اول سموئيل 13

¹شائول دېرش کلن ؤ چې پادشاه شو او دوه څلوېښت کاله یې په اسراییلو پادشاهي وکړه.

²شائول د اسراییلو څخه درې زره نفره غوره کړل چې دوه زره نفره د هغه سره په مخماس او د بیت ئیل په غرنۍ سیمه کې وو او زر نفره د هغه د زوی یوناتان سره په جبعه کې وو کومه چې د بنیامین په سیمه کې ده. پاتې نفر یې بېرته خپلو کورونو ته ولېږل.

³یوناتان په جبع کې د فلسطینیانو په پوسته باندې حمله وکړه او له منځه یې یووړه. فلسطینیانو دا خبره واورېدله. بیا شائول استازي ولېږل چې په ټول هېواد کې د سرني په غږولو سره عبرانیان جنګ ته راوغواړي.

⁴ټول اسراییلیان خبر شول چې شائول د فلسطینیانو پوسته له منځه یووړه او فلسطینیانو د اسراییلو څخه کرکه وکړه. په دې خاطر د اسراییلو قوم راوغوښتل شو چې په جلجال کې د شائول سره یوځای شي.

⁵فلسطینیان سره راغونډ شول چې د اسراییلو سره جنګ وکړي. د هغوی سره دېرش زره جنګي ګاډۍ، شپږ زره د اس سپاره او د دریاب د غاړې د شګو په شان زیات پیاده عسکر وو. هغوی روان شول او په مخماس کې یې چې د بیت آون په ختیځ کې پروت دی خېمې ودرولې.

⁶د اسراییلو عسکر پوه شول چې زمونږ شمېر ډېر کم دی او په دې خاطر به جنګ وبایلو. ځینې اسراییلیان په سمڅو، ونو بوټو، د ګټونو په منځ کې، په کندو او یا په څاه ګانو کې پټ شول.

⁷نور د اردن د سیند څخه د جاد او جلعاد سیمو ته پورې وتل.شائول په جلجال کې پاتې ؤ او هغه خلک چې د هغه سره وو له وېرې څخه لړزېدل.

⁸شائول اووه ورځې د سموئیل انتظار وکړ، لکه څنګه چې سموئیل ورته ویلي وو. مګر سموئیل جلجال ته رانغی او خلک د شائول څخه هرې خواته خپاره کېدل.

⁹په دې خاطر شائول وویل: او شائول سوزېدونکې نذرانه وړاندې کړه.

¹⁰څنګه چې هغه د سوزېدونکې نذرانې د وړاندې کولو څخه وزګار شو، سموئیل راورسېد او شائول د هغه د هرکلي دپاره لاړ.

¹¹سموئیل پوښتنه وکړه: شائول په ځواب کې وویل:

¹²نو ځکه ما فکر وکړ چې اوس به فلسطینیان دلته په جلجال کې پر ما حمله وکړي. څنګه چې ما د څښتن څخه مرسته ونه غوښتله، نو ما خپل ځان مجبور وګاڼه چې سوزېدونکې نذرانه وړاندې کړم.>

¹³سموئیل ځواب ورکړ:

¹⁴مګر اوس به ستا پادشاهي دوام ونه کړي. په دې خاطر چې تا د هغه د حکم څخه سرغړونه کړې ده، څښتن د خپلې خوښې یو سړی پیدا کړی دی چې د هغه په قوم باندې پادشاه شي.>

¹⁵سموئیل جلجال پرېښود او په خپله لاره لاړ. شائول لاړ چې د خپلو عسکرو سره یوځای شي نو پاتې خلک د هغه پسې لاړل. هغوی د جلجال څخه جبعې ته چې د بنیامین په سیمه کې ده لاړل. شائول خپل لښکر وشماره، د هغو شمېر شپږسوه تنه وو.

¹⁶شائول، د هغه زوی یوناتان او هغه خلک چې د دوی سره وو په جبع کې چې د بنیامین په سیمه کې ده پاتې شول. په دې وخت کې فلسطینیانو په مخماس کې خېمې ودرولې وې.

¹⁷یرغل کوونکي د فلسطینیانو د خېمو څخه په دریو ډلو کې راووتل، یوه ډله د عفرې خواته چې د شوعال په سیمه کې ده لاړه.

¹⁸دوهمه ډله د بیت حورون خواته او درېمه ډله د هغې غونډیو سلسلې ته لاړه چې ورڅخه د صبوئیم دره او دښته ښکاره کیږي.

¹⁹په هغو ورځو کې په اسراییلو کې آهنګر نه ؤ، ځکه چې فلسطینیانو دا پرېکړه کړې وه چې عبرانیان د تورو او نېزو د جوړولو څخه منع کړي.

²⁰(ټول اسراییلیان به فلسطیني آهنګرانو ته تلل چې خپلې یوې، تبرونه او رمبي تیرې کړي.

²¹د ښاخۍ، تبر او د چوکې د څوکې د تېره کولو اجوره د یو مثقال دوه په دریو برخو وه او د یوې او رمبي د تېره کولو اجوره دوه برابره وه.)

²²په دې خاطر د جنګ په ورځ پرته د شائول او د هغه زوی یوناتان څخه هیڅ اسراییلي عسکر توره یا نېزه نه درلودله.

²³فلسطینیانو د خپلو عسکرو یوه ډله واستوله چې د مخماس د غاښي څخه دفاع وکړي.