تثنیه 31

¹حضرت موسیٰ د اسراییلو د قوم سره خپلو خبرو ته دوام ورکړ

²او ویې فرمایل:

³ستاسو څښتن خدای به په خپله ستاسو په مخ کې روان وي او هغه قومونه به چې هلته اوسیږي له منځه یوسي، ترڅو تاسو د هغوی خاوره ونیسئ. لکه څنګه چې څښتن فرمایلي دي یوشع به ستاسو مشر وي.

⁴څښتن به هغه خلک داسې له منځه یوسي لکه څنګه چې هغه د اموریانو پادشاهانو سیحون او عوج ته ماتې ورکړه او د هغوی هېواد یې وران کړ.

⁵څښتن به تاسو ته په هغوی باندې بری درکړي او تاسو باید د هغوی سره هماغه شان عمل وکړئ لکه څنګه چې ما درته ویلي دي.

⁶قوي او زړور اوسئ. د هغوی څخه مه وېرېږئ. ستاسو څښتن خدای به همېشه ستاسو سره وي او تاسو به هیڅکله یوازې نه پرېږدي.>

⁷بیا حضرت موسیٰ یوشع راوغوښت او د اسراییلو د ټول قوم په حضور کې یې ورته وفرمایل:

⁸څښتن به په خپله تاته لارښودنه کوي او درسره مل به وي. هغه به ستا سره مرسته کوي او تا به یوازې نه پرېږدي. نو جرأت له لاسه مه ورکوه او وېرېږه مه.>

⁹نو حضرت موسیٰ د شریعت حکمونه ولیکل او هغو لاوي کاهنانو ته چې د څښتن د لوظ صندوق یې انتقالاوه او د اسراییلو ټولو مشرانو ته یې ورکړل.

¹⁰حضرت موسیٰ هغوی ته داسې امر وکړ:

¹¹دا په هغه وخت کې د اسراییلو قوم ته لولئ کله چې هغوی د څښتن خدای د عبادت دپاره هغه ځای ته راځي چې هغه یې انتخابوي.

¹²ټول سړي، ښځې او ماشومان او هغه بېګانه خلک چې ستاسو په ښارونو کې اوسیږي راوغواړئ، ترڅو هرڅوک هغه واوري او د خپل څښتن خدای احترام کول زده کړي او په وفادارۍ سره د هغه د ټولو قوانینو څخه پیروي وکړي.

¹³په دې ډول به ستاسو اولاده چې د خپل څښتن خدای شریعت یې نه دی اورېدلی واوري. نو هغوی به ټول ژوند په هغه خاوره کې چې تاسو به یې ژر د اردن د سیند په بله غاړه ونیسئ د څښتن اطاعت کول زده کړي.>

¹⁴بیا څښتن حضرت موسیٰ ته وفرمایل: حضرت موسیٰ او یوشع خېمې ته لاړل

¹⁵او څښتن هغوی ته هلته په یوې ورېځې کې چې د خېمې د دروازې په سر باندې ولاړه وه ښکاره شو.

¹⁶څښتن حضرت موسیٰ ته وفرمایل:

¹⁷کله چې داسې وشي نو زه به په هغوی باندې په قهر شم، د هغوی څخه به مخ واړوم او هغوی به تباه شي. ډېر هیبتناکه آفتونه به په هغوی باندې نازل شي او هغوی به په دې پوه شي چې دا پېښې ځکه ورباندې راځي چې زه یعنې د هغوی خدای نور د هغوی سره نه یم.

¹⁸په هغه وخت کې به زه د هغوی سره د مرستې کولو څخه انکار وکړم ځکه چې هغوی بد کار کړی دی او د نورو خدایانو عبادت یې کړی دی.

¹⁹موسیٰ او یوشع، اوس دا روحاني سندره ولیکئ. موسیٰ، هغه اسراییلیانو ته ورزده کړه. که چېرې هغوی دا سندره زده کړه نو هغوی به پوه شي چې زه ورڅخه څه غواړم چې ویې کړي او هغوی سره به کومه بهانه نه وي چې زما د امر څخه سرغړونه وکړي.

²⁰لکه څنګه چې مې د هغوی د نیکونو سره وعده کړې ده، زه به هغوی دې غني او حاصلخېزې ځمکې ته بوځم. څومره خواړه چې هغوی غواړي هلته به ورته ورسیږي او هغوی به ارام ژوند لري. مګر هغوی به زما څخه مخ واړوي او د نورو خدایانو عبادت به کوي. هغوی به زما څخه منکر شي او زما لوظ به مات کړي

²¹او ډېر هیبتناکه آفتونه به ورباندې نازل شي. مګر بیاهم دا سندره به ویل کیږي او دا به د هغوی په ضد یوه نښه وي. حتیٰ اوس، مخکې له دې چې زه هغوی هغه هېواد ته بوځم چې ما یې د ورکولو وعده ورسره کړې ده، زه پوهېږم چې هغوی څه پلان سنجوي.>

²²په هماغه ورځ حضرت موسیٰ سندره ولیکله او د اسراییلو قوم ته یې ورزده کړله.

²³بیا څښتن د نون زوی یوشع مشر وټاکه او ورته ویې فرمایل:

²⁴حضرت موسیٰ د شریعت حکمونه په کتاب کې ولیکل او پام یې کاوه چې څه شی ورڅخه پاتې نه شي.

²⁵کله چې هغه وزګار شو، هغه هغو لاوي کاهنانو ته چې د څښتن د لوظ صندوق یې انتقالاوه داسې وفرمایل:

²⁷زه په دې پوهېږم چې هغوی څومره سرزوري او سرکش خلک دي. هغوی زما د ژوندانه په دوران کې د څښتن په مقابل کې سرکشي کړې ده او زما د مړینې څخه وروسته به نور هم سرکش شي.

²⁸خپل ټول قبیلوي مشران او ماموران زما په مخکې راغونډ کړئ ترڅو هغوی ته دا خبرې وکړم. زه به اسمان او ځمکه د اسراییلو د قوم په مقابل کې خپل شاهدان ونیسم.

²⁹زه په دې پوهېږم چې زما د مرګ څخه وروسته به قوم بېخي فاسد شي او د هغې لارې څخه به چې ما ورته حکم کړی دی وګرځي. د وخت په تېرېدو سره به هغوی د آفت سره مخامخ شي ځکه چې هغوی به څښتن د هغو کارونو په سبب کوم چې هغه منع کړي دي په قهر کړي.>

³⁰بیا حضرت موسیٰ ټوله سندره وویله او د اسراییلو ټول قوم ورته غوږ نیولی ؤ.