تاريخ اول 2

¹اسراییل یعنې یعقوب دولس زامن درلودل چې نومونه یې دا وو: روبین، شمعون، لاوي، یهودا، یساکار، زبولون، دان، یوسف، بنیامین، نفتالي، جاد او اشیر.

³یهودا او د هغه کنعانۍ ښځې بتشوع درې زامن درلودل چې نومونه یې دا وو: عیر، اونان او شیله. خو د هغه مشر زوی عیر دومره بد سړی ؤ چې څښتن هغه وواژه.

⁴یهودا او د هغه انږور تامار هم دوه زامن درلودل چې نومونه یې دا وو: فارص او زارح. یهودا ټول پنځه زامن درلودل.

⁵فارص دوه زامن درلودل: حصرون او حامول.

⁶د هغه ورور زارح پنځه زامن درلودل: زیمري، ایتان، هیمان، کلکول او دارع.

⁷عخان چې د زارح له اولادې څخه او د کرمي زوی ؤ د اسراییلو په قوم باندې یې افت او مصیبت راوست، ځکه چې ده هغه شیان د خپل ځان دپاره وساتل چې څښتن ته وقف شوي وو.

⁸ایتان یو زوی درلود چې عزریا نومېده.

⁹د حصرون زامن: یرحمییل، رام او کالیب.

¹⁰رام د عمیناداب پلار او د نحشون نیکه ؤ چې د یهودا یو قبیلوي مشر ؤ.

¹¹سلما د نحشون زوی، بوعز یې لمسی

¹²او عوبید یې کړوسی ؤ. د عوبید د زوی نوم یسي ؤ.

¹³‏-

¹⁵یسي اووه زامن درلودل چې په لاندې ترتیب سره زېږېدلي وو: الیاب، ابیناداب، شمعي، نتنییل، ردای، اوصم او داود.

¹⁶یسي دوه لورګانې هم درلودې چې نومونه یې زرویه او ابیجایل وو. زرویه د ابشای، یوآب او د عسائیل مور وه.

¹⁷د ابیجایل مېړه یتر ؤ، یتر د اسماعیل د اولادې څخه ؤ او د هغوی زوی عماسا نومېده.

¹⁸د حصرون زوی کالیب د عزوبې سره واده وکړ او هغوی د یریعوت په نامه یوه لور درلودله چې د یشر، شوڅپرکی او اردون مور وه.

¹⁹د عزوبې له مړینې څخه وروسته کالیب د افراتې سره واده وکړ. افراتې حور وزېږاوه.

²⁰حور د اوري پلار او د بصلییل نیکه ؤ.

²¹کله چې حصرون شپېته کلن شو، هغه د ماخیر د لور سره چې د جلعاد خور وه، واده وکړ. هغې د سجوب په نامه یو زوی وزېږاوه.

²²سجوب د یاییر پلار ؤ چې د جلعاد په سیمه کې یې په درویشتو ښارګوټو باندې حکومت کاوه.

²³خو یو څه موده وروسته د جشور او د سوریې قومونو په هغه سیمه کې شپېته ښارګوټي ونیول، په دې کې د یاییر کلي هم شامل وو او همدارنګه یې د قنات ښارګوټی او نژدې کلي هم ونیول. د جلعاد د سیمې ټول خلک د ماخیر له اولادې څخه وو.

²⁴د حصرون له مړینې څخه وروسته کالیب افراتې ته لاړ او د حصرون ښځې ابیه، اشحور وزېږاوه چې د تقوع پلار ؤ.

²⁵د حصرون مشر زوی یرحمییل پنځه زامن درلودل: رام تر ټولو مشر او نور یې بونه، اورن، اوصم او اخیا وو.

²⁶د یرحمییل دوهمه ښځه عطاره نومېدله او هغې اونام وزېږاوه.

²⁷رام درې زامن درلودل: معص، یامین او عاقر.

²⁸اونام دوه زامن درلودل: شمای او یاداع.شمای هم دوه زامن درلودل: ناداب او ابیشور.

²⁹ابیشور د ابیحایل سره واده وکړ او هغې دوه زامن احبان او مولید وزېږول.

³⁰ناداب دوه زامن درلودل: سلد او افایم. سلد هېڅ اولاد نه درلود.

³¹د افایم زوی یشعي نومېده، هغه د شیشان پلار او د احلای نیکه ؤ.

³²د شم��ی ورور یاداع دوه زامن درلودل: یتر او یوناتان. یتر هېڅ اولاد نه درلود،

³³خو یوناتان دوه زامن درلودل چې نومونه یې فالت او زازا وو.

³⁴شیشان لورګانې درلودلې، خو هېڅ زامن یې نه درلودل. هغه یو مصري غلام درلود چې یرحاع نومېده.

³⁵هغه خپله لور یرحاع ته په نکاح ورکړه او هغې ورته عتای وزېږاوه.

³⁶عتای د ناتان پلار او د زاباد نیکه ؤ.

³⁷‏-

⁴¹د زاباد په اولاده کې دا خلک شامل وو: افلال د هغه زوی، عوبید د هغه لمسی، ییهو د هغه کړوسی او د هغه نوره اولاده: عزریا، حالص، العاسه، سسمای، شلوم، یقمیا او الیشمع.

⁴²د یرحمییل ورور یعنې د کالیب زامن: مشر زوی یې میشاع د زیف پلار ؤ او ماریشه د حبرون پلار ؤ.

⁴³حبرون څلور زامن درلودل: قورح، تفوح، راقم او شمع.

⁴⁴شمع د راحم پلار او د یرقعام نیکه ؤ. راقم د شمای پلار،

⁴⁵د ماعون نیکه او د بیت صور غور نیکه ؤ.

⁴⁶عیفه د کالیب وینځه وه او حاران، موزا او جازیز د هغوی زامن وو. حاران په خپل زوی باندې هم د جازیز نوم کېښود.

⁴⁷یو سړی چې یهدای نومېده، شپږ زامن یې درلودل چې دا یې نومونه وو: راجم، یوتام، جیشان، فالت، عیفه او شاعف.

⁴⁸معکه د کالیب یوه بله وینځه وه او هغې ورته دوه زامن شابر او ترحنه وزېږول.

⁴⁹وروسته د هغوی دوه نور زامن وزېږېدل چې نومونه یې دا وو: شاعف چې د مدمنې د ښارګوټي بنیاد ایښودونکی ؤ او شوا چې د مکبینا او جبعا د ښارګوتو بنیاد ایښودونکی ؤ. عکسه د کالیب لور وه.

⁵⁰د کالیب لمسي: د کالیب او د افراتې مشر زوی حور درې زامن درلودل: شوبال د قریه یعارم د ښارګوټي بنیاد ایښودونکی،

⁵¹سلما د بیت الحم د ښارګوټي بنیاد ایښودونکی او حاریف د بیت جادر د ښارګوټي بنیاد ایښودونکی.

⁵²د قریه یعاریم د ښارګوټي بنیاد ایښودونکی شوبال د هرواه پلار او د منوحوت د نیمایي خلکو نیکه ؤ.

⁵³هغه طایفې چې په قریه یعاریم کې اوسېدلې، هغه دا دي: یتریان، فوتیان، شوماتیان او مشراعیان وو. (د زرعه او اشتاول د ښارونو خلک د دغو طایفو غړي وو.)

⁵⁴سلما د بیت الحم د ښارګوټي بنیاد کېښود او هغه د نطوفاتیانو نیکه ؤ. همدارنګه هغه د عطروت بیت یوآب د خلکو، د نیمایي مانحتیانو او د زرعیانو نیکه هم ؤ.

⁵⁵(هغه طایفې چې د اسنادو په لیکلو او په کاپي کولو کې یې مهارت درلود او د یعبیز په ښارګوټي کې اوسېدلې په لاندې ډول دي: ترعاتیان، شمعاتیان او سوکاتیان. قینیان د حمت اولاده وه او حمت د ریکابیانو نیکه هم ؤ.)