تثنیه 27

¹بیا حضرت موسیٰ د اسراییلو د مشرانو سره ولاړ ؤ او قوم ته یې وویل:

²‏-

⁴تاسو به ژر د اردن د سیند څخه تېر شئ او هغې خاورې ته به ورداخل شئ چې ستاسو څښتن خدای وعده کړې ده چې تاسو ته به یې درکوي. دا هغه خدای دی چې ستاسو نیکونو یې عبادت کاوه. دا غني او حاصلخېزه خاوره ده. څنګه چې هغې خاورې ته ورننوزئ نو د عیبال غره ته لاړ شئ. هلته لویې لویې تیږې ودروئ او د ګچ اخېړ ورته ورکړئ. بیا په هغو باندې دا ټول قوانین ولیکئ.

⁵په هغه ځای کې یوه قربانګاه جوړه کړئ، خو د داسې تیږو څخه په کې کار مه اخلئ چې د اوسپنیز سامان په وسیله پرې کړل شوې وي،

⁶ځکه تاسو چې خپل څښتن خدای ته د قربانۍ ځای جوړوئ باید د داسې تیږو څخه جوړ شي چې پرې کړل شوې نه وي. هلته باید تاسو سوزېدونکې نذرانې وړاندې کړئ

⁷او هلته باید خپلې د سلامتۍ نذرانې قرباني کړئ او هغه وخورئ او د خپل څښتن خدای په حضور کې خوشالي وکړئ.

⁸په هغو تیږو باندې چې د ګچ اخېړ ورته ورکړل شوی دی، په واضیح ډول د خدای پاک د قوانینو ټولې خبرې ولیکئ.>

⁹بیا حضرت موسیٰ او لاوي کاهنانو د اسراییلو ټول قوم ته وویل:

¹⁰نو د هغه اطاعت کوئ او د هغه د ټولو قوانینو څخه چې زه یې نن درکوم پیروي کوئ.>

¹¹په هماغه ورځ حضرت موسیٰ د اسراییلو قوم ته حکم وکړ:

¹³دغه قبیلې به د عیبال په غره باندې ودریږي کله چې د لعنتونو اعلان کیږي: روبین، جاد، اشیر، زبولون، دان او نفتالي.

¹⁴لاویان به د اسراییلو ټول قوم ته په لوړ اواز سره دا خبرې وکړي:

¹⁵د خدای پاک لعنت دې وي په هر هغه چا باندې چې د تیږې، لرګي یا د فلز څخه بت جوړوي او په پټه د هغه عبادت کوي. څښتن د بت پرستۍ څخه کرکه کوي.ټول قوم به په ځواب کې ووایي: امین!

¹⁶د خدای پاک لعنت دې وي په هر هغه چا باندې چې د خپل پلار او مور بې احترامي کوي.ټول قوم به په ځواب کې ووایي: امین!

¹⁷د خدای پاک لعنت دې وي په هر هغه چا باندې چې هغه تیږې بېځایه کوي چې د ګاونډي د جایداد حد ورباندې په نښه کیږي.ټول قوم به په ځواب کې ووایي: امین!

¹⁸د خدای پاک لعنت دې وي په هر هغه چا باندې چې ړانده ته غلطه لار ورښایي.ټول قوم به په ځواب کې ووایي: امین!

¹⁹د خدای پاک لعنت دې وي په هر هغه چا باندې چې بېګانه خلک، یتیمان او کونډې د خپلو حقونو څخه محروموي.ټول قوم به په ځواب کې ووایي: امین!

²⁰د خدای پاک لعنت دې وي په هر هغه چا باندې چې د خپل پلار د ښځې سره د زنا کولو په سبب خپل پلار سپکوي.ټول قوم به په ځواب کې ووایي: امین!

²¹د خدای پاک لعنت دې وي په هر هغه چا باندې چې د حیوان سره جنسي اړیکې ساتي.ټول قوم به په ځواب کې ووایي: امین!

²²د خدای پاک لعنت دې وي په هر هغه چا باندې چې د خپلې سکه یا ناسکه خور سره زنا کوي.ټول قوم به په ځواب کې ووایي: امین!

²³د خدای پاک لعنت دې وي په هر هغه چا باندې چې د خپلې خواښې سره زنا کوي.ټول قوم به په ځواب کې ووایي: امین!

²⁴د خدای پاک لعنت دې وي په هر هغه چا باندې چې په پټه قتل کوي.ټول قوم به په ځواب کې ووایي: امین!

²⁵د خدای پاک لعنت دې وي په هر هغه چا باندې چې د یو بې ګناه نفر د قتلولو دپاره پیسې اخلي.ټول قوم به په ځواب کې ووایي: امین!

²⁶د خدای پاک لعنت دې وي په هر هغه چا باندې چې د هغه د دې ټولو قوانینو اطاعت نه کوي.ټول قوم به په ځواب کې ووایي: امین!