عزرا 8

¹دا د هغو طایفو د مشرانو لست دی چې په څپرکیل کې جلاوطني وو او د ارتخششتا د امپراتورۍ په وخت کې زما سره اورشلیم ته راستانه شول:

²‏-

³جرشون د فینحاس له طایفې څخهدانیال د ایتامار له طایفې څخهحطوش د شکنیا زوی د داود له طایفې څخهزکریا د یوسلو پنځوسو کسانو سره د فرعوش له طایفې څخه (دا د هغوی په نسب نامه کې ثبت شوي دي.)

⁴الیهوعینای د زرحیا زوی د دوو سوو تنو سره د فحت موآب له طایفې څخه

⁵شکنیا د یحزییل زوی د درېو سوو تنو سره د زتو له طایفې څخه

⁶عابد د یوناتان زوی د پنځوسو تنو سره د عادین له طایفې څخه

⁷اشعیا د عتلیا زوی د اویاو تنو سره د عیلام له طایفې څخه

⁸زبدیا د میکاییل زوی د اتیاو تنو سره د شفطیا له طایفې څخه

⁹عوبدیا د یحییل زوی د دوو سوو اتلسو تنو سره د یوآب له طایفې څخه

¹⁰شلومیت د یوسفیا زوی د یوسلو شپېتو تنو سره د باني له طایفې څخه

¹¹زکریا د ببای زوی د اته ویشتو تنو سره د ببای له طایفې څخه

¹²یوحانان د هقاتان زوی د یوسلو لسو کسانو سره د عزجد له طایفې څخه

¹³الیفلط، یوییل، شمعیه د شپېتو کسانو سره د ادونیقام له طایفې څخه (دوی وروسته راستانه شوي دي.)

¹⁴عوتای او ذکور د اویاو کسانو سره د بغوای له طایفې څخه.عزرا د خدای د کور دپاره لاویان لټوي

¹⁵ما هغوی د هغه نهر په غاړه چې د اهاوا د ښارګوټي خواته بهیږي، سره راغونډ کړل او درې ورځې مو هلته خپلې خېمې ودرولې. کله چې ما هغه خلک او کاهنان وکتل، د هغوی په منځ کې مې د لاویانو څخه څوک پیدا نه کړل.

¹⁶ما دغه مشران راوغوښتل چې نومونه یې دا دي: الیعازر، ارییل، شمعیه، الناتان، یاریب، الناتان، ناتان، زکریا او مشلام. همدارنګه مې دوه ښوونکي، یویاریب او الناتان هم راوغوښتل.

¹⁷ما هغوی عیدو ته چې په کاسیفیا کې مشر ؤ، ولېږل او هغوی ته مې وویل چې د هغه او د هغه د ملګرو څخه چې د خدای د کور خدمتګاران وو، وغواړي چې مونږ ته داسې خلک راولېږي چې زمونږ د خدای په کور کې خدمت وکړي.

¹⁸خدای په مونږ باندې فضل وکړ او هغوی د شربیا په نوم یو لایق سړی چې لاوي ؤ او د محلي د طایفې څخه ؤ، د خپلو اتلسو زامنو او خپلوانو سره مونږ ته راولېږه.

¹⁹همدارنګه هغوی حشبیا او اشعیا چې د مراري د طایفې څخه وو د خپلو شلو خپلوانو او د هغوی د زامنو سره راولېږل.

²⁰برسېره پر دې هغوی د خدای د کور دوه سوه شل تنه هغه خدمتګاران چې د هغوی نیکونه د داود پاچا او د هغه د درباریانو له خوا د لاویانو سره د مرستې دپاره ټاکل شوي وو، راولېږل. د هغوی د ټولو نومونه په لست کې لیکل شوي وو.

²¹هلته ما د اهاوا د نهر په غاړه د ټولو نه وغوښتل چې روژه ونیسو او د خپل خدای په مخکې خپل ځانونه عاجز کړو او د هغه څخه وغواړو چې مونږ ته په خپل سفر کې لارښوونه وکړي او زمونږ، زمونږ د اولادونو او زمونږ د ټولې شتمنۍ څخه ساتنه وکړي.

²²دا به زما دپاره د شرم خبره وای چې د پاچا څخه مې د سپرو عسکرو لښکر غوښتلی وای، ترڅو په سفر کې مونږ د دښمنانو څخه خوندي وساتي، ځکه چې مونږ هغه ته ویلي وو چې هغه څوک چې زمونږ په خدای باندې توکل کوي، نو هغه ورته برکت ورکوي، خو څوک چې د هغه نه مخ اړوي په هغه باندې په قهر کیږي او سزا ورکوي.

²³نو مونږ روژه ونیوله او خدای ته مو زاري وکړه چې مونږ وساتي او هغه زمونږ دعا قبوله کړه.

²⁴د کاهنانو د مشرانو څخه ما دولس تنه غوره کړل، یعنې شربیا، حشبیا او لس تنه د هغوی د خپلوانو څخه.

²⁵بیا هغه سپین زر، سره زر او لوښي چې پاچا، د هغه مشاورانو او درباریانو او د اسراییلو حاضرو خلکو زمونږ د خدای د کور دپاره ورکړي وو، ما هغه وتلل او کاهنانو ته مې ورکړل.

²⁶‏-

²⁷هغه شیان چې هغوی ته مې ورکړي وو هغه دا دي:سپین زر - ۲۲ ټنهد سپینو زرو سل لوښي - ۷۰ کیلوګرامهسره زر - ۳۴۰۰ کیلوګرامهد سرو زرو شل کاسې - اته کیلو او څلورسوه ګرامهدوه ډېرې ښې ځلا لرونکې برنجي کاسې چې بیه یې د سرو زرو د کاسو د بیې سره برابره ده.

²⁸ما کاهنانو ته وویل: «تاسو د خپلو نیکونو څښتن خدای ته سپېڅلي یئ او دا لوښي هم هغه ته سپېڅلي دي. سپین او سره زر څښتن ته رضاکارانه ورکړل شوې نذرانې دي.

²⁹تاسو هغه د څښتن کور ته چې په اورشلیم کې دی په احتیاط سره یوسئ. هلته د کاهنانو په کوټو کې د کاهنانو د مشرانو، لاویانو او د اسراییلو د کورنیو د مشرانو په مخکې هغه شیان وتلئ او هغوی ته یې ورکړئ.»

³⁰نو کاهنانو او لاویانو دا مسوولیت په غاړه واخیست چې هغه سپین زر، سره زر او لوښي زمونږ د خدای کور ته چې په اورشلیم کې دی، یوسي.

³¹د کال د لومړۍ میاشتې په دولسمه ورځ مونږ د اهاوا د نهر څخه اورشلیم ته روان شو. زمونږ خدای زمونږ سره ؤ او په سفر کې یې د دښمنانو د کمین او برید څخه وساتلو.

³²کله چې اورشلیم ته ورسېدلو، درې ورځې مونږ هلته دمه وکړه.

³³په څلورمه ورځ د خپل خدای کور ته لاړو، سپین زر، سره زر او لوښي مو وتلل او هغه مو مریموت کاهن ته چې د اوریا زوی ؤ، ورکړل. العازار د فینحاس زوی او لاویان د یشوع زوی یوزاباد او د بنوي زوی نوعدیه هم د مریموت سره وو.

³⁴ټول شیان وشمېرل شول او وتلل شول او په هماغه وخت کې د هر شي وزن ولیکل شو.

³⁵هغو خلکو چې د جلاوطنۍ څخه راستانه شوي وو د اسراییلو خدای ته سوځېدونکې نذرانې قرباني کړې. هغوی دولس غویان د ټولو اسراییلیانو دپاره او همدارنګه شپږنوي پسونه او اووه اویا وري نذرانه کړل. هغوی دولس وزان هم د ګناه څخه د خپلو ځانونو د پاکولو دپاره نذرانه کړل. دا ټول حیوانات څښتن ته د سوځېدونکې قربانۍ په توګه وړاندې شول.

³⁶همدارنګه هغوی هغه سند چې پاچا ورته ورکړی ؤ، واخیست او هغه یې د فرات د سیند د لوېدیځې سیمې والیانو او مامورینو ته ورکړ او هغوی بیا د خلکو او د خدای د کور څخه ملاتړ او مرسته وکړه.