مُعلِم 9

¹نو ما په دې ټولو کارونو باندې فکر وکړ، ترڅو دا هرڅه وڅېړم. زه دې نتیجې ته ورسېدم چې نېکان او هوښیاران او د هغوی کارونه د خدای په لاس کې دي. دا چې له انسان سره مینه کیږي یا کرکه، خو هېڅوک په دې نه پوهیږي چې د انسان په راتلونکې کې به څه پېښیږي.

²څه چې په یو پېښیږيهغه په بل هم پېښیږينو د ټولو پای یو دیڅوک چې نېک کاره وياو څوک چې بدکاره ويڅوک چې پوره پاک وياو څوک چې ناپاک ويڅوک چې قرباني ورکوياو څوک چې قرباني نه ورکويڅه چې له ښه سړي سره کیږيهغه د ګناهکار سره هم کیږيڅه چې له قسم خوړونکي سره کیږيهغه له قسم څخه وېرېدونکي سره هم کیږي

³دا بله بدبختي ده چې د اسمان لاندې په هر شي باندې پېښیږي، چې د ټولو پای یو دی. همدا شان د انسانانو زړونه له شرارت نه ډک دي، او ترڅو چې ژوندي دي په زړونو کې یې جهالت وي، بیا دوی له مړو سره یوځای کیږي.

⁴په یقین سره څوک چې د ژوندیو په منځ کې دی هغه په دې تمه دی چې له مړ زمري نه ژوندی سپی ښه دی.

⁵ځکه ژوندي په دې پوهیږي چې دوی به مړه شي، خو مړي په دې هېڅ نه پوهیږي.مړي نور هېڅ اجوره نه لرياو حتی د هغوی یاد له منځه ځي

⁶هغه څه چې هغوی ورسره مینه لرلهاو له هغه څه نه چې هغوی ترې کرکه کولهاو له هغه چا سره چې هغوی سیالي درلودههغه پخوا له منځه تللي دياو دوی نور هېڅکله په هغه څه کې برخه نه لريچې د اسمان لاندې تر سره کیږي

⁷نو ځه او خپل خواړه په خوښۍ سره وخوره، او خپل شراب په خوشحاله زړه وڅښه، ځکه چې خدای لا پخوا ستا له دې کارونو څخه راضي او خوشحاله دی.

⁸ستا جامې دې د ښادیو دپاره تل سپینې وي او خپل سر په قیمتي تېلو غوړوه.

⁹د خپل لوګي او پوکي په شان ژوند په موده کې له خپلې ګرانې ښځې سره د ژوند نه خوند واخله. دا خدای دی چې دا د لوګي او پوکي په څېر ورځې یې تاته د اسمان لاندې درکړې دي. ځکه چې دا خوشحالي ستا د ژوند او د هغه زیار او زحمت برخه ده چې د یو مزدور په څېر یې د اسمان لاندې وباسې.

¹⁰هر هغه څه چې ته په خپلو لاسونو تر سره کوې هغه په خپل ټول قوت سره تر سره کړه، ځکه چې په قبر کې نه کار شته، نه نقشه شته او نه هم پوهه او حکمت شته، هغه ځای چې ته به په پای کې ورته ورځې.

¹¹یوځل بیا ما د اسمان لاندې ولیدل:منزل ته زر رسېدل تل د تېزو منډې وهونکو په برخه نه ويد جګړې ګټل تل د قوي جنګیالیو په برخه نه ويد ژوند د وسیلو تر لاسه کول هم تل د هوښیارانو په برخه نه ويد شتمنۍ ګټل هم تل د عقلمندو په برخه نه وياو نه هم بری تل د پوهانو په برخه ويځکه وخت او بخت به د دې هر یو انجام وي

¹²دا هم حقیقت لري چې هېڅوک له دغه ټاکل شوي وخت څخه خبر نه دی!لکه ماهي چې په جال کې ونیول شيیا مرغۍ چې په لومه کې راونیول شينو انسانان به هم همداسې په دام کې راګېر شياو بدبختي به ناڅاپه په هغوی باندې نازله شي

¹³ما د اسمان لاندې د حکمت په اړه دا هم لیدلي دي چې په ما باندې یې ډېره اغېزه کړې ده.

¹⁴یو کوچنی ښار ؤ چې یو څو سړي په کې اوسېدل، او یو قوي پاچا پرې برید وکړ، هغه یې کلابند کړ او لښکر یې د هغه ښار د دېوالونو د ماتولو دپاره قوي وسیلې جوړې کړې.

¹⁵خو په هغه ښار کې یو غریب خو هوښیار سړی پیدا شو چې په خپل حکمت سره یې هغه ښار وژغوره. خو هغه غریب سړی هم د خلکو له خوا هېر شو.

¹⁶نو زه دې نتیجې ته ورسېدم چېله قوت نه حکمت ښه دیخو د غریب سړي حکمت ته په سپکه سترګه کتل کیږياو هېڅکله د هغه مشورو ته غوږ نه نیول کیږي

¹⁷د هوښیارانو نرمې خبرېد حاکم له هغو چیغو نه زر اورېدل کیږيچې د احمقانو په منځ کېپه لوړ اواز ویل کیږي

¹⁸له جنګي وسلو نه حکمت ښه دیخو یو ګناهکار ډېر څه له منځه وړي چې هغه ښه دي