متلونه 31

¹دا د لموییل پاچا خبرې دي چې مور یې ورته زده کړي دي.

²«ای زما زویه! ای زما د ګېډې نه پیدا شویه زویهچې په نذرونو مې لاسته راوړی یې.

³د ځوانۍ قوت دې په ښځو باندې مه ختموهاو په هغو لارو تګ مه کوه چې پاچاهان تباه کوي.

⁴نو ای لموییله! پاچاهانو ته دا په کار نه ويشراب څښل د پاچاهانو سره ښه نه ښکارياو د نشې شوق د واکدارانو سره مناسب نه وي

⁵هسې نه چې هغوی شراب وڅښي او حکمونه هېر کړياو ټول مظلومان له خپل حق نه محروم کړي.

⁶نشه هغه چا ته ورکړه چې د مرګ په انتظار وياو شراب هغه چا ته ورکړه چې په غم اخته وي.

⁷پرېږده چې هغوی وڅښي او خپله غریبي هېره کړياو بیا خپل دردونه په یاد رانه وړي.

⁸د هغوی په ځای خبرې کوه چې د ځان دپاره څه نه شي ویلیاو د هغو غریبانو د حق دپاره چې د ګور په غاړه ولاړ دي.

⁹خپله خوله خلاصه کړه او په انصاف قضاوت کوهاو د خوارانو او مسکینانو د حق ساتنه کوه.»

¹⁰یوه مېړنۍ او پتمنه ښځه څوک پیدا کولای شي؟هغه د لعلونو نه ډېره ارزښتناکه وي.

¹¹مېړه یې په هغې پوره باور لرياو نه پرېږدي چې خاوند یې د څه شي محتاجه شي.

¹²هغه په ټول ژوند کې د خپل مېړه سره ښه کوياو هېڅکله ورته تاوان نه رسوي.

¹³هغه وړۍ او مالوچ پیدا کوياو په خوشحالۍ سره یې په خپلو لاسونو اوبي.

¹⁴هغه د سوداګرو د کشتیو په شان ويچې خپل خواړه له لېرې ځای نه راوړي.

¹⁵هغه سهار وختي په تیاره کې له خوبه راپاڅیږياو خپلې کورنۍ ته خواړه برابروياو وینځو ته د کارونو لارښوونه کوي.

¹⁶هغه د ډېر فکر کولو نه وروسته ځمکه اخلياو د خپلې ګټې په پیسو باندې د انګورو باغ جوړوي.

¹⁷هغه خپله ملا ټینګه تړياو خپلې مټې رانغاړي.

¹⁸هغه پوهیږي چې سوداګري یې ګټوره دهنو د شپې تر ناوخته یې د کار دپاره څراغ لګېدلی وي.

¹⁹هغه په خپلو لاسونو څرخه کوياو په خپلو ګوتو تار له دوک نه تاووي.

²⁰هغه غریبانو ته د مرستې لاس غزوياو د مسکینانو سره د سخاوت له مخې مرسته کوي.

²¹هغه د واورې له یخنۍ څخه وېره نه لريځکه چې د کورنۍ ټولو غړو یې ګرم کالي اغوستي دي.

²²هغه د خپلې بسترې دپاره پوښونه جوړوياو د بانجاني رنګه ښه کتان څخه کالي تیاروي.

²³د هغې مېړه د ښار په دروازو کې مشهور وياو په جرګه کې ناست مشران یې د عزت خاوند بولي.

²⁴هغه د کتان کالي او کمربندونه جوړوياو وروسته یې په سوداګرو خرڅوي.

²⁵هغه د پت او عزت په لباس سمبال وياو د راتلونکې څخه وېره نه لري او خاندي.

²⁶هغه په حکمت سره خبرې کوياو ژبه یې له مهربانۍ نه ډکه روزنه ورکوي.

²⁷هغه د کور په ټولو چارو پوره پاملرنه کوياو هېڅکله د لټۍ ډوډۍ نه خوري.

²⁸اولادونه یې په یوه خوله هغه مبارکه ګڼياو مېړه یې هم د هغې ستاینه کوي:

²⁹«ډېرې ښځې د پت او عزت کارونه کويخو ته د هغو ټولو نه ښه یې.»

³⁰نازونه اداګانې غولوونکې او حسن فاني ويخو کومه ښځه چې له څښتن څخه وېریږي نو د ستاینې وړ وي.

³¹د ه��ې د لاسونو د کار ثمره ورکړئاو د خلکو په منځ کې یې د کار ستاینه وکړئ.