اول تيموتيوس 3

¹دا خبره رښتیا ده چې که چېرې څوک غواړي د کلیسا مشر شي، نو هغه د عزت کار غواړي.

²له دې امله د کلیسا مشر باید د ملامتیا نه پاک وي، یوازې یوه ښځه ولري، هوښیار وي، په خپل نفس باندې واک ولري، شریف او مېلمه پال وي او د تعلیم ورکولو توان ولري.

³هغه باید شرابي او جګړه مار نه، بلکې نرم مزاجه وي، جنجالي نه وي او د پیسو سره مینه ونه لري.

⁴هغه باید خپله کورنۍ په ښه توګه اداره کړي او خپلو اولادونه ته داسې روزنه ورکړي چې په ډېر درناوي سره د هغه منونکي اوسي.

⁵ځکه که چېرې څوک نه پوهیږي چې خپله کورنۍ څنګه اداره کړي، نو هغه به څنګه وکولای شي چې د خدای په کلیسا باندې پام وکړي؟

⁶هغه باید نوی ایماندار نه وي، ځکه کېدای شي چې مغرور شي او د شیطان په شان محکوم وګرځول شي.

⁷برسېره پر دې، هغه باید د کلیسا نه بهر خلکو کې نېک نوم ولري، ترڅو سپک او رسوا نه شي او د شیطان په دام کې ونه لویږي.

⁸همدارنګه د کلیسا خادمان باید عزتمن خلک وي، دوه ژبي او دوه مخي نه وي، ډېر شراب دې ونه څښي او د پیسو حرص ورسره نه وي.

⁹هغوی باید په پاک وجدان سره د ایمان راز وساتي.

¹⁰هغوی دې اول وازمایل شي او که چېرې هغوی بې عیبه ثابت شي، نو بیا یې پرېږدئ چې د خادم په توګه خدمت وکړي.

¹¹همدارنګه د هغوی ښځې هم باید عزتمنې وي، غیبت دې نه کوي، بلکې هوښیارې او په هر کار کې وفادارې اوسي.

¹²خادم دې یوازې د یوې ښځې خاوند وي او خپل اولادونه او خپله کورنۍ باید په ښه توګه اداره کړي.

¹³ځکه کوم کسان چې د کلیسا د خادمانو په توګه کار کوي، هغوی به د خپلو ځانونو دپاره لوړ مقام تر لاسه کړي او په هغه ایمان کې چې په عیسی مسیح باندې یې لري ډېره زړه ورتیا تر لاسه کړي.

¹⁴زه په دې هیله یم چې زر تاته درشم، خو بیاهم تاته دا شیان لیکم.

¹⁵که چېرې زما په راتګ کې ځنډ رامنځته شي، نو ته به په دې لیک سره پوه شئ چې خلک د خدای په کورنۍ کې چې د ژوندي خدای کلیسا او د رښتینولۍ پایه او بنیاد دی، څنګه چلند وکړي.

¹⁶دا ټولو ته څرګنده ده چې زمونږ د دیندارۍ راز څومره لوی دی چې:هغه د انسان په شکل کې ښکاره شود روح القدس په وسیله د هغه رښتینولي ثابته شوههغه د فرښتو له خوا ولیدل شوپه ټولو قومونو کې د هغه په هکله اعلان وشوپه دنیا کې خلکو په هغه باندې ایمان راوړاو هغه په جلال کې پورته یووړل شو