هجرت 14

¹بیا څښتن حضرت موسیٰ ته وفرمایل:

³فرعون به دا فکر وکړي چې اسراییلیان به په وطن کې سرګردانه ګرځي او د وارخطایۍ په حالت کې په دښته کې بند پاتې دي.

⁴زه به د فرعون زړه سخت کړم او هغه به دوی تعقیب کړي. مګر د فرعون او د هغه په لښکرو باندې به زما کامیابي زما د جلال سبب شي. بیا به مصریان پوه شي چې زه څښتن یم.> لکه څنګه چې هغوی ته ویل شوي وو اسراییلیانو هماغسې وکړل.

⁵کله چې فرعون خبر شو چې د اسراییلو قوم تښتېدلی دی، هغه او د هغه درباریانو د هغوی په هکله خپله پرېکړه بدله کړه او ویې ویل:

⁶فرعون خپلې جنګي ګاډۍ ګانې او لښکرې تیارې کړې.

⁷هغه د ځان سره شپږسوه ښې ښې جنګي ګاډۍ ګانې د مصر د نورو ټولو جنګي ګاډیو سره چې د هر یو سره خپل خپل قوماندان ؤ یوړلې.

⁸څښتن د فرعون زړه سخت کړ، نو هغه د اسراییلیانو پسې چې په جرأت سره د مصر څخه ووتل، روان شو.

⁹د مصریانو، د فرعون ټول اسونه، جنګي ګاډۍ ګانې، اس سواران او لښکرې د اسراییلیانو پسې روان شول او له هغوی څخه مخکې شول، چېرته چې هغوی د دریاب سره چې فم الحیروت او بعل صفون ته نژدې ؤ خېمې ودرولې وې.

¹⁰څنګه چې فرعون نژدې شو، اسراییلیانو سترګې پورته کړې او ویې لیدل چې مصریان هغوی پسې راروان دي. هغوی ډېر ووېرېدل او څښتن ته یې فریاد وکړ.

¹¹هغوی حضرت موسیٰ ته وویل:

¹²آیا تاته مونږ په مصر کې ونه ویل چې مونږ پرېږده چې د مصریانو غلامان اوسو؟ مونږ ته په دښتې کې د مړه کېدلو څخه د مصریانو غلامي ښه ده.>

¹³حضرت موسیٰ په ځواب کې وفرمایل:

¹⁴تاسو غلي اوسئ، څښتن به ستاسو دپاره جګړه وکړي.>

¹⁵څښتن حضرت موسیٰ ته وفرمایل:

¹⁶خپله امسا پورته کړه او د دریاب خواته یې ونیسه. اوبه به بېلې شي او اسراییلیان به وکولی شي چې په دریاب کې په وچه ځمکه باندې تېر شي.

¹⁷زه به د مصریانو زړونه سخت کړم چې هغوی تاسو پسې درشي او زه به په فرعون، د هغه په لښکرو او جنګي ګاډیو په چلوونکو باندې د بریالیتوب په سبب جلال ومومم.

¹⁸کله چې زه د فرعون، د هغه جنګي ګاډیو او اس چلوونکو ته ماتې ورکړم او خپل جلال ښکاره کړم، مصریان به پوه شي چې زه څښتن یم.>

¹⁹د خدای پاک فرښته چې د اسراییلو د لښکرو په مخ کې روانه وه شاته لاړه. ورېځې هم د هغوی شاته حرکت وکړ

²⁰او هغه د مصریانو ا�� د اسراییلیانو په منځ کې شوه. د شپې په دوران کې ورېځو په مصریانو باندې تیاره راوستله، مګر د اسراییلو په قوم یې رڼا راوستله. نو لښکرې په ټوله شپه کې یو بل ته نژدې نه شوې ورتلی.

²¹حضرت موسیٰ د دریاب دپاسه خپل لاس ونیوه او څښتن په قوي ختیځ باد باندې د دریاب اوبه شاته یوړلې. دا باد ټوله شپه ولګېده او دریاب یې په وچه ځمکه بدل کړ. اوبه بېلې شوې

²²او اسراییلیان په دریاب کې په وچه ځمکه تېر شول او دواړو خواو ته د اوبو دېوالونه وو.

²³مصریان د خپلو ټولو اسونو، جنګي ګاډیو او د اس سوارانو سره هغوی تعقیب کړل او په دریاب کې ورپسې روان شول.

²⁴د سباوون څخه مخکې، څښتن د اور او ورېځو له منځ څخه د مصریانو لښکرو ته وکتل او هغوی یې وارخطا کړل.

²⁵څښتن د هغوی د ګاډیو عرابې له کاره وغورزولې نو هغه په سختۍ سره چلېدلې. او مصریانو وویل:

²⁶بیا څښتن حضرت موسیٰ ته وفرمایل:

²⁷نو حضرت موسیٰ خپل لاس د دریاب خواته اوږد کړ او د سباوون په وخت کې اوبه خپل اولني حالت ته راوګرځېدلې. مصریانو هڅه وکړه چې وتښتي، مګر څښتن دریاب ته وروغورزول.

²⁸اوبه راوګرځېدلې او جنګي ګاډۍ ګانې، اس سواران او ټولې مصري لښکرې یې چې په دریاب کې د اسراییلیانو پسې وې غرق کړل او یو هم پاتې نه شو.

²⁹مګر اسراییلیان په دریاب کې په وچه ځمکه باندې چې اوبه د هغې دواړو خواو ته لکه د دېوالونو په شان ولاړې وې تېر شول.

³⁰په هغه ورځ څښتن اسراییلیان د مصریانو څخه وژغورل او اسراییلیانو هغوی ولیدل چې د دریاب په غاړه مړه پراته وو.

³¹کله چې اسراییلیانو د څښتن لوی قدرت چې هغه مصریانو ته وښوده ولید، قوم د څښتن څخه ووېرېده او په هغه او د هغه په خدمتګار حضرت موسیٰ باندې یې ایمان راوړ.