Matthew 15

¹Afarisi n'awiixuttihi a ikano yakhumme o Yerusalem yaahirowa okumana ni Yesu, khumukoha wira?

²?Awiixutti anyu ahinttharela-ni miixuttiho s'atthu a khalayi? Awo khannyawa yaaly'aka!?

³Yesu aahiwaakhula iiraka: ?Khi nyuwo muhinttharela-ni sooruma sa Muluku mwaha wa miixuttiho sanyu??

⁴Vekeekhayi Muluku oohimya wira: ?Mwaattittimihe atith'inyu n'ame anyu, ni ole onaaveeha atiithi awe wala ame awe, iiviwe.?

⁵Nto nyuwo munnihimya wira: Akhala mutthu onaahimeerya atiithi awe wala ame awe wira etthu yaarowaaka woovahani, ti yoowavaha Apwiya,

⁶owo khankhala-tho aattittimihaka atiithi awe wala ame awe. Nto siiso moohonona Masu a Muluku, mwaha wa miixuttiho sanyu.

⁷Anawootothe! Profeta Yesaya khoothale ahimyaka sa nyuwo wira:

⁸?Atthu ala annikittittimiha ni moolumo paahi, nto mirima s'aya siri ottaiwene ni miyo.

⁹Annikikokhorela mahala Yiixuttihaka ikano s'atthu paahi.?

¹⁰Yesu aahiwihana-tho atthu khwahimeerya wira: ?Mukiwiriyane, ni musuwele saana.

¹¹Enimunanariha mutthu kahiyo ele enkela mwaano. Nto itthu sinkhuma mwaano ti sinimunanariha.

¹²Nto awiixutti yaahimwattamela Yesu, khumuhimeerya wira: ?Moosuwela wira aFarisi yaahinanariwa mwaha woowiwani mulavulaka siiso?

¹³Yesu aahiwaakhula iiraka: ?Miri sothene sihiphatteiwe n'Atiithi ari wirimu, sinoopheliwa.

¹⁴Mwaahiyeke; awo atthu ahinoona aniwettiha oohoona akina. Nto mulipa-oohoona aamwettihaka mukhw'awe ohinoona oowanli aya anoomorela mulittini.?

¹⁵Vano Petru aahinvekela Yesu iiraka: ?Munitaphulele nlikanyiho nla.?

¹⁶Yesu aahaakoha iiraka: ?Ni nyuwo-tho, nlelo khamunsuwela?

¹⁷Nlelo khamunsuwela wira sothene sinkela mwaano sinnivira mmirimani, khiyakhumela ota?

¹⁸Nto itthu sinkhuma mwaano sinnkhuma mmurimani, iyo t'inimunanariha mutthu.

¹⁹Maana mmurimani sinnikhuma soowuupuwela soonanara ntoko iya: Wiiva, oraruwa, enamuttompe, wiiya, oowootherya atthu n'uwapa, ni onveha Muluku.

²⁰Iya t'itthu sinimunanariha murima mutthu. Nto olya ohinyanwe khunimunanariha murima mutthu.?

²¹Yesu aahikhuma vale, khurowa mittetthe. S'oTiru ni oSitoni.

²²Vano muthiyana a okanani, aakhumme elapo eyo, aanikhuwela anlaka iiraka: ?Pwiya, Mwaana a Taviti, mukimorele ikharari! Mwan'aka mwaamuthiyana ovariwe munepa wootakhala ni khureere omuhaaxa!

²³Nave Yesu khamwaakhunle etthu. Nto awiixutti yaahimwaattamela Yesu, khunvekela wira: ?Mmwiirele muthiyan'owo arowe, ononnyakula anttharelelaka.

²⁴Yesu aahaakhula wira: ?Miyo kirumiheliwe ipwittipwitthi sirimeenle sa nloko na Isarayeli paahi.?

²⁵Nto muthiyan'owo aahimwattamela Yesu, khukokhora ohoolo wawe kwiira: ?Xontte, Pwiya! Mukikhaliherye!

²⁶Yesu aahaakhula wira: ?Khivanrerela owaakha anamwane yoolya, khwarihela axaana aalapwa!?

²⁷Muthiyan'owo ahiiira: Ayo Pwiya! Hata axaana aalapwa yaawo annolya itathela sinimora vameesa v'Apwiy'aya!

²⁸Nto Yesu aahimwaakhula iiraka: Muthiyana, waamini wanyu ti wulupale! Mwireliwe ntoko simphavel'anyu. Okhuma okathi ene yoowo, mwan'awe muthiyan'owo aahivona.

²⁹Yesu aahivenya vale, arowaka oxerexere wa nratta n'oKalileya. Aahiwela vamwaako khukilaathi vaavo.

³⁰Nto mittitthi sulupale s'atthu saahirowa wa yoowo, yaanimuroihela atthu oorakala alipa oohoona n'alipa-oohilavula alipa ootuthunya n'aretta akina anci-ene. Arett'awo yaanaataleliwa ohoolo wa Yesu, owo aanaavoniha.

³¹Atthu awo yaahitikinihiwa, ewonaka ale yahaalavula elavulaka, alipa-oorakala evonihiwaka, ale yatuthunya yeettaka oratta-ene, ale yahoona yoonaka. Atthu othene yaanimuttottopela Muluku a Isarayeli.

³²Yesu aahiwihana awiixutti awe khwaahimeerya wira: Atthu ala annikimooriha ikharari, maana akhala ni miyo mahiku mararu, nto kharina yoolya. Nave nkintthuna owiirela orowa owaani evoliwe-ene wira ehimore mphironi.

³³Awiixutti yaahimukoha wira: Ninrowa ophwanya vai moothakoni-mu yoolya emphiyerya waavaha atthu anci-ene?

³⁴Yesu aahaakoha wira: Murina mikatthe kavi? Awo yaahaakhula wira: Nrina mikatthe thanu ni piili n'ihopa vakhaani ixikhaani.

³⁵Nto Yesu aahaaruma atthu ale okilaathi vathi.

³⁶Numala aahikuxa mikatthe iyo thanu na piili n'ihopa iyo, khumuxukhuru Muluku, ni aahikawanya, khwaavaha awiixutti; nto awo yaahikawela muttitthi w'atthu.

³⁷Othene yaahilya mpakha ovona. Ni khuttotteliwa mapattuxa yaahanle, khusareya ittanka thanu na piili.

³⁸Atthu yaalyiye y'ari imiya miloko mixexe (4000), alopwanaru, waahiya athiyana naanamwane.

³⁹Numala Yesu aahaamwarya, atthu othene, khukela mukalawani alapuwelaka elapo y'oKakatani.