مُعلِم 1

¹دا د هغه څېړونکي خبرې دي چې د داود زوی دی او په اورشلیم کې پاچا ؤ.

²دا څېړونکی وایي:«لوګی او پوکی!لوګی او پوکی!نو دا هرڅه لوګي او پوکي دي!»

³انسان چې د اسمان لاندې زیار او زحمت وباسينو بیا ګټه یې څه ده؟

⁴نسلونه به ځي او نور نسلونه به د هغوی په ځای راځيخو ځمکه به تر ډېره وخته پاتې وي

⁵لمر راخېژي او بېرته پرېوځياو بېرته د یو اتل په شان ستومانه هغه ځای ته ځيچې بیا له هغه ځایه راوخېژي

⁶باد د جنوب خواته لګیږيبیا تاویږي، د شمال په لور ځياو همداسې تاویږي راتاویږيبیا بېرته په خپله لاره راسمیږي

⁷ټول سیندونه د بحیرې په لور بهیږيخو بحیره هېڅکله نه ډکیږيله هغه ځایه چې د سیند اوبه بهیږيبیا بېرته همدا اوبه هلته روانیږي

⁸ټول شیان دي ستومانه او بې خوندهچې بیان یې له وسه دی بهرنه سترګې مړې شوې له کتلونه غوږونه دي ډک شوي له اورېدلو

⁹هرڅه چې اوس موجود ديلا به موجود وياو څه چې وو پېښ شوي په پخوانیو زمانو کېبیا به تکرار شينو هېڅ کوم نوی شی به نه وي د اسمان لاندې

¹⁰داسې څه به وي چې څوک وویلی شي:«وګوره، دا شی نوی نه دی؟»خو هغه هم له پخوا نه موجود ؤکلونه مخکې له مونږ نه

¹¹تېر نسلونه د هېچا په یاد نه دياو حتی هغه راتلونکي نسلونه چې لا نه دي پیدا شويهغوی به هم همداسې هېر شيله هغو خلکو نه چې راځي هغوی نه وروسته

¹²زه څېړونکی په اورشلیم کې د اسراییلو پاچا وم.

¹³ما پرېکړه وکړه چې په ټوله نړۍ کې چې هرڅه تر سره کیږي ولټوم او هغه په حکمت سره وڅېړم. نو بیا پوه شوم چې خدای د سختو کارونو او تکلیفونو دروند بار د انسانانو په اوږو ایښی دی چې پرې بوخت وي.

¹⁴ما دا هرڅه چې د اسمان لاندې تر سره کیږي، لیدلي دي. نو وګوره چې دا هرڅه لوګي او پوکي او په باد پسې منډې وهل دي.

¹⁵کوږ شی هېڅکله نه شي سمېدلیاو ناموجود شی نه شي شمارېدلی

¹⁶له ځان سره مې وویل: «وګوره، زه دومره پوه او هوښیار سړی شوی یم چې زما څخه مخکې په اورشلیم کې هېڅوک داسې هوښیار نه ؤ تېر شوی.»

¹⁷نو پرېکړه مې وکړه چې حکمت وپېژنم او تر څنګ یې جهالت او حماقت هم وپېژنم، خو زه دې نتیجې ته ورسېدم چې دا کار هم په باد پسې منډې وهل دي.

¹⁸څومره چې د چا حکمت لوړیږينو هغومره یې کړاوونه هم ډېریږياو هغه څوک چې خپله پوهه لوړوينو خپل دردونه ډېروي