مُعلِم 7

¹له قیمتي عطرو نه نېک نامي غوره دهاو د زېږېدو له ورځې نه د مړینې ورځ بهتره ده

²محفلونو ته له تګ نهجنازو ته تګ غوره دیځکه د هر انسان د ژوند پای مرګ دیاو ژوندي خلک باید دا په زړه کې وساتي

³له خندا نه ژړا ښه دهځکه د مخ په خفګان سره زړه صفا کیږي

⁴د هوښیارانو زړه د جنازو په لور ځيخو د کم عقلانو زړه د خوشحالیو په لور ځي

⁵ښه ده چې سړی د هوښیارانو د ملامتۍ خبرې واوريله دې نه چې د کم عقلانو د خوشحالۍ سندرې واوري

⁶ځکه چې د کم عقلانو خنداد اغزو د کړسهار په څېر دیچې د دېګي لاندې سوځينو دا حالت هم لوګی او پوکی دی.

⁷په حقیقت کې ظلم له هوښیار سړي نه جاهل جوړوياو رشوت د سړي زړه خرابوي

⁸د یو کار له پیل نه د هغه پای غوره دیله غرور نه صبر غوره دی

⁹زر مه په غوسه کېږهځکه غوسه د کم عقل په زړه کې ځای نیسي

¹⁰داسې مه وایه:«ولې پخواني وختونه له اوسني وختونو ښه وو؟»ځکه داسې ویل د هوښیارۍ خبره نه ده

¹¹حکمت انسان ته چې د لمر د روښنایۍ لاندې اوسیږيد یو میراث په شان ښه او ګټور دی

¹²ځکه حکمت د انسان پر سر سیوری دیلکه څنګه چې پیسې د هغه پر سر سیوری دیخو د حکمت د پېژندلو ګټه دا دهچې د خپل خاوند د ژوند ساتنه کوي

¹³د خدای کار ته په غور سره پام وکړه:څوک هغه شی سمولی شي چې خدای کوږ کړی دی؟

¹⁴د نېکمرغۍ په وخت کې خوشحالي وکړهخو د بدمرغۍ په وخت کې دې ته پام وکړه:چې نېکمرغي او بدمرغي دواړه د خدای له خوا ديترڅو راتلونکې پېښې له انسان نه پټې وساتي

¹⁵ما دا دوه شیان د خپل لوګي او پوکي په شان ژوند په موده کې لیدلي دي:هغه نېکان چې د خپل صداقت سره سرهبیاهم له وخت نه وړاندې مړه کیږياو هغه بدکاران چې د خپل شرارت سره سرهبیاهم اوږد ژوند کوي

¹⁶نه ډېر نېک او صادق اوسهاو نه هم ځان ډېر پوه او هوښیار وښایههسې نه چې ځان برباد کړې

¹⁷نه ځان بدکارۍ ته تسلیم کړهاو نه هم احمق اوسههسې نه چې د خپل ټاکلي وخت نه وړاندې مړ شې

¹⁸څومره ښه ده چې له هغو دواړو نهیو خبرداری په پام کې ونیسېخو هغه بل هم له پامه ونه غورځوېځکه څوک چې له خدایه وېریږينو هغه دواړه له پامه نه غورځوي

¹⁹حکمت یو پوه او هوښیار سړي ته د ښار له لسو مشرانو څخه زیات واک او اختیار ورکوي.

²⁰په حقیقت کې، هېڅوک په نړۍ کې داسې صادق نه دی چې تل نېک کار وکړي او هېڅکله بدي ونه کړي.

²¹نو خلک چې څه وایي هغه په زړه کې مه نیسه، هسې نه چې ته د خپل غلام هغه ښکنځلې واورې چې تا پسې یې کوي،

²²ځکه ته په خپل زړه کې ښه پوهېږې چې تا هم ډېر ځلې نورو ته ښکنځلې کړي دي.

²³دا ټول شیان ما په خپل حکمت سره وازمایل. نو له ځان سره مې وویل: «راځه په دې شیانو باندې هم ځان پوه کړم،» خو دا زما له پوهې نه بهر ؤ.

²⁴هرڅه چې اوس موجود دي هغه د انسان له پوهې نه بهر او د هغې پوهېدل ډېر ژور دی. انسان د ژوند دا پټ راز څنګه پیدا کولای شي؟

²⁵نو بیا ما په دې اړه فکر وکړ ترڅو په هرڅه باندې ځان پوه کړم، هغه وڅېړم او حکمت او د ژوند پټ راز پیدا کړم. همدا شان ما دا هڅه هم وکړه چې په دې ځان پوه کړم چې بدکاري څومره کم عقلتوب او حماقت څومره جهالت دی.

²⁶نو یو وار بیا پوه شوم چې هغه ښځه له مرګ څخه ډېره ترخه ده کومه چې د زړه نیت یې د ښکاري د دام او لاسونه یې د زندان د زنځیرونو په څېر دي. هرڅوک چې خدای راضي او خوشحاله کړي، نو له هغې څخه ځان ژغوري، خو ګناهکار د هغې په دام کې رانښلي.

²⁷نو څېړونکي وویل: «وګوره، زه د ژوند د پټ راز د څېړنو په موده کې ورو ورو دې نتیجې ته ورسېدم،

²⁸چې دغه پټ راز چې زما زړه په وار وار غوښتل هغه پیدا کړي، تر اوسه نه دی پیدا شوی.ما د زرو کسانو په منځ کې یوازې یو نېک سړی پیدا کړی دیاو د دې ټولو په منځ کې مې حتی یوه نېکه ښځه هم پیدا نه کړه

²⁹نو ما یوازې دا حقیقت پیدا کړ چې خدای انسان نېک پیدا کړی دی خو هغه د ډېرو نورو نقشو په لټه کې دی.»