Matthew 9

¹Yesu aahikela mukalawani, khurowa ekhopela ekina nave khuphiya muttetthe awe. Nto naanaanoru aahiruuheliwa mutthu mmosa oorakala, aataleliwe-ene vanrepani.

²Nto Yesu vaawehaly'awe waamini w'aya, aahimwirela oorakala owo wira: Mwan'aka mulipihe murima, itampi s'anyu sooleveleliwa.

³Nto awiixuttihi akina a ikano, yaanivaanela yaawo-ru yiiraka: ?Ola onninveeha Muluku!?

⁴Yesu asuwelaka suupuwel'aya, aahaakoha wira: ?Munuupuwela-ni sootakhala mmirimani mwanyu??

⁵Yokhweyexa tiivi? Omwiirela mutthu wira: ?Itampi s'anyu sooleveleliwa?, wala omwiirela: ?Nvenye, mweetteke??

⁶Nto musuwelexe wira Mwaana a Mutthu ookhalana vathi-va owerya w'olevelela itampi. Nave aahimwirela oorakal'ole wira: ?Nvenye, mukuxe nrepa n'anyu, murooke owaani!?

⁷Mulopwan'owo aahivenya, khurowa owaani.

⁸Atthu othene voonaly'aya ele yakhumeelenle, yaahoowa ni khumuttitthimiha Muluku, yoowo aavanhe atthu owerya iwo.

⁹Avenyaka vale, Yesu aahimoona Matewu, akilanthene-ene vaaliviwa mpoosito, khumwiirela: ?Mukitthare.? Matewu aahivenya, khumutthara Yesu.

¹⁰Vattharelanaka, Yesu aahikilathi analya owanny'awe Mathey'owo, nave atthu akina anci-ene alipa-ooliviha mpoosito, n'atthu ootakhala murima yahirwa analya vamosa ni Yesu n'awiixutti awe.

¹¹Nto aFarisi voonaly'aya etthu ila, yaahaakoha awiixutti awe wira: Vanikhala sayi mwiixuttihi anyu olyaaka n'alipa ooliviha mpoosito ni a atthu ootakhala murima?

¹²Nto Yesu iiwaka siisale saahimy'aya aFarisi, aahaakhula wira: ?Kahiyo atthu akumi amphaveleliwa mukulukhana; aretta t'amphaveleliwa.?

¹³Murowe mwaixutte enihimyaya moolumo ala: Miyo kintthuna omoriwa ikharari; ?ohiya mikuttho.? Maana miyo nkirwenle owiihana anaxariya, khaarweenle anatampi wira arukunuxe murima.

¹⁴Okathi uwo, awiixutti a Yohani Mpatisa yaahimwaattamela Yesu, khumukoha wira: ?Vanikala sayi hiyo ni maFarisi otthukwaka mahiku manci-ene, nto awiixutti anyu ehinatthukwa??

¹⁵Yesu aahiwaakhula wira: Vanikhala sayi atthu alatuleliwe niira noothela ariipiwaka murima nave mutheli anari ni yaawo? Nto anoophiya mahiku aniiraya yaakhiwe mutheli: Mahiku yaawo t'anrow'aya otthukwaka.

¹⁶Khaavo onkhera ekuwo esya, khuttotthela vakuwooni ya khalayi maana muttitti owo onootthikelana, mpakha okhera ekuwo eyo ya khalayi. Nto nipuro naakhereiye nnimuncerereya.

¹⁷Siiso-tho, khaavo onkuxa eviinyu esya khwitthela ikhali sa khalayi iira siiso, eviinyu iyo enoopwexakasa ikhali, ni enooyeheya nave ikhali sinoohononeya. Eviinyu esya eniittheliwa ikhali isya: Siiso itthu iya soopiili sinoosukeya.

¹⁸Okathi Yesu waahimy'awe itthu iya, mukhulupale mmosa, aahirwa khumwaattamela Yesu, khukokhora ohoolo wawe, omuhimeeryaka wira: ?Mwan'aka mwaamuthiyana ohookwa naanaano va. Nto murwe mmwixatherye ntata nanyu, owo onookhala mukumi.?

¹⁹Yesu aahivenya n'awiixutti awe, khumutthara mukhulupale owo.

²⁰Arowaka weiwo, muthiyana mmosa aavirihale iyaakha muloko ni piili ephome awe emwareyaka, aahimwaattamela Yesu ottuli w'awe, khukwannya mayaya a nlaya nawe,

²¹ahimyaka murimani mw'awe wira: ?Miyo kavararu nlaya n'awe paahi, kinoovona.?

²²Yesu aahirukunuwa: Vamoonaly'awe muthiyan'owo, aahimuhimeerya wira: ?Mwan'aka, muhoove! Waamini wanyu wo woopolani. Naanaanoru muthiyan'owo aahivona.?

²³Yesu vaaphiyaly'awe owanny'awe mukhulupale owo, aahiwoona alipa-yaamoopa viela n'atthu othene ooriipiwa murima.

²⁴Yesu aahahimeerya wira: Mukhume va; mwan'ola khakhwiye; onoorupa. Vano awo yaanimutheya.

²⁵Nto, numala atthu othene okumiheriwa ota, Yesu aahikela mpa mmo khunvarela ntata mwali owo. Owo khuvenya.

²⁶Ehapar'ila yaahivuwa elapo ele yothene.

²⁷Yesu vaavenyaly'awe vale, alipa-oohoona anli yaahimutthara, ekhuwelaka wira: ?Mwaana a Taviti, munimorele ikharari!

²⁸Vaaphiyaly'awe owaani, alipa-oohoona awo yaahimwaattamela. Vano Yesu aahaakoha wira: ?Munnaamini wira miyo kinoowerya woovonihani?? Awo yaahimwaakhula wira: ?Ayo Pwiya!?

²⁹Nto Yesu aahikwannya maitho aya, iiraka: ?Mwiireliwe ntoko sinaaminanyu.?

³⁰Nto maitho aya yaahitthukuwa, Yesu aahiwoopopiha aahimeeryaka wira: Mwiipasoope, muhimuleele mutthu etthu ila.

³¹Nto awo evenyakaru vale yaahimulaleya Yesu elapo ele yothene.

³²Vakhumaly'aya alipa-oohoona, Yesu aahiruheliwa mutthu ahaalavula, aavariwe ni munepa wootakhala.

³³Yesu ahoomola munepa wootakhala owo, nto mulopwana ole khupacerya olavula. Atthu othene yaahitikinihiwa, khuyahimya wira ?Khinnatoko woona etthu siisa w'Isarayeli!?

³⁴Nto aFarisi yaanihimya wira: ?Ola onoomola minepa sootakhala n'uwerya wa mukhulupale a minepa sootakhala seiyo.?

³⁵Yesu aneetteetta mittetthe n'ilapo sothene, ixuttihaka mpaani mwaya moothukumana, alaleyaka Ehapari Yooreera y'omwene wa Muluku, aavonihaka atthu iretta soothene ni sootakhala sa khula enamuna.

³⁶Nto oonaka muttitthi w'atthu, aahimorela ikharari, okhala wira owo waari woothweelela ni woonyanyaliwa, ntoko ipwittipwitthi sihikhalanne makampusi aya.

³⁷Nto aahahimeerya awiixutti awe wira: ?Ematta khereere, vano alipa-oohatta ari vakhaani.?

³⁸Munvekeleke mwaneene ematta, wira aarumihele anamuteko mmatta mwawe.