مُعلِم 4

¹یوځل بیا مې ټول هغه ظلمونه ولیدل چې د اسمان لاندې تر سره کیږي.ما اوښکې ولیدلې د مظلومانوچې په ځمکه څڅېدلېخو هېڅوک یې د تسلۍ دپاره نه ؤظالمان وو ځواکمنانوو بې وسه مظلومانخو هېڅوک یې د تسلۍ دپاره نه ؤ

²نو ما هغه کسان نېکمرغه وګڼل چې مړه شوي او له دې نړۍ نه تللي دي، نسبت له هغو خلکو نه چې ژوندي او تر اوسه په دې نړۍ کې پاتې دي.

³خو له دې دواړو نه نېکمرغه هغه خلک دي چې لا پیدا شوي نه دي، ځکه هغوی تر اوسه هغه ټول بد کارونه نه دي لیدلي چې د اسمان لاندې تر سره کیږي.

⁴نو بیا ما ولیدل چې ټول زحمتونه او د کار مهارتونه له نورو خلکو سره د سیالۍ په خاطر دي، چې دا سیالي هم لوګی او پوکی او په باد پسې منډې وهل دي.

⁵کم عقل انسان لاس تر زنې وزګار کښېنياو له لوږې نه ځان وژني

⁶نیمه ډوډۍ چې په راحت تر لاسه کیږيله هغې پوره ډوډۍ نه ښه دهچې په زحمت او په باد پسې په منډې وهلو تر لاسه کیږي

⁷یوځل بیا مې د اسمان لاندې د لوګي او پوکي حالت ولید.

⁸یو سړی ؤ چې هېڅوک یې نه درلود. هغه نه زوی درلود او نه هم ورور. هغه بې حده زیار او زحمت وویسته، خو بیاهم سترګې یې په مال او دولت نه مړېدلې. نو له همدې امله هغه به له ځانه دا پوښتنه کوله چې د چا دپاره زه د یو مزدور په څېر زیار او زحمت وباسم او له ژوند څخه خوند نه اخلم؟ نو دا حالت هم لوګی او پوکی او د تکلیف او سختۍ نه ډک دی.

⁹له یوه نه دوه تنه ښه ديځکه هغوی له خپل زیار او زحمت نه ښه اجوره اخلي

¹⁰که یو ولویږي نو بل به هغه پورته کړيخو افسوس د هغه چا په حال چې یوازې دیځکه کله چې ولویږي نو څوک به نه وي چې یې پورته کړي

¹¹همدا شان که دوه تنه څنګ تر څنګ پراته وينو دواړه به تاوده ويخو یو کس چې یوازې وينو څرنګه ځان تود ساتلی شي؟

¹²که په یو کس حمله وشي نو ښایي ماتې وخوريخو که دوه تنه څنګ تر څنګ ولاړ وي نو ښایي دوی مقاومت وکړيکه یوه رسۍ درې مزي ولري نو په اسانۍ سره نه شلیږي

¹³یو غریب خو هوښیار ځوان له هغه سپین ږیري او کم عقل پاچا نه ښه دی چې نه پوهیږي څرنګه د پخوا په شان د خلکو مشورې واوري.

¹⁴داسې ځوان که څه هم په زندان کې وي او یا په هماغه پاچاهۍ کې غریب زېږېدلی وي نو کولای شي چې تر لوړ مقامه ورسیږي.

¹⁵ما په دې غور وکړ چې څنګه به د دې ځوان په شاوخوا هغه ټول خلک چې د اسمان لاندې ژوند کوي، راټولیږي څوک چې د هغه پاچا په ځای به وروسته لوړ مقام ته ورسیږي.

¹⁶دغه ځوان حتی که په بې شمېره خلکو باندې مشري هم وکړي، خو راتلونکي نسلونه به د هغه له کارونو څخه خوشحاله نه وي. په حقیقت کې، دا حالت هم لوګی او پوکی او په باد پسې منډې وهل دي.