Loading Bible Translation
First-time download in progress. This may take a few seconds…
Makhuwa New Testament Wordproject Bible
14 verses
1Numala kaahoona-tho mmatatani mwawe nolopwana y'ole akilanthe veehiceni, eliivuru elempwe muhina n'uta waya, etthukiwe n'ikanyeryo thanu na piili.
2Kaahimoona-tho munkelo owerya aakoha aituperyaka wira: T'ani omphwanela otaphula ikanyeryo n'okhunula eliivuru ila?
3Nto khaakhanle mutthu, nnakhala wirimu wala mulaponi hata moowiixani mw'etthaya, aawerya okhunula eliivuru hata oweha muhina mwaya.
4Miyo kaaninla vance-ene, okhala wira khaaphwanyiwe mutthu aaphwanela okhunula eliiivuru hata oweha muhina mwaya.
5Vano, humu mmosa aahikihimeerya wira: Muhinleke! Moone! Kharamu a nloko na Yuta, yoowo ori osuulu wa mwene Taviti, ooxintta: Vano onniwerya otaphula eliivuru n'ikanyeryo saya thanu na piili.
6Vano, kaahimoona mwaapwittipwitthi eemenle-ene eriyari eriyari y'ehice arukureriwe-ene n'akumi axexe vamosa ni mahumu. Owo akhala ntoko aari mwiiviwa. Owo aahikhalana inyaka thanu ni piili ni maitho mathau ni manli, ikhanle minepa mithanu ni miili sa Muluku sirummwe orowa mulaponi mothene.
7Mwaapwittipwitthi owo aahivenya, khwakhelela eliivuru yaari muntatani mwawe noolopwana ole okilanthe vehiceni.
8Vakuxaly'awe eliivuru iyo, akumi awo axexe ni mahumu awo miloko miili n'axexe yaahikokhora ohoolo wawe, khula mmosa anvarenle-ene viyela n'ikahi sa eweero sisareiyene erupani yoowunkhela, siri mavekelo a atthu ooreera murima.
9Othene aya yaaniipa nsipo na naanaano yiiraka: Nyuwo munniphwanela okuxa eliivuru n'utaphula ikanyero saya, tthiri muhiiviwa nto n'iphome anyu mooliva esisapo y'owoopola atthu wa Muluku, atthu a maloko othene ni a ilavulelo sothene n'ilapo sothene,
10nyuwo muhakhaliha atthu awo omwene w'anamukuttho, wira emurumeeleke Muluku ahu. Awo anrowa oweettiha atthu a vathiva.
11Miyo kaahoona-tho nave kaahiiwa-tho masu manci-ene oohaalikeleya a ankelo y'awo yarukurenrye ehice vamosa n'akumi axexe ni mahumu.
12Ekhuwelaka wira: ?Mwapwittipwitthi oohitiwa oophwanela waakhela owerya n'uthaciri n'usuwela n'ikuru ni nttittimiho n'uvuwa n'uttottopeliwa.?
13Vano, kaahiiwa-tho itthu sothene sipattuxiwe, iye siri wirimu n'iye siri mulaponi wala vathi v'elapo ni mphareya: Itthu sothene siri moolumwenkuni-mu saanihimya wira: Ole okilanthe veehiceni ni mwapwittipwitthi akhale oottottopeliwa, n'uttittimihiwa, n'uvuwihiwa ni avahiwe owerya wa mahiku othene
14akumi axexe yaanaakhula wira: ?Amen!? Vano mahumu yaahikokhora, khuyamuttittimiha.