Mark 5

¹Yesu n'awiixutti awe yaahiphiya ekhopela ekina ya nratta, elapo y'oKerasa.

²Yesu akhumakaru mu kalawani, mulopwana mmosa aarina minepa sootakhala aahirowa okumaana.

³Owo akhala mmaye nave khaavo aawerya onvara, hata omutthukwa n'ikwirinti.

⁴Nto imaara sinci-ene aanitthukiwa inawu ni matata, ni eyuuma nto owo aanittuphula ikwirinti aanikwasa iyuuma nave khaavo aakhanle oowerya omuxintta.

⁵Othana n'uhiyu eetta mmiyaakoni ni mmahiye akhuwelaka aivulalihaka ni maluku.

⁶Amoonakaru Yesu arwaaka ottai-ene, aahimutthimakela, khumukokhorela ohoolo w'awe.

⁷Nto khumukhuwelela iiraka: ?Murinani ni miyo, nyuwo Yesu Mwaana a Muluku a wiirimu-rimu? Kinnovekelani ni nsina na Muluku wira muhikihaaxe!?

⁸Owo aahimya siiso okhala wira Yesu aahimwiirela wira: ?Munepa wootakhala okhume mwa mulophwan'ola.?

⁹Vano Yesu aahimukoha wira: ?Nsinan'anyu mwaaxeeni? Nto owo aahimwaakhula wira: ?Nsina n'aka muttiithi, maana khinreere,?

¹⁰Vano-nto minepa iyo sootakhala saanthipelela onvekela Yesu siiraka: ?Muhinoomole elapo ela.?

¹¹Nto vakhiviru vaavale, naahikhala nikoto nuulupale na ikuluwe saalya malaxi omwaako.

¹²Nave minepa iyo sootakhala saahinvekela Yesu wira: Munrume wira: ?Nikele mukuluweni-mme.?

¹³Yesu aahaakhulela, nave minepa iyo sootakhala saahikhuma mwa mulopwan'ole nto khukela ikuluwe, mwaattelo aya saahanle ophiya imiya miloko miili. Ikuluwe iyo sothene saahivenyerya otthyawa sirowaka oneri wa mwaako mpakha onrattani weiwo saahisama khukhwa.

¹⁴Amakampusi a ikuluwe iyo yaahitthyawa khurowa olaleya mmittettheni ni mmawaani etthu ila yaakhumelenle. Atthu anci-ene yaahirowa okumana ni Yesu,

¹⁵nto yaahimoona mulopwan'ole aavariwe ni minepa sootakhala akilaanthe-ene awanre ikuwo ni onari naankhili. Voonaly'aya etthu'iyo, yaahoova.

¹⁶Nto ale yoonale sothene, yaahiwaalikelela saamukhumelenle mulopwan'owo n'ikuluwe iye

¹⁷nto yaahinvekela Yesu wira akhume mulaponi mw'aya.

¹⁸Okathi Yesu waakel'awe mukalawani, mulopwan'owo aavonihiwe aahinvekela wira amutthare Yesu.

¹⁹Nto Yesu aahiira: ?Nnaari, yooreera nyuwo orowa owannyu nto mwalaleye itthu Apwiya siwiirihalyaayani ni wa inamuna soomorenly'ayani ikharari!?

²⁰Mulopwan'owo aahirowa khupacerya waalaleerya atthu a elapo eyo yaakhala mmittetthene mothene sothene iye Yesu saamwiirenly'awe. Nave atthu awo yaahanle etikinihiweene.

²¹Yesu aahilapuwa-tho nratta arowaka ekhopela ekina. Nave muttitthi muulupale w'atthu waahimutthukumanela.

²²Nto Yairo, mukhulupale mmosa a empa yovekela-mo, aahimwaattamela Yesu, nto khumukokhorela ohoolo w'awe.

²³Khunvekela iiraka: Mwan'aka mwaamuthiyana ohanle okhwa. Murwe mmwiixaatherye matata wira avone akhale mukumi.

²⁴Nto Yesu aahirowa n'iyowo.

²⁵Nto atthu yaamutthara khiyaareere waatta khunaphunyana ipantta sothene. Aahikhala-vo muthiyana mmosa aamanle iyaakha muloko ni piili ephomy'awe emwareyaka.

²⁶Aahaaphwanya akulukhana anci-ene yaamuloola khuhinapenuwa. Numala ohononaka sothene saarin'awe owo aamutepa owereiwa.

²⁷Aahiiwa sihimmwaka siir'awe Yesu,

²⁸vano nto aahuupuwela iiraka: ?Miyo kakwannya-ru nlaya n'awe kinoovona.?

²⁹Tivo, aahiiphunyererya muttitthi w'atthu khuvira, khweemela ottuli wa Yesu nto aahikwannya nlaya na Yesu. Naanaanoru ephome awe yaahimuxeya muthiyan'owo nto aahoona mweerutthuni mw'awe wira oovona.

³⁰Yesu aahoona wira owerya w'awe waahikhuma vakhaani mwa yoowo. Nto aahirukunuwa khuweha ottuli khukoha iiraka: Ti pani okwannyale nlaya n'aka?

³¹Awiixutti yaahimukoha wira: Munnona muttitthi w'atthu woophunyakani nto munakoha wira t'ani okikwannyale?

³²Nave Owo aahirukunuwa wira amoone mutth'ule aamukwannyale.

³³Okhala wira mutthiyan'ole aanisuwela ele yaamukhumelenle, aahipacerya othukumela ni woova; aahimwaattamela Yesu, khumukokhorela nto amuhimeerya ekeekhayi yothene.

³⁴Nto owo aahimuhimeerya wira: Mwan'aka waamini wanyu woowoopolani; muroweke ni murettele. Muhoopowa muuhaawani mw'anyu

³⁵Nlelo alavulaka siiso, yaahiphiya atthu akina yaakhuma owanny'awe Yairo, nto khuhimya wira: Yairo muhimuukhule mahala mwiixuttihi mwaninyu ohookhwa.

³⁶Nto Yesu khaancanle moolumo awo, aahimwiirela Yairo wira: ?Muhoove, mwaamini paahi.?

³⁷Nto khaatthunne ohooliwa n'atthu akina ahikhanle Petru, Yakopo ni Yohani munn'awe Yakopo.

³⁸Nto vaaphiyaly'aya owanny'awe mukhulupale a empa yoothukumana, Yesu aahiwoona atthu enyakulaka, ni yinlaka ni yiikhupanyeryaka vanci-ene.

³⁹Yesu aahahimeerya ale yaari vaavale ni waakoha iiraka: Munnyakulelani mwiikhupanyeryaka? Mwanamwane owo kakhwiiye onoorupa.

⁴⁰Nto yaahipacerya omutheya. Vano Yesu aahiwoomola iiraka mukhumase-va. Aahaakuxa atiith'awe naamey'awe mwaana ni awiixutti awe araru khuvolowano mpaani mwaari mwanamwane.

⁴¹Aahinvara ntata khumwiirela: Talitha kum, enihimya wira: ?Mwali, nvenye! Timiyo kinoorumani nvenye!?

⁴²Nave mwanamwane aarina iyaakha muloko ni piili, aahivenya naanaanoru khupacerya weetta. Othene yaahitikinihiwa vanci-ene.

⁴³Nto Yesu aahaalopola wira ehimuhimeerye mutthu etthu'ile nave khwaahimeerya wira envahe yoolya mwaanamwan'ole.