تاريخ اول 11

¹وروسته د اسراییلو ټول خلک په حبرون کې د داود حضور ته راټول شول او هغه ته یې وویل: «مونږ ستاسو خپل هډوکي او وینه یو.

²حتی کله چې شاوول زمونږ پاچا ؤ، همدا تاسو وئ چې په عسکري عملیاتو کې به مو اسراییلو ته لارښوونه کوله او ستاسو څښتن خدای تاسو ته وویل: ته به د یو شپون په توګه زما د قوم لارښوونه کوې او د هغوی ټاکلی مشر به یې.»

³کله چې د اسراییلو ټول مشران په حبرون کې داود پاچا ته ورغلل، داود د څښتن په مخکې د هغوی سره یو تړون وکړ. بیا هغوی د داود سر په تېلو غوړ کړ او هغه یې د اسراییلو د پاچا په توګه غوره کړ، لکه څنګه چې څښتن د سموییل په وسیله دا وعده کړې وه.

⁴داود پاچا او ټول اسراییلیان لاړل او د اورشلیم په ښار باندې یې برید وکړ. په هغه زمانه کې اورشلیم د یبوس په نوم وپېژندل شو او د دې ځای اصلي اوسېدونکي لا تر هغه وخته پورې هلته اوسېدل.

⁵یبوسیانو وویل: «ته به ونه شې کولای چې دلته راننوځي!» خو داود د صهیون د غره کلا ونیوله چې وروسته د داود د ښار په نوم یاد شو.

⁶داود خپلو لښکرو ته ویلي وو: «هغه لومړنی عسکر چې یو یبوسی ووژني زما د لښکرو قوماندان به شي.» نو له دې امله چې د زرویه زوی یوآب لومړی برید وکړ، هغه قوماندان شو.

⁷وروسته داود هماغې کلا ته کډه وکړه، نو ځکه هغه د داود د ښار په نوم یاد شو.

⁸هغه د ښار شاوخوا سیمه پراخه کړه، په هغه ځای کې یې کار پیل کړ چې ځمکه یې د غونډۍ له ختیځې خوا ډکه وه او یوآب پاتې ښار بېرته جوړ کړ.

⁹داود نور هم قوي شو، ځکه چې مطلق قادر څښتن د هغه سره مل ؤ.

¹⁰دا د هغو نامتو جنګیالیو نومونه دي چې د اسراییلو د خلکو په مرسته یې د داود پاچاهي قوي او ټینګه کړه، ترڅو د څښتن د وعدې سره سم د هغوی پاچا شي:

¹¹له دغو جنګیالیو څخه لومړنی جنګیالی د حکمون زوی یشوبعام ؤ او هغه د «درېو جنګیالیو» مشر ؤ. هغه په خپلې نېزې باندې له درې سوه کسانو سره جګړه وکړه او هغوی ټول یې په یو وخت کې ووژل.

¹²دوهم یې العازار ؤ چې د دودو زوی ؤ او د اخوخ له خیله ؤ.

¹³کله چې فلسطینیان هلته د جګړې دپاره راغونډ شول، العازار د داود سره په فسدمیم کې ؤ. په یو داسې ځای کې چې له اوربشو څخه ډک پټی په کې ؤ، اسراییلي عسکر له فلسطینیانو څخه وتښتېدل.

¹⁴خو العازار او د هغه سړیو د پټي په منځ کې ځانونه ټینګ کړل او فلسطینیانو ته یې ماتې ورکړه. څښتن هغوی ته یو لوی بریالیتوب ور په برخه کړ.

¹⁵یوه ورځ له هغو دېرشو مشرانو جنګیالیو څخه درې تنه یو ګټ ته چې د عدولام سمڅې ته نژدې او داود په کې ؤ، راغلل، په هغه وخت کې د فلسطینیانو یوې ډلې د رفاییم په دره کې خېمې درولې وې.

¹⁶داود هغه وخت په خپل خوندي ځای کې ؤ او د فلسطینیانو یوې ډلې بیت لحم نیولی ؤ.

¹⁷داود ارمان وکړ او ویې ویل: «کاشکې څوک له هغه کوهي څخه چې د بیت لحم دروازې ته نژدې دی، ماته اوبه راوړي.»

¹⁸نو هغو درېو زړورو سړیو د فلسطینیانو کرښې ماتې کړې، له کوهي څخه یې اوبه راوویستلې او داود ته یې راوړې، خو داود هغه ونه څښلې او هغه یې د نذرانې په توګه څښتن ته توی کړې.

¹⁹داود وویل: «خدای دې نه کړي چې زه دا اوبه وڅښم! دا به د هغو سړیو د وینو د څښلو په شان وي چې خپل ژوند یې په خطر کې اچولی ؤ!» نو هغه دا اوبه ونه څښلې. دا د هغو درېو زړورو کسانو کارونه وو.

²⁰ابیشای د یوآب ورور د دېرش کسیزې ډلې مشر ؤ. هغه په خپلې نېزې باندې له درې سوه کسانو سره جګړه وکړه او هغوی یې ووژل. نو په دې توګه هغه هم لکه د هغو درېو جنګیالیو په شان مشهور شو.

²¹که څه هم هغه په هغې دېرش کسیزې ډلې کې ډېر زیات مشهور او د هغوی مشر شو، خو د هغو درېو تنو په شان مشهور نه شو.

²²بنایاه د یهویاداع زوی چې د قبصییل څخه ؤ، یو توریالی عسکر ؤ. هغه ډېر د زړورتوب کارونه کړي وو چې په هغو کې د دوو قوي موآبي جنګیالیو وژل شامل وو. یو ځلې هغه د واورې په ورځ یوې کندې ته ورښکته شو او یو زمری یې وواژه.

²³همدارنګه هغه یو مصری وواژه چې قد یې له دوو مترو لوړ ؤ او یوه نېزه ورسره وه چې د اوبدلو د کارګاه د میلې په شان غټه وه. بنایاه د خپلې امسا سره په هغه باندې برید وکړ، د هغه مصري له لاسه یې نېزه واخیستله او هغه یې ورباندې وواژه.

²⁴بنایاه داسې د زړورتوب کارونه وکړل چې د درېو جنګیالیو په شان مشهور شو.

²⁵د هغه عزت د هغې دېرش کسیزه ډلې څخه ډېر زیات شو، خو په درېو جنګیالیو کې یې ګډون نه درلود. داود هغه د خپلو ساتونکو د ګارډ مشر وټاکه.

²⁶دا نور نامتو جنګیالي دي:د یوآب ورور عساهیلالحانان د دودو زوی له بیت لحم څخه

²⁷شموت له هرور څخهحالز له فلون څخه

²⁸عیرا د عقیش زوی له تقوع څخهابیعزر له عناتوت څخه

²⁹سبکای له حوشا څخهعیلای له اخوخ څخه

³⁰مهرای له نطوفې څخهحلد د بعنه زوی له نطوفې څخه

³¹اتای د ریبای زوی د بنیامین له جبعې څخهبنایاه له فرعاتون څخه

³²حورای د جاعش له خوړونو څخهابي ییل له عربات څخه

³³عزموت له بحروم څخهالیحبا له شعلبون څخه

³⁴هاشم له جزون څخهیوناتان د شاجای زوی له حرار څخه

³⁵اخیام د ساکار زوی له حرار څخهالیفال د اور زوی

³⁶حافر له مکیرات څخهاخیا له فلون څخه

³⁷حصرو له کرمل څخهنعرای له ازبای زوی

³⁸یوییل د ناتان ورورمبحار د هجري زوی

³⁹صالق له عمون څخهنحرای د بیروت څخه چې د زرویه د زوی یعنې د یوآب وسلې به یې وړلې.

⁴⁰عیرا او جارب له یتر څخه

⁴¹اوریا حیتيزاباد د احلای زوی

⁴²عدینا د شیزا زوی چې د روبین په قبیله کې یو مشر ؤ او د دېرش کسیزو عسکرو ډله هم ورسره وه

⁴³حانان د معکه زوییوشافاط له متنا څخه

⁴⁴عزیا له عشتاروت څخهشاماع او یعییل د حوتام زامن له عروعیر څخه

⁴⁵یدیعییل او یوخا د شمري زامن له تیص څخه

⁴⁶الي ییل له محویم څخهیریبای او یوشویا د الناعم زامنیتمه له موآب څخه

⁴⁷الي ییل، عوبید او یعسي ییل له مسوباه څخه.