پیدایښت 36

¹دا د عیسو اولاده ده (عیسو د ادوم په نوم هم یادېده.)

²عیسو د کنعاني ښځو سره ودونه وکړل: عاده د حیتي ایلون لور، اهولیبامه چې د عنا لور او د حوي صبعون لمسۍ وه

³او بسمه چې د حضرت اسماعیل لور او د نبایوت خور وه.

⁴عاده الیفاز او بسمې رعوئیل وزېږاوه.

⁵اهولیبامه یعوش، یعلام او قورح وزېږول. دا د عیسو زامن وو چې په کنعان کې زېږېدلي وو.

⁶عیسو خپلې ښځې، زامن، لورګانې او د خپلې کورنۍ ټول خلک او همدارنګه خپلې ټولې رمې او پادې او خپله ټوله شتمني چې په کنعان کې یې لاس ته راوړي وو واخیستل او د خپل ورور حضرت یعقوب څخه لږ څه لېرې یې بلې سیمې ته کډه وکړه.

⁷هغه لاړ ځکه هغه ځمکه چې حضرت یعقوب او هغه په کې اوسېدل دومره پراخه نه وه چې دواړه سره یوځای واوسیږي، په دې خاطر چې هغوی زیاتې رمې او پادې درلودلې.

⁸نو عیسو د ادوم په غرنۍ سیمه کې اوسېده.

⁹دا د ادوم په غرنۍ سیمه کې د ادومیانو د نیکه عیسو اولاده ده.

¹⁰د عیسو د زامنو نومونه دا دي: الیفاز د عیسو د ښځې عاده زوی او رعوئیل د عیسو د ښځې بسمې زوی.

¹¹د الیفاز زامن: تیمان، اومار، صفو، جعتام او قناز.

¹²تمناع د عیسو د زوی الیفاز وینځه وه او د هغې څخه د هغه زوی عمالیق پیدا شو. دا د عیسو د ښځې عادې لمسیان وو.

¹³د رعوئیل زامن: نحت، زارح، شمه او مزه. دا د عیسو د ښځې بسمې لمسیان وو.

¹⁴اهولیبامه د عنا لور او د صبعون لمسۍ وه چې د هغې څخه د عیسو زامن یعوش، یعلام او قورح پیدا شول.

¹⁵د عیسو په اولادې کې دغه قبیلوي مشران وو: د عیسو د مشر زوی الیفاز زامن: تیمان، اومار، صفو، قناز،

¹⁶قورح، جعتام او عمالیق. دا په ادوم کې هغه قبیلوي مشران وو چې د الیفاز د اولادې څخه دي او دوی د عادې لمسیان وو.

¹⁷د عیسو د زوی رعوئیل زامن: نحت، زارح، شمه او مزه. دا په ادوم کې هغه قبیلوي مشران وو چې د رعوئیل د اولادې څخه دي. دا د عیسو د ښځې بسمې لمسیان وو.

¹⁸د عیسو د ښځې اهولیبامه زامن: یعوش، یعلام او قورح. دا هغه قبیلوي مشران وو چې د عنا د لور یعنې د عیسو د ښځې اهولیبامه د اولادې څخه دي.

¹⁹دا ټولې قبیلې د عیسو د اولادې څخه وې.

²⁰دا د سعیر حوري زامن وو چې په هغې سیمه کې اوسېدل: لوطان، شوبال، صبعون، عنا،

²¹دیشون، ایصر او دیشان. دا په ادوم کې د سعیر زامن او د حوریانو مشران وو.

²²د لوطان زامن: حوري او هومام. (تمناع د لوطان خور وه.)

²³د شوبال زامن: علوان، مناحت، عیبال، شفو او اونام.

²⁴د صبعون زامن: ایه او عنا. (دا هماغه عنا دی، کله چې هغه د خپل پلار صبعون خره څرول، نو په دښته کې یې د تودو اوبو چینې وموندلې.)

²⁵د عنا اولادونه: دیشون او اهولیبامه د عنا لور.

²⁶د دیشون زامن: حمدان، اشبان، یتران او کران.

²⁷د ایصر زامن: بلهان، زعوان او عقان.

²⁸د دیشان زامن: عوص او اران.

²⁹دا د حوریانو مشران وو: لوطان، شوبال، صبعون، عنا،

³⁰دیشون، ایصر او دیشان. دا د حوریانو قبیلې وې چې د ادوم په خاوره کې اوسېدلې.

³¹‏-

³⁹له دې څخه مخکې چا په اسراییلو باندې پادشاهي نه وه کړې چې دغو پادشاهانو د ادوم په هېواد باندې پادشاهي وکړه:بالع د بعور زوی چې د دینهابه څخه ؤ.یوڅپرکی د زارح زوی چې د بصرې څخه ؤ.حوشام چې د تیمان د هېواد څخه ؤ.حداد د بداد زوی چې د عویت څخه ؤ (هغه مدیانیانو ته د موآب په خاوره کې په جګړه کې ماتې ورکړه.)سمله چې د مسریقه څخه ؤ.شائول چې د رحوبوت د ښار څخه ؤ او دا ښار د سیند په غاړه پروت دی.بعل حانان چې د عکبور زوی ؤ.حداد چې د فاعو څخه ؤ. (د هغه د ښځې نوم مهیطبئیل ؤ چې د مطرد لور وه او د ميذهب لمسۍ وه.)

⁴⁰‏-

⁴³دا د هغو قبیلوي مشرانو نومونه دي چې د عیسو د اولادې څخه دي: تمناع، علوه، یتیت، اهولیبامه، ایله، فینون، قناز، تیمان، مبصار، مجدیئیل او عیرام. هغه سیمه چې دا هره قبیله په کې اوسېدله، د هماغې قبیلې په نوم یادېدله.