پیدایښت 10

¹دا د حضرت نوح د زامنو حام، سام او یافث اولاده ده چې د سیلاب څخه وروسته زېږېدلې ده.

²د یافث زامن: جومر، ماجوج، مادای، یاوان، توبال، ماشک او تیراس.

³د جومر زامن: آشکناز، ریفات او توجرمه.

⁴د یاوان زامن: الیشه، ترشیش، کتیم او رودانیم.

⁵دا د هغو خلکو نیکونه وو چې د دریاب په غاړه او په جزیرو کې اوسیږي. دا ټوله د یافث اولاده وه چې خپلې ژبې، خپل قومونه او خپلې ځمکې یې درلودلې.

⁶د حام زامن: کوش، مصرایم، فوط او کنعان.

⁷د کوش اولاده سبا، حویله، سبته، رعمه او سبتکا وه. د رعمه اولاده شبا او ددان وه.

⁸د کوش یو زوی نمرود نومېده، هغه د دنیا اولنی قوي جنګیالی ؤ.

⁹هغه د خدای پاک په نظر کې یو ډېر قوي ښکاري ؤ، له دې کبله خلک وایي:

¹⁰د هغه په پادشاهۍ کې اول څپرکیل، ارک، اکد او کلنه شامل وو چې دا درې واړه د شنعار په خاوره کې پراته دي.

¹¹او د هغه ځای څخه نمرود آشور ته لاړ او د نینوا، رحوبوت عیر او کالح ښارونه

¹²او ریسن چې د نینوا او د کالح د لوی ښار ترمنځ پروت دی جوړ کړل.

¹³د مصرایم اولاده د لودیانو، عنامیانو، لهابیانو، نفتوحیانو،

¹⁴فتروسیانو، کسلوحیانو او کریت قومونه دي. (فلسطینیان د کریت د قوم څخه وو.)

¹⁵کنعان د صیدون پلار ؤ چې د هغه مشر زوی ؤ او همدارنګه هغه د حیتیانو،

¹⁶یبوسیانو، اموریانو، جرجاشیانو،

¹⁷حویانو، عرقیانو، سینیانو،

¹⁸اروادیانو، صماریانو او حماتیانو نیکه هم ؤ. د هغه څخه وروسته د کنعانیانو قبیلې خپرې شوې.

¹⁹د کنعان پولې د صیدون څخه د جرار خواته تر غزې او بیا د سدوم، عمورې، ادمه او صبوئیم څخه تر لاشع پورې ورسېدلې.

²⁰دا د حام اولاده ده چې په خپلو قبیلو او سیمو کې اوسېدل او هر یو په خپلو ژبو خبرې کولې.

²¹د سام څخه چې د یافث مشر ورور ؤ هم زامن پیدا شول او سام د ټولو عبرانیانو نیکه ؤ.

²²د سام زامن عیلام، آشور، ارفکشاد، لود او ارام وو.

²³د ارام زامن عوص، حول، جاتر او ماشک وو.

²⁴ارفکشاد د شالح پلار ؤ او شالح د عابر پلار ؤ.

²⁵د عابر څخه دوه زامن پیدا شول، د یو نوم فالج ؤ ځکه چې د هغه په وخت کې د دنیا خلک ووېشل شول. د هغه د ورور نوم یقطان ؤ.

²⁶د یقطان څخه الموداد، شالف، حضرموت، یارح،

²⁷هدورام، اوزال، دقله،

²⁸عوبال، ابیمائیل، شبا،

²⁹اوفیر، حویله او یوڅپرکی پیدا شول. دا ټول د یقطان زامن وو.

³⁰هغه سیمه چې هغوی په کې اوسېدل هغه د میشا څخه د سفارې د لمرخاته غرنۍ سیمې پورې غزېدلې وه.

³¹دا د سام اولاده ده چې په خپلو قبیلو او سیمو کې اوسېدل او هر یو په خپلو ژبو خبرې کولې.

³²او په دې سره د حضرت نوح د اولادې لست پوره کیږي. د سیلاب څخه وروسته د هغوی د اولادې څخه قومونه رامنځته شول او په ټوله دنیا کې خپاره شول.