aahinla

⁴²khwiira: Nyuwo-tho mwa asuwenle olelo entthuna woruuhela murettele! Nto vano onnooceela woona!

⁴³Anoophiya mahiku ootakhala aniir'aya awanan'inyu yokutteleleni, wira yootupheleni yoophunyereryeni mipantte sothene.

⁴⁴Awo animoonyakattani vamosa n'an'inya khanoohiyerya nluku nnakhala nimosa vasulu va nikhw'aya, okhala wira khiwaathokorenrye okathi Muluku waarwiy'awe woxekuryani.

⁴⁵Yesu aahikela mpaani mwa Muluku khukelela wakumiherya ota othene ale yaatumiha-mo ni yaathuma marotta.

⁴⁶Aahimeeryaka wira: Vaalempwa wira: ?Emp'aka enrowa okhala empa ya mavekelo. Nto nyuwo mookhaliha nikhuku n'anawiiye.?

⁴⁷Yesu aanixuttiha mpaani mwa Muluku mahiku othene. Makhulupale a mulaponi yaaniphavela omwiiva.

⁴⁸Tivo awo khiyaasuwela yoomwiriha, maana atthu othene saanaavara murima iye saahimy'awe.