اعمال 2

¹کله چې د پنتیکاست ورځ راورسېدله، ټول ایمانداران په یو ځای کې سره راټول شوي وو.

²ناڅاپه د اسمان څخه د یو تېز باد په شان یو اواز راغی او په ټول کور کې چې هغوی په کې ناست وو، هلته دا اواز خپور شو.

³هلته هغوی ته د اور د لمبو په شان ژبې راښکاره شوې او په هغوی هر یو باندې نازلې شوې.

⁴هغوی ټول د روح القدس څخه ډک شول او څنګه چې روح القدس هغوی ته د خبرو کولو توان ورکړ، نو په نورو ژبو یې خبرې پیل کړلې.

⁵په هغه وخت کې پرهېزګاره یهودیان چې د نړۍ د هر هېواد څخه راغلي وو، په اورشلیم کې اوسېدل.

⁶کله چې هغوی دا اواز واورېد، نو ډېر خلک سره راټول شول او حیران پاتې شول، ځکه چې هر یو د ایماندارانو خبرې په خپلو ژبو باندې اورېدلې.

⁷هغوی ډېر حیران پاتې وو او ویل یې: «ایا دا ټول جلیلیان نه دي چې خبرې کوي؟

⁸نو بیا څنګه مونږ هر یو په خپله مورنۍ ژبه د هغوی خبرې اورو؟

⁹مونږ پارتیانو، مادیانو، ایلامیانو، د بین النهرین اوسېدونکو، د یهودیې او کپدوکیې، پنتوس، د اسیا د ولایت

¹⁰او فریجیې او پمفیلیې، مصر او لیبیا د سیمو څخه چې د قیروان ښار ته نژدې دي، رومي مسافران

¹¹چې اصلي یهودیان او څوک چې یهودیان شوي دي، کریتیان او عربان یو. خو بیاهم مونږ د هغوی خبرې چې د خدای د حیرانوونکو کارونو په هکله یې کوي په خپلو خپلو ژبو اورو.»

¹²هغوی حیران او وارخطا ولاړ وو او یو د بله څخه یې پوښتنه کوله چې دا څه معنی لري؟

¹³خو نورو به ملنډې وهلې او ویل به یې چې دا خلک نشه دي.

¹⁴بیا پطروس د نورو یوولسو رسولانو سره ودرېده او په لوړ اواز یې د خلکو ګڼې ګوڼې ته په وینا کې وویل: «ای یهودیانو او د اورشلیم اوسېدونکو! زه چې څه وایم، غواړم په هغې باندې پوه شئ او په غور سره یې واورئ.

¹⁵لکه څنګه چې تاسو فکر کوئ دا خلک نشه نه دي، ځکه چې اوس لا د سهار نهه بجې دي.

¹⁶بلکې، دا هغه څه دي چې یوییل نبي د هغه په هکله ویلي وو:

¹⁷‹خدای وایي: په اخرنیو ورځو کې به داسې وشيزه به خپل روح کړمه نازل په ټولو خلکو باندېستاسو لورګانې او زامن به نبوت کويستاسو ځوانان به رویاګانې وینياو ستاسو سپین ږیري به خوبونه ویني

¹⁸هو، حتی په خپلو غلامانو او په وینځو باندېبه هم نازل کړمه خپل روح په هغو ورځو کېاو دوی به کوي نبوت

¹⁹زه به وښایم عجیبه کارونه پاس په اسمان کېاو حیرانوونکې نښې لاندې په ځمکه باندېیعنې وینه، اور او سخت لوګی

²⁰مخکې له دې چې راشي ورځ د څښتنیعنې لویه او د جلال ورځلمر به بدل شي په تیاره باندېاو د سپوږمۍ رنګ به شي سورلکه د وینې په شان

²¹نو بیا داسې به وشي چېهرڅوک چې د څښتن په نوم مرسته وغواړيهغه به وژغورل شي.›

²²ای د اسراییلو خلکو! دې خبرو ته غوږ ونیسئ: عیسی ناصري یو سړی ؤ چې خدای هغه تاسو ته د معجزو، حیرانوونکو کارونو او نښو له لارې چې خدای د هغه په وسیله ستاسو په منځ کې وښودلې، ثابته کړه چې هغه څوک دی، لکه څنګه چې تاسو په خپله ورباندې خبر یئ.

²³دا سړی تاسو ته د خدای د ټینګې ارادې او پوهې له مخې په لاس درکړل شو او تاسو هغه د بدکارانو په مرسته په صلیب ځوړند او مړ مو کړ.

²⁴خو خدای هغه بېرته راژوندی کړ او د مرګ د عذاب څخه یې خلاص کړ، ځکه چې مرګ نه شو کولای هغه په خپلو منګولو کې وساتي.

²⁵ځکه چې داود د هغه په هکله ویلي وو:‹زه وینم چې تل څښتن زما سره دیهغه موجود دی زما ښي لاس تهچې زه ونه غورځېږم

²⁶نو زما زړه دی خوشحالکله چې کړم خبرې نو ډېر خوشحاله یمهاو په امید کې به ارام اوسي بدن زما

²⁷ځکه چې ته به ما پرېنږدې د مړو دنیا کېاو ته به پرېنږدې مړید خپل سپېڅلي خادم چې شي خراب

²⁸تا راته وښودلې لارې د ژوندپه خپل دیدار به کړې ما ډک د خوشحالیو څخه›

²⁹ای ګرانو ملګرو! زه کولای شم په پوره ډاډ سره د خپل نیکه داود په هکله تاسو ته ووایم چې هغه مړ شو او ښخ شو او د هغه قبر تر نن ورځې پورې دلته موجود دی.

³⁰خو داود پیغمبر ؤ او پوهېده چې خدای ورسره وعده کړې او قسم یې خوړلی چې د هغه د اولادې څخه به یو کس د پاچاهۍ په تخت کښېنوي.

³¹داود پوهېده چې څه به کیږي او ویلي یې وو چې مسیح به بیا راژوندی کیږي. هغه وویل چې خدای به هغه د مړو په دنیا کې پرېنږدي او نه به د هغه مړی خرابېدو ته پرېږدي.

³²خدای همدغه عیسی د مړو څخه راژوندی کړ او مونږ ټول د دې شاهدان یو.

³³نو بیا عیسی پورته یووړل شو چې د خدای ښي لاس ته کښېني او هغه د اسماني پلار له خوا وعده شوی روح القدس تر لاسه کړ چې دا روح په مونږ باندې نازل کړي، چې اوس یې تاسو وینئ او اورئ.

³⁴ځکه چې داود خپله اسمان ته نه ؤ پورته شوی، خو هغه وایي:‹څښتن وویل زما بادار تهکښېنه زما ښي لاس ته

³⁵ترڅو ستا دښمنان کړم ستا تر پښو لاندې›

³⁶نو د اسراییلو ټول خلک دې په یقین سره په دې پوه شي چې هغه عیسی چې تاسو په صلیب ځوړند کړی ؤ، خدای هغه څښتن او مسیح کړ.»

³⁷کله چې خلکو دا واورېدل، نو زړونه یې مات شول. هغوی پطروس او نورو رسولانو ته وویل: «ای ګرانو ملګرو! مونږ باید څه وکړو؟»

³⁸پطروس هغوی ته وویل: «تاسو هر یو باید د خپلو ګناهونو نه توبه وباسئ او د عیسی مسیح په نوم د تعمید غسل واخلئ، په دې ډول به ستاسو ګناهونه وبخښل شي او د روح القدس نعمت به تر لاسه کړئ.

³⁹ځکه چې دا وعده ستاسو سره، ستاسو د اولادونو او هغو خلکو سره ده چې په لېرې ځایونو کې اوسیږي، یعنې د هغو ټولو سره چې زمونږ څښتن خدای یې خپل ځان ته رابولي.»

⁴⁰پطروس هغوی ته نورې ډېرې خبرې وکړې او هغوی ته یې خبرداری ورکړ او ویې ویل: «خپل ځانونه د دې زمانې د بدکارو خلکو څخه وساتئ.»

⁴¹کومو خلکو چې د پطروس پیغام ومانه، نو هغوی ته د تعمید غسل ورکړل شو. په هغه ورځ شاوخوا درې زره کسان د ایماندارانو د ډلې سره یوځای شول.

⁴²ایماندارانو خپل وخت د رسولانو څخه د تعلیم په اورېدلو، د یو بل سره په ملګرتیا، په ګډه سره د ډوډۍ په خوړلو او دعا کولو تېراوه.

⁴³د هغو حیرانوونکو کارونو او معجزو له امله چې د رسولانو په وسیله به ښودل کېدلې، د ټولو په زړونو کې به وېره پیدا کېدله.

⁴⁴ټول ایمانداران به سره راټولېدل او هغوی چې هرڅه لرل نو ټول به په کې شریک وو.

⁴⁵هغوی به خپل مال او جایداد خرڅاوه او هر یو ته به یې د هغه د اړتیاوو له مخې پیسې ورکولې.

⁴⁶هغوی به هره ورځ د خدای په کور کې سره راټولېدل او په خپلو کورونو کې به یې په خوشحالۍ او اخلاص یوځای ډوډۍ خوړله.

⁴⁷هغوی به د خدای ثنا ویله او ټول خلک ترې خوشحاله وو او هره ورځ به چې څومره خلکو خلاصون مونده، نو څښتن به د هغوی په ډله کې شاملول.