اول پادشاهان 6

¹د مصر څخه د اسراییلو د قوم د وتلو څخه وروسته په څلورسوه اتیاوم کال کې، په اسراییلو باندې د سلیمان د پادشاهۍ په څلورم کال، د زیو په میاشت کې چې د کال دوهمه میاشت ده، هغه د خدای د کور په جوړولو پیل وکړ.

²هغه کور چې سلیمان د څښتن دپاره جوړ کړی ؤ د هغه اوږدوالی اووه ویشت متره، سور یې نهه متره او لوړوالی یې دیارلس نیم متره ؤ.

³د خدای د کور مخې ته دالان ؤ چې اوږدوالی یې مساوي ؤ په سور د خدای د کور یعنې نهه متره او سور یې څلورنیم متره ؤ.

⁴هغه د خدای د کور په دېوالونو کې لوړې تنګې کړکۍ ګانې جوړې کړې.

⁵د خدای د کور په اړخونو او شاته بیروني دېوالونو ته څنګ په څنګ یې یوه درې منزله ودانۍ جوړه کړه.

⁶په لاندیني منزل کې هرې کوټې دوه متره او شل سانتي سور، په منځني منزل کې دوه متره او اویا سانتي سور او په پورتني منزل کې درې متره او لس سانتي سور درلود. د خدای د کور دېوال په هر منزل کې نسبت ښکتني منزل ته نری ؤ، ترڅو بې له دې چې په هغه کې تیرونه جوړ شي، کوټې په دېوال باندې ټینګې شي.

⁷د کومو تیږو نه چې د څښتن کور جوړ شوی ؤ هغه په کان کې تیارې شوې وې. کله چې د څښتن کور جوړېده، نو د څټکونو، تېشو، یا د اوسپنې د نورو سامانونو اواز هلته نه اورېدل کېده.

⁸د ودانۍ د لاندیني منزل د ننوتلو دروازه د خدای د کور په جنوبي اړخ کې وه، چې د زینو په وسیله یې دوهم او دریم منزل ته لاره درلودله.

⁹نو په دې توګه سلیمان پادشاه د خدای کور بشپړ کړ. بام یې د صبر د ونو د تیرانو او تختو څخه جوړ کړ.

¹⁰هغه درې منزله ودانۍ چې هر منزل یې دوه متره او شل سانتي لوړوالی درلود، د خدای د کور بیروني دېوالونو ته څنګ په څنګ وه. ودانۍ د دېوالونو سره د صبر د ونو تیرانو په وسیله نښلول شوې وه.

¹¹څښتن سلیمان ته وویل:

¹³او زه به د اسراییلو د قوم په منځ کې په هغه کور چې تا جوړ کړی دی اوسېږم او هغوی به هیڅکله یوازې پرېنږدم!>

¹⁴نو په دې توګه سلیمان پادشاه د خدای کور بشپړ کړ.

¹⁵داخلي دېوالونه د غولي څخه تر چته پورې د صبر د ونو په تختو باندې پوښل شوي وو او د خدای د کور غولی د ناجو په لرګیو باندې پوښل شوی ؤ.

¹⁶داخلي کوټه چې د ډېر مقدس ځای په نوم یادېدله د خدای د کور شاته برخه کې جوړه شوې وه. هغه نهه متره اوږده وه او د صبر د ونو د تختو په وسیله چې د غولي څخه تر چته پورې رسېدلې د اصلي سالون څخه جلا شوې وه.

¹⁷اصلي سالون چې ډېر مقدس ځای ته مخامخ ؤ، اتلس متره اوږدوالی یې درلود.

¹⁸د صبر د ونې تختې د کدوانو او ګلانو په نقشونو باندې ښکلې کړای شوې وې. ټوله داخلي برخه د صبر په لرګیو باندې پوښل شوې وه، ترڅو چې د دېوالونو تیږې ونه لیدل شي.

¹⁹ډېر مقدس ځای تیار شو چې د څښتن د لوظ صندوق په کې کېږدي.

²⁰د دې کوټې اوږدوالی نهه متره، سور یې نهه متره او لوړوالی یې نهه متره ؤ. داخلي برخه په سوچه سرو زرو باندې پوښل شوې وه. په همدې ډول د قربانۍ ځای چې د صبر د تختو څخه جوړ شوی ؤ په سرو زرو باندې پوښل شوی ؤ.

²¹د خدای د کور داخلي برخه په سوچه سرو زرو باندې پوښل شوې وه او د ډېر مقدس ځای د دروازې مخامخ ته د سرو زرو ځنځیرونه ځای په ځای شوي وو چې هغه ځای هم په سوچه سرو زرو باندې پوښل شوی ؤ.

²²د خدای د کور ټوله داخلي برخه په سرو زرو باندې پوښل شوې وه، همدارنګه د قربانۍ ځای هم چې ډېر مقدس ځای په څنګ کې ؤ په سرو زرو باندې پوښل شوی ؤ.

²³سلیمان دوه کروبیان د زیتون د لرګیو څخه جوړ کړل او په ډېر مقدس ځای کې یې کېښودل. هر یو څلورنیم متره لوړوالی درلود.

²⁴‏-

²⁶دواړه په یوه اندازه او په یو شکل وو او هر یو دوه دوه وزرونه درلودل. د هر یو وزر اوږدوالی دوه متره او شل سانتي ؤ، نو د یو وزر د سر نه د بل وزر تر سره پورې فاصله څلورنیم متره وه.

²⁷هغه یې په ډېر مقدس ځای کې یو تر بله څنګ په څنګ داسې کېښودل، ترڅو د هغوی دوه غوړېدلي وزرونه د کوټې په منځ کې یو د بله سره ولګیږي او دوه نور وزرونه د دېوالونو سره ولګیږي.

²⁸دواړه کروبیان په سرو زرو باندې پوښل شوي وو.

²⁹د اصلي سالون او د ډېر مقدس ځای دېوالونه چارچاپېره د کروبیانو، د خرما د ونو او ګلانو په توږل شویو نقشونو باندې ښکلي کړای شوي وو.

³⁰د دنننیو او بیرونیو کوټو غولي هم په سرو زرو باندې پوښل شوي وو.

³¹سلیمان د ډېر مقدس ځای د ننوتلو په دروازه کې یوه دوه پله یي دروازه چې د زیتون د لرګیو څخه جوړه شوې وه کېښودله، چې پنځه اړخیزه بازوګان او سرطاق یې درلودل.

³²دوه پله یي دروازه د کروبیانو، د خرما د ونو او ګلانو په توږل شویو نقشونو باندې ښکلې کړای شوې وه. هغه دروازه، کروبیان او د خرما ونې په ټکول شویو سرو زرو باندې پوښل شوي وو.

³³په هماغه ډول اصلي سالون ته د ننوتلو د دروازې چوکاټ د زیتون د لرګیو څخه په شکل د مستطیل جوړ شوی ؤ.

³⁴همدارنګه دوه دروازې وې چې د ناجو د لرګیو څخه جوړې شوې وې. هرې دروازې دوه داسې برخې درلودلې چې چپراسونه یې درلودل.

³⁵دا دروازې د کروبیانو، د خرما د ونو او د ګلانو په توږل شویو نقشونو باندې ښکلې کړای شوې وې چې یو برابر په سرو زرو باندې پوښل شوې وې.

³⁶د عبادت ځای داخلي انګړ ګردچاپېره یو دېوال ؤ. هغه دېوال د درې طبقو توږل شویو تیږو او د یوې طبقې د صبر د تیرانو څخه جوړ شوی ؤ.

³⁷د خدای د کور تهداب د سلیمان د پادشاهۍ په څلورم کال د زیو په میاشت کې چې د کال دوهمه میاشت وه کېښودل شو.

³⁸د سلیمان د پادشاهۍ په یوولسم کال د بول په میاشت کې چې د کال اتمه میاشت وه، د خدای د کور د جوړېدلو کار کټ مټ د پلان په مطابق په بشپړه توګه سرته ورسېده. سلیمان اووه کاله د هغه په جوړولو باندې ولګول.