اول پادشاهان 14

¹ه هغه وخت کې د یروبعام پادشاه زوی ابیاه ناروغ شو.

²یروبعام خپلې ښځې ته وویل:

³لس ډوډۍ، یو څه کیکونه او یو منګوټی شات هغه ته یوسه. هغه به تاته ووایي چې زمونږ په زوی باندې به څه پېښیږي.>

⁴نو هغه په شیلوه کې د اخیا کور ته لاړه. د ډېر عمر په وجه اخیا ړوند شوی ؤ.

⁵څښتن اخیا ته ویلي وو: همدارنګه څښتن اخیا ته ویلي وو چې هغې ته څه ووایي. څښتن زیاته کړه:

⁶نو کله چې اخیا د کور په دروازه کې د هغې د پښو د قدمونو اواز واورېد، هغه وویل:

⁷لاړه شه او یروبعام ته ووایه چې د اسراییلو څښتن خدای داسې وایي: ته مې د خلکو له منځ څخه راپورته کړې او د خپل قوم اسراییلو مشر مې کړې.

⁸د داود د کورنۍ څخه مې پادشاهي واخیستله او تاته مې درکړه. مګر ته زما د خدمتګار داود په شان نه وې، هغه ماته پوره وفادار ؤ، زما د حکمونو څخه یې اطاعت کاوه او یوازې هغه کارونه یې کول چې زما په نظر کې صحیح وو.

⁹تا د هغو ټولو پادشاهانو په پرتله چې ستا څخه مخکې وو ډېر ناوړه کارونه وکړل. د خپل ځان دپاره دې نور خدایان یعنې فلزي بتان جوړ کړل. زما قهر دې راوپاراوه او ماته دې شا کړه.

¹⁰له دې کبله به ستا په شاهي کورنۍ باندې بدبختي راولم. زه به ستا ټوله نارینه اولاده که هغه غلامان وي یا ازاد، یو شان ووژنم. زه به ستا کورنۍ وسوزوم لکه څنګه چې څوک خوشایي سوزوي، ترڅو ټول له منځه لاړ شي.

¹¹ستا د کورنۍ هر غړی چې په ښار کې مړ شي هغه به سپي وخوري او هغه چې په سارا کې مړ شي مرغان به یې وخوري، زه چې څښتن یم دا خبره کوم.>

¹²وروسته بیا هغه زیاته کړه:

¹³د اسراییلو ټول قوم به د هغه دپاره ویر وکړي او هغه به ښخ کړي. هغه به د یروبعام د کورنۍ یوازینی غړی وي چې ښخ به شي. ځکه چې هغه د یروبعام په کورنۍ کې هغه څوک دی چې د اسراییلو څښتن خدای په هغه کې یو څه ښه والی ویني.

¹⁴څښتن به د خپل ځان دپاره په اسراییلو باندې داسې یو پادشاه وټاکي چې هغه به د یروبعام کورنۍ له منځه یوسي، حتیٰ همدا اوس.

¹⁵څښتن به اسراییلو ته سزا ورکړي او هغوی به داسې ورپیږي لکه لوخه چې په اوبو کې رپیږي. هغه به د اسراییلو د قوم ریښه له دې ښې ځمکې څخه چې د هغوی نیکونو ته یې ورکړې وه له بېخه وباسي او هغوی به د فرات د سیند پورې خواته خپاره کړي، ځکه چې هغوی د اشیره د بتانو په جوړولو د هغه قهر راپارولی دی.

¹⁶څښتن به د اسراییلو څخه ځکه لاس واخلي چې یروبعام ګناه کړې ده او د اسراییلو د قوم د ګناهکار کېدلو سبب ګرځېدلی دی.>

¹⁷وروسته بیا د یروبعام ښځه ترزې ته ستنه شوه. څنګه چې هغې د کور په دروازې باندې پښه کېښوده، زوی یې مړ شو.

¹⁸لکه څنګه چې څښتن د خپل خدمتګار اخیا نبي په وسیله ویلي وو، هغه یې ښخ کړ او ټولو اسراییلو د هغه دپاره ویر وکړ.

¹⁹د یروبعام د پادشاهۍ نورې ټولې پېښې یعنې د هغه جنګونه او دا چې هغه څنګه پادشاهي وکړه، د اسراییلو د پادشاهانو د تاریخ په کتاب کې لیکل شوي دي.

²⁰هغه دوه ویشت کاله پادشاهي وکړه او وروسته مړ او ښخ شو. د هغه زوی ناداب د هغه په ځای پادشاه شو.

²¹د سلیمان زوی رحبعام یوڅلوېښت کلن ؤ چې د یهودا پادشاه شو او هغه اوولس کاله په اورشلیم کې پادشاهي وکړه. اورشلیم هغه ښار ؤ چې څښتن هغه د اسراییلو د ټولو قبیلو څخه د خپل عبادت دپاره غوره کړی ؤ. د رحبعام د مور نوم نعمه وه چې د عمون څخه وه.

²²د یهودا خلکو داسې کارونه وکړل چې د څښتن په نظر کې ډېر خراب وو او د خپلو نیکونو په پرتله یې ډېر ګناهونه وکړل چې د څښتن غیرت راوپاروي.

²³همدارنګه هغوی د خپلو ځانونو دپاره د بتانو عبادت ځایونه جوړ کړل او په غونډیو باندې او د سیوري لرونکو ونو لاندې یې د عبادت دپاره د تیږو ستنې او د اشیره بتان کېښودل.

²⁴ترټولو ډېره بده خبره دا وه چې د عبادت په ځایونو کې لواطت کاران او فاحشې وې. د یهودا خلکو هغه ټول شرمناکه کارونه وکړل چې هغو قومونو به کول چې څښتن د اسراییلیانو د وړاندې تګ په وخت کې له هغې خاورې څخه وشړل.

²⁵د رحبعام د پادشاهۍ په پنځم کال د مصر پادشاه شیشق په اورشلیم باندې حمله وکړه.

²⁶هغه د څښتن د کور او د شاهي ماڼۍ ټولې خزانې د ځان سره یوړې. پرته له دې هغه ټول سپرونه چې سلیمان د سرو زرو څخه جوړ کړي وو، هم یوړل.

²⁷نو رحبعام پادشاه د هغو په ځای برنجي سپرونه جوړ کړل او هغه یې د هغو ساتونکو قوماندانانو ته وسپارل چې د شاهي ماڼۍ په دروازه کې یې پهره کوله.

²⁸هرکله به چې پادشاه د څښتن کور ته ورته، نو د ساتونکو ګارډ به سپرونه وړل او وروسته به یې بېرته د پهره دارانو خونې ته راوړل.

²⁹د رحبعام د پادشاهۍ نورې پېښې او دا چې هغه څه کړي دي، د یهودا د پادشاهانو د تاریخ په کتاب کې لیکل شوي دي.

³⁰په دې ټوله موده کې د رحبعام او یروبعام ترمنځ جګړه وه.

³¹رحبعام مړ شو او د داود د ښار په شاهي هدیره کې ښخ شو. (د هغه د مور نوم نعمه وه چې د عمون څخه وه.) د رحبعام زوی ابیاه د هغه په ځای پادشاه شو.