هجرت 7

¹څښتن حضرت موسیٰ ته وفرمایل:

²زه چې تاته د هر شي په باره کې حکم کوم، هغه هارون ته ووایه او هغه به فرعون ته ووایي چې اسراییلیان پرېږدي چې د مصر د خاورې څخه لاړ شي.

³‏-

⁴مګر زه به د فرعون زړه سخت کړم او هغه به ستا خبرو ته غوږ نه نیسي. حتیٰ که زه ډېرې وېروونکې معجزې هم هغه او مصریانو ته وروښایم هغه به درته غوږ ونه نیسي. بیا به زه په مصر باندې سخت عذاب نازل کړم او د خپل قوم قبیلې به له هغه ځای څخه وباسم.

⁵کله چې زه مصریانو ته خپل قدرت وښایم او اسراییلیان د هغوی له وطنه وباسم، بیا به هغوی پوه شي چې زه څښتن یم.>

⁶څنګه چې څښتن په حضرت موسیٰ او حضرت هارون باندې امر کړی ؤ، هغوی هماغسې وکړل.

⁷هغه وخت چې هغوی د فرعون سره خبرې وکړې، حضرت موسیٰ د اتیا کالو او حضرت هارون د دري اتیا کالو په عمر ؤ.

⁸څښتن حضرت موسیٰ او حضرت هارون ته وفرمایل:

¹⁰نو حضرت موسیٰ او حضرت هارون فرعون ته ورغلل او هماغسې یې وکړل څنګه چې څښتن ورباندې امر کړی ؤ. حضرت هارون خپله امسا د فرعون او د هغه د درباریانو په مخکې وغورزوله او هغه په مار بدله شوه.

¹¹بیا فرعون خپل حکیمان او جادوګران راوغوښتل. هغوی هم د خپلې جادو په وسیله دا کار وکړ.

¹²هغوی هر یو خپلې امساګانې په ځمکه وغورزولې او هغه امساګانې په مارانو بدلې شوې. مګر د حضرت هارون مار هغه نور ماران روغ تېر کړل.

¹³بیاهم د فرعون زړه سخت پاتې شو او څنګه چې څښتن فرمایلي وو، فرعون حضرت موسیٰ او حضرت هارون ته غوږ ونه نیوه.

¹⁴بیا څښتن حضرت موسیٰ ته وفرمایل:

¹⁵سهار کله چې فرعون د نیل سیند ته ځي خپله امسا چې په مار بدله شوې وه هغه هم د ځان سره یوسه او د سیند په غاړه هغه ته انتظار وکړه.

¹⁶بیا هغه ته ووایه: څښتن د عبرانیانو خدای زه رالېږلی یم چې تاته داسې ووایم: زما قوم پرېږده چې دښتې ته لاړ شي او هلته زما عبادت وکړي. مګر تر اوسه پورې دې ورته توجه نه ده کړې.

¹⁷اعلیحضرته، څښتن داسې فرمایي: زه به داسې کار وکړم چې ته پوه شې چې زه څښتن یم. اوس ګوره، دا امسا چې زما په لاس کې ده، په دې به د نیل د سیند اوبه ووهم او هغه به په وینه بدلې شي.

¹⁸د سیند ماهیان به مړه شي او د نیل سیند به بد بوی کوي. مصریان به نه شي کولی چې له هغه څخه اوبه وڅښي.>

¹⁹څښتن حضرت موسیٰ ته وفرمایل:

²⁰بیا حضرت موسیٰ او حضرت هارون د څښتن په امر باندې عمل وکړ. د فرعون او د هغه د درباریانو په حضور کې حضرت هارون خپله امسا پورته کړه او د سیند اوبه یې په هغې ووهلې او ټولې اوبه چې په کې وې په وینه بدلې شوې.

²¹د سیند ماهیان مړه شول او سیند دومره ډېر بد بوی کاوه چې مصریانو نه شو کولی چې له هغه څخه اوبه وڅښي. د مصر په هر ګوټ کې وینه وه.

²²بیا د فرعون جادوګرانو هم د خپلې جادو په وسیله همداسې عمل سرته ورساوه او د فرعون زړه د مخکې په شان سخت پاتې شو. لکه څنګه چې څښتن فرمایلي وو، فرعون د حضرت موسیٰ او حضرت هارون خبرو ته غوږ ونه نیوه.

²³د دې په ځای چې هغه دې خبرې ته پام وکړي، هغه تاو شو او بېرته خپلې ماڼۍ ته لاړ.

²⁴ټولو مصریانو د نیل د سیند غاړه وکیندله چې د څښلو اوبه راپیدا کړي، ځکه چې هغوی نه شو کولی د سیند اوبه وڅښي.

²⁵د هغه وخت څخه چې څښتن د نیل د سیند اوبه په وینه باندې بدلې کړې پوره اووه ورځې تېرې شوې.