تاريخ اول 16

¹هغوی د خدای د لوظ صندوق په هغې خېمې کې کېښود چې داود د هغه دپاره ودرولې وه، بیا یې سوځېدونکې نذرانې او د سولې نذرانې خدای ته وړاندې کړې.

²کله چې داود د نذرانو د وړاندې کولو څخه وزګار شو، هغه د خلکو دپاره د څښتن په نوم برکت وغوښت.

³هغه د اسراییلو ټولو خلکو، هم سړیو او هم ښځو، هر یو ته یوه ډوډۍ، یوه ټوټه غوښه او د ممیزو یوه کلچه ووېشله.

⁴داود ځینې لاویان د دې دپاره وټاکل چې د لوظ صندوق په مخکې خدمت وکړي. هغوی به د اسراییلو څښتن خدای یاداوه، د هغه شکر به یې ادا کاوه او ستاینه به یې کوله.

⁵اساف د هغوی مشر ؤ او زکریا د هغه مرستیال ؤ. یعییل، شمیراموت، یحییل، متتیا، الیاب، بنایاه، عوبید ادوم او یو بل سړی چې یعییل نومېده د دې دپاره ټاکل شوي وو چې چنګونه او رڅپرکیونه وغږوي. اساف په خپله تالونه غږول

⁶او دوو کاهنانو یعنې بنایاه او یحزییل به پرله پسې د لوظ د صندوق په مخکې سرني غږول.د داود د ستاینې سندره

⁷داود په هغه ورځ د لومړي ځل دپاره اساف او د هغه ورونو ته وظیفه ورکړه چې د څښتن په حضور کې د هغه د ستاینې دا سندره ووایي:

⁸کوئ شکر د څښتناو د هغه په نوم دعا کوئ!نورو قومونو ته دا ووایئڅه چې هغه کړي دي

⁹هغه ته حمد ووایئووایئ هغه ته د ثنا او صفت سندرههغه چې کړي عجیبه کارونهکړئ یې بیان خلکو ته

¹⁰په پاک نوم د هغه وکړئ افتخاروي دې خوشحاله څوک چې کاندي عبادت د هغه

¹¹وغواړئ کومک له څښتنهوکړئ عبادت یې تل

¹²‏-

¹³ای د یعقوب یعنې د خدای د خدمتګار اولادېای د یعقوب اولادې تاسو کړئ غوره څښتنکړئ تاسې یادې معجزې لویې چې کړې هغههم کړئ رایاد قضاوتونه چې هغه کړي وو

¹⁴دی څښتن زمونږه خدایراولي چې عدالت د ځمکې سر باندې هرځای

¹⁵تاسې هېر نه کړئ د خدای لوظ هېڅکلهنه کړئ وعده د هغه هېره تر زرو نسلونو پورې

¹⁶هغه لوظ چې هغه وکړ ابراهیم سرههغه قسم چې هغه وکړ د اسحاق سره

¹⁷هغه یې ورکړلو یعقوب ته د یو حکم په شاناو اسراییلو ته د ابدي لوظ په توګه

¹⁸هغه وویل: «تاسو ته در به کړم وطن د کنعانوي به هغه د ستاسو خپل ملکیت»

¹⁹کله چې شمېر د خدای د خلکو کم ؤوو پردي د کنعان خاوره کې دوی

²⁰دوی سرګردانه ګرځېدل به یو بل وطن کېتلل یو او بلې پاچاهۍ ته هغوی

²¹خو خدای پرېنښودل هېڅوک چې په دوی ظلم وکړيد دوی دپاره یې شاهان ورټل:

²²هغوی ته یې وویل:«زما غوره شویو بنده ګانو ته به لاس نه وروړئضرر به نه رسوئ زما پیغمبرانو ته»

²³ای ټولې نړۍ، سندره ووایئ څښتن ته تاسېاعلان کړئ هره ورځ دا زېریچې نجات یې دی راکړی مونږ ته

²⁴قومونو ته اعلان کړئ جلال د هغهټولو خلکو ته اعلان کړئد هغه ډېر عجیبه کارونه

²⁵ځکه چې لوی دی څښتناو ډېر لایق دی د ثنا او صفتټولو خدایانو نه دې زیاته وېره وشي د ده

²⁶نورو قومونو ټول خدایان دي بې ګټې بتانخو څښتن دي پیدا کړي اسمانونه

²⁷دي راچاپېره جلال او لویي له هغه څخهد اوسېدو ځای د هغه ډک دی د خوښۍ او قوت

²⁸وکړئ ستاینه د څښتن په ځمکه ټولو خلکوهم ستاینه وکړئ د هغه د جلال او قدرت

²⁹د څښتن د جلالي نوم ستاینه وکړئراشئ حضور ته د هغه او نذرانه راوړئکړئ څښتن ته عبادت په سپېڅلې توګه

³⁰ای ټولې ځمکې ولړزېږه د هغه په مخکېنړۍ یې ټینګه درولې چې خوځیږي نه

³¹پرېږده خوشحاله اسمانونه شي او ځمکه وکړي خوښياو هم قومونه کړئ خبر چې څښتن پاچا دی!

³²شي دریاب په غړمبار دې خپلو ټولو مخلوقاتو سرهشي دې خوشحاله پټي هم ټولو فصلونو سره

³³د خوښۍ چیغې به بیا ووهي ځنګل کې ونېکله چې راشي د ځمکې قضاوت ته څښتن

³⁴د څښتن شکر کوئ، ځکه چې نېک دی هغهده ابدي د هغه مینه

³⁵هغه ته ووایئ: «وژغوره مونږ ای خدایهته زمونږ ژغورونکیه خدایهمونږ یو ځای سره راغونډ کړه،ومو ژغوره له قومونوترڅو ادا کړو مونږه شکر د ستاستا د سپېڅلي نوم ثنا مو ویاړ شي»

³⁶ثنا او صفت دې وي د اسراییلو څښتن خدای تهوکړئ ثنا او صفت یې د ازل نه تر ابده پورېبیا ټولو خلکو وویل: «امین» او د څښتن ثنا او صفت یې وکړ.

³⁷داود اساف او د هغه د طایفې لاویان د دې دپاره غوره کړل چې په هغه ځای کې د ورځني عبادت مسؤولان شي چېرته چې د لوظ صندوق ساتل کېده.

³⁸عوبید ادوم او د هغه اته شپېته خپلوان د هغوی مرستیالان وو او حوسه او د یدوتون زوی عوبید ادوم ساتونکي وو.

³⁹داود صادوق کاهن او د هغه خپلوان چې کاهنان وو، هم غوره کړل چې د جبعون د عبادت په ځای کې د څښتن په سپېڅلي خېمه کې خدمت وکړي.

⁴⁰هغوی به هر سهار او ماښام د قربانۍ په ځای باندې سوځېدونکې نذرانې وړاندې کولې. دا د هغه شریعت سره سم ؤ چې څښتن اسراییلیانو ته ورکړی ؤ.

⁴¹هیمان او یدوتون د هغوی مرستیالان وو او همدارنګه هغه نور سړي چې په ځانګړې توګه د دې دپاره غوره شوي وو چې د څښتن د تلپاتې مینې دپاره د هغه شکر وکړي.

⁴²هیمان او یدوتون د دې کار مسوولیت هم په غاړه درلود چې سرني، تالونه او نورې د موسیقۍ آلې د سندرو د ویلو په وخت کې وغږوي. هغه لاویان چې د یدوتون زامن وو، د دروازې د ساتلو مسؤولان وو.

⁴³د مراسمو نه وروسته هر یو خپل کور ته لاړ او داود هم د دې دپاره کور ته راستون شو چې د خپلې کورنۍ دپاره برکت وغواړي.