هجرت 30

¹د خوشبویۍ د سوزولو دپاره د غز د لرګي څخه یوه قربانګاه جوړه کړه.

²هغه باید څلور کنجه وي. پنځه څلوېښت سانتي باید اوږده وي او پنځه څلوېښت سانتي پلنه او نوي سانتي باید لوړه وي. د هغې برجونه چې په څلورو کنجونو کې دي، هغه دې د قربانګاه سره د یوې ټوټې لرګي څخه جوړ شي.

³د هغې پاسنۍ برخې، څلور واړه خواو او برجونو ته د سرو زرو پوښ ورکړه او ګردچاپېره څنډې یې د سرو زرو څخه جوړې کړه.

⁴د څنډو لاندې د قربانګاه دپاره دوه د سرو زرو کړۍ ګانې جوړې کړه، یعنې په دواړو خواو باندې یې یوه یوه جوړه کړه چې هغه میلې ونیسي چې د هغې په وړلو کې ورڅخه کار اخیستل کیږي.

⁵میلې د غز د لرګي څخه جوړې کړه او د سرو زرو پوښ ورته ورکړه.

⁶قربانګاه د هغې پردې مخې ته کېږده چې د لوظ د صندوق په مخ کې ده یعنې د هغه سرپوښ مخې ته چې د لوظ په صندوق باندې پروت دی. په هغه ځای کې به زه ستا سره لیدنه کتنه کوم.

⁷هر سهار کله چې هارون د څراغونو د تیارولو دپاره راځي، په هغې باندې دې خوشبویي وسوزوي.

⁸کله چې هغه په ماښام کې څراغونه لګوي، باید همداسې وکړي. دغه د خوشبویۍ نذرانه دې پرته له کوم ځنډه تل ترتله جاري وي.

⁹په دې قربانګاه باندې هیڅ حرامه خوشبویي یا کومه سوزېدونکې نذرانه یا د غلې دانې نذرانه مه وړاندې کوئ او په هغې باندې د څښلو نذرانه مه تویوئ.

¹⁰په کال کې دې یو ځل هارون د قربانګاه د پاکولو دپاره په څلورو برجونو باندې د هغه حیوان د وینې د سولولو مراسم سرته ورسوي کوم چې د ګناه دپاره قرباني کیږي. دا کار دې تل ترتله هر کال ترسره شي. دغه قربانګاه دې په بشپړه توګه مقدسه شي او ما یعنې څښتن ته دې وقف شي.>

¹¹بیا څښتن حضرت موسیٰ ته وفرمایل:

¹³هر یو تن چې په سرشمېرنه کې شاملیږي، هغه دې د هغه مثقال په مطابق چې په مقدس ځای کې استعمالیږي او شپږ ګرامه وزن ولري یو مثقال ورکړي. دغه یو مثقال ماته یوه نذرانه ده.

¹⁴هر یو تن چې په سرشمېرنه کې شمېرل کیږي، یعنې هر یو سړی چې عمر یې شل کاله یا د شلو کالو څخه زیات وي، هغه دې دا نذرانه څښتن ته ورکړي.

¹⁵کله چې تاسو څښتن ته نذرانه وړاندې کوئ چې د خپل ژوند دپاره کفاره ادا کړئ، نو څوک چې شتمن وي هغه دې د یو مثقال څخه زیات نه ورکوي او څوک چې غریب وي هغه دې د یو مثقال څخه کم نه ورکوي.

¹⁶د اسراییلو د خلکو څخه د دغې کفارې پیسې راټولې کړه او د مقدسې خېمې په ساتنه او څارنه کې یې مصرف کړه. دا پیسې به د هغوی د ژوند په خاطر کفاره وي او زه به هغوی رایادوم چې ویې ساتم.>

¹⁷بیا څښتن حضرت موسیٰ ته وفرمایل:

¹⁹هارون او د هغه زامن دې د هغه څخه اوبه واخلي او خپل ��اسونه او پښې دې ومینځي.

²⁰هرکله چې هغوی مقدسې خېمې ته ورننوزي، هغوی به خپل لاسونه او پښې مینځي ترڅو مړه نه شي. همدارنګه کله چې هغوی د قربانۍ ځای ته ورنژدې کیږي چې ماته په اور باندې یوه نذرانه وړاندې کړي

²¹نو هغوی باید خپل لاسونه او پښې ومینځي ترڅو مړه نه شي. دا یو امر دی چې هارون او د هغه اولاده باید د تل دپاره د هغه څخه پیروي وکړي.>

²²بیا څښتن حضرت موسیٰ ته وفرمایل:

²⁴شپږ کیلوګرامه د سناد د پاڼو شیره، (ټول دې د هغه وزن په مطابق وي چې په مقدس ځای کې ورڅخه کار اخیستل کیږي) او څلور لیتره د زیتونو تېل.

²⁵له هغو څخه د مسح کولو مقدس تېل جوړ کړه. دا دې د عطرو په شان ګډوله وي.

²⁶بیا د دغو شیانو په مسح کولو کې ورڅخه کار واخله: مقدسه خېمه او د لوظ صندوق،

²⁷مېز او د هغه ټول سامان، څراغدان او د هغه سامان، د خوشبویۍ د سوزولو قربانګاه،

²⁸د سوزېدونکې نذرانې د قربانۍ ځای او د هغه ټول لوښي او تشت سره د پایې.

²⁹په دې ډول دغه شیان وقف کړه او هغه به دومره مقدس شي چې هرڅوک یا هر شی د هغو سره ولګیږي، نو هغه به هم مقدس شي.

³⁰هارون او د هغه زامن مسح کړه او وټاکه، ترڅو هغوی د کاهنانو په توګه زما خدمت وکړي.

³¹اسراییلیانو ته داسې ووایه: دا د مسح کولو مقدس تېل به تل ترتله زما د خدمت دپاره استعمالیږي.

³²هغه د عادي خلکو په بدنونو باندې مه تویوئ او د دې ډول ترکیب څخه هیڅ تېل مه جوړوئ. هغه پاک دي او تاسو یې باید پاک وګڼئ.

³³هرڅوک چې دا ډول عطر جوړ کړي او هرڅوک چې هغه پرته له کاهنه په بل چا باندې وسولوي باید زما د قوم څخه وشړل شي.>

³⁴بیا څښتن حضرت موسیٰ ته وفرمایل:

³⁵د خوشبویۍ د جوړولو دپاره د هغو څخه کار واخله او د عطرو په شان یوه ګډوله جوړه کړه. په هغو کې مالګه ورزیاته کړه چې هغه سوچه او پاکه وساتي.

³⁶له هغې څخه لږ میده میده کړه او په مقدسه خېمه کې یې د لوظ د صندوق مخې ته په هغه ځای کې کېږده چې زه درسره لیدنه او کتنه کوم. هغه به تاسو ته ډېره مقدسه وي.

³⁷د خپلو ځانونو دپاره له دې ترکیب څخه هیڅ خوشبویي مه جوړوئ. هغه زما څښتن په خاطر مقدسه وګڼئ.

³⁸هرڅوک چې داسې یو شی جوړ کړي چې د خوشبویۍ څخه یې خوند واخلي باید زما له قوم څخه وشړل شي.>