پیدایښت 41

¹پوره دوه کاله تېر شوي وو چې فرعون خوب ولیده چې د نیل د سیند په غاړه ولاړ ؤ.

²ناڅاپه اووه ښې او چاغې غواګانې د سیند څخه راووتلې او په لوخو کې څرېدلې.

³د هغو څخه وروسته نورې اووه غواګانې چې بدرنګې او ډنګرې وې، راووتلې او د سیند په غاړه د هغو تر څنګه ودرېدلې.

⁴بدرنګه او ډنګرو غواګانو هغه ښې او چاغې غواګانې وخوړلې. بیا فرعون راویښ شو.

⁵هغه بیا ویده شو او بل خوب یې ولیده چې د غلو دانو اووه ډک او پاخه وږي په یوه ډنډر کې راشنه شول.

⁶له هغو څخه وروسته د غلو دانو نور اووه نري او د دښتې باد سوزولي وږي راشنه شول.

⁷د غلو دانو اوو نریو وږو هغه ډک او پاخه وږي روغ تېر کړل. بیا فرعون راویښ شو او پوه شو چې هغه خوب ولیده.

⁸په سهار د هغه فکر پرېشانه ؤ. هغه د مصر ټول جادوګران او حکیمان راوغوښتل. هغه خپل خوبونه هغوی ته بیان کړل، مګر هیڅ یو ونه شو کولی چې هغه فرعون ته تعبیر کړي.

⁹په دې وخت کې د ساقیانو مشر فرعون ته وویل:

¹⁰یو ځلې فرعون په خپلو نوکرانو باندې په قهر شوی ؤ او زه او د نانوایانو مشر یې د دربار د ګارډ د قوماندان په کور کې په زندان کې واچولو.

¹¹مونږ دواړو په یوه شپه خوب ولیده او هر یو خوب ځانته خپله معنیٰ درلودله.

¹²په هغه ځای کې یو عبرانی ځوان چې د دربار د ګارډ د قوماندان غلام ؤ زمونږ سره ؤ. مونږ خپل خوبونه هغه ته بیان کړل او هغه زمونږ خوبونه زمونږ دپاره تعبیر کړل.

¹³لکه څنګه چې هغه تعبیر کړی ؤ، کټ مټ هماغسې وشول. زه بېرته په خپل ځای مقرر شوم او هغه بل سړی په دار وخېژولی شو.>

¹⁴نو فرعون حضرت یوسف راوغوښت او هغه یې ډېر ژر د زندان څخه راوویست. حضرت یوسف خپله ږیره او سر وخرایل، خپل کالي یې بدل کړل او د فرعون حضور ته راغی.

¹⁵فرعون حضرت یوسف ته وویل:

¹⁶حضرت یوسف فرعون ته په ځواب کې وفرمایل:

¹⁷فرعون حضرت یوسف ته وویل:

¹⁸په دې وخت کې اووه چاغې او ښې غواګانې د سیند څخه راووتلې او په لوخو کې څرېدلې.

¹⁹د هغوی څخه وروسته نورې اووه غواګانې راووتلې چې داسې ډنګرې او بدشکله وې چې ما د مصر په ټول هېواد کې هیڅکله نه وې لیدلې.

²⁰ډنګرو او بدشکله غواګانو هغه اولنۍ چاغې غواګانې وخوړلې.

²¹مګر د خوړلو څخه وروسته هم څوک نه پوهېدل چې دوی به څه خوړلي وي ځکه چې هغوی د پخوا په شان ډنګرې ښکارېدلې. نو په دې وخت کې زه راویښ شوم.

²²همدارنګه ما په خوب کې ولیدل چې د غلو دانو اووه ډک او پاخه وږي په یوه ډنډر کې راشنه شول.

²³د هغو څخه وروسته نور اووه نري او د دښتې باد سوزولي وږي راشنه شول.

²⁴اووه نریو وږو هغه ډک وږي روغ تېر کړل. نو ما خپل خوب جادوګرانو ته وویل، مګر هیچا ونه شو کولی چې هغه ماته تعبیر کړي.>

²⁵نو حضرت یوسف فرعون ته وفرمایل:

²⁶اووه ښې غواګانې اووه کاله دي او د غلو دانو اووه ډک وږي هم اووه کاله دي، هغوی یوشان معنیٰ لري.

²⁷اووه ډنګرې او بد رنګه غواګانې چې د هغو څخه وروسته راووتلې او د غلو دانو اووه نري او د دښتې باد سوزولي وږي د قحطۍ اووه کاله دي.

²⁸دا هماغه څه دي چې تاسو ته مې وویل. څه چې خدای پاک غواړي ویې کړي تاسو ته یې څرګند کړي دي.

²⁹اووه کاله به د مصر په ټول هېواد کې ډېره پرېماني راشي.

³⁰مګر له هغې وروسته به د اوو کالو دپاره داسې قحطي راشي چې د مصر په ملک کې به هغه ټوله پرېماني هېره شي. ځکه چې قحطي به هېواد تباه کړي

³¹او پرېماني به په هېواد کې بېخي هېره شي، دا ځکه چې هغه قحطي چې په هغې پسې راځي هغه به ډېره سخته وي.

³²دا چې تاسو دوه خوبونه لیدلي دي د هغو معنیٰ دا ده چې دا د خدای پاک فیصله ده چې دا کار وکړي او هغه به ژر داسې وکړي.

³³اوس باید تاسو یو پوه او د حکمت لرونکی سړی پیدا کړئ او هغه دې د مصر د هېواد دوهم مشر وټاکئ.

³⁴تاسو باید په ټول هېواد کې ماموران وټاکئ چې د اووه کالو پرېمانۍ په موده کې د مصر د حاصلاتو څخه پنځمه برخه راټوله کړي.

³⁵هغوی ته امر وکړئ چې د پرېمانۍ په کلونو کې غله راټوله کړي او هغوی ته اختیار ورکړئ چې هغه په ښارونو کې ذخیره کړي او ساتنه یې وکړي.

³⁶هغه باید د هېواد دپاره ذخیره شي چې د اووه کالونو د قحطۍ په موده کې چې په مصر باندې راتلونکې ده ورڅخه کار واخیستل شي ترڅو هېواد د قحطۍ په اثر وران نه شي.>

³⁷دغه وړاندیز د فرعون او د هغه د ټولو درباریانو په نظر کې ښه ښکاره شو.

³⁸نو فرعون د هغوی څخه پوښتنه وکړه:

³⁹نو فرعون حضرت یوسف ته وویل:

⁴⁰زه به تا د خپل هېواد دوهم مشر کړم او زما ټول قوم به ستا حکمونه مني او د واک په لحاظ به ته زما څخه پس دوهم نفر یې.>

⁴¹نو فرعون حضرت یوسف ته وویل:

⁴²فرعون د خپلې ګوتې څخه هغه ګوته راوویستله چې په هغې کې د پادشاهۍ مهر لګېدلی ؤ او هغه یې حضرت یوسف ته ور په ګوته کړه. هغه حضرت یوسف ته د کتان ډېره ښه چپنه ورواغوستله او د سرو زرو زنځیر یې د هغه په غاړه کې واچاوه.

⁴³فرعون هغه ته خپله دوهمه شاهي ګاډۍ ورکړه چې په کې سپور شي او خلکو د هغه په مخکې نارې وهلې: په دې ډول یې حضرت یوسف د مصر د ټول هېواد دوهم مشر وټاکه.

⁴⁴فرعون حضرت یوسف ته وویل:

⁴⁵فرعون په حضرت یوسف باندې صفنات فعنیح نوم کېښود او د اون د کاهن فوطي فارع لور اسنات یې هغه ته په نکاح ورکړه. نو په دې ډول حضرت یوسف د مصر په ټول هېواد باندې واک ترلاسه کړ.

⁴⁶حضرت یوسف دېرش کلن ؤ چې د مصر د پادشاه یعنې فرعون په خدمت کولو یې پیل وکړ. حضرت یوسف د فرعون د حضور څخه لاړ او په ټول مصر کې وګرځېد.

⁴⁷د اووه کالو پرېمانۍ په موده کې ځمکې ډېر زیات حاصلات ورکړل.

⁴⁸په دې موده کې حضرت یوسف په مصر کې ټول خوراکي مواد راټول کړل او هغه یې په ښارونو کې ذخیره کړل او د هر ښار د شاوخوا ځمکو خوراکي مواد یې په هماغه ښار کې ذخیره کړل.

⁴⁹حضرت یوسف لکه د دریاب د شګو په شان ډېره زیاته غله ذخیره کړه او هغه دومره زیاته وه چې د حساب څخه وتلې وه.

⁵⁰د قحطۍ د کالونو د راتلو څخه مخکې د اون د کاهن فوطي فارع لور اسنات حضرت یوسف ته دوه زامن وزېږول.

⁵¹حضرت یوسف د خپل مشر زوی نوم منسي کېښود، نو ځکه یې وفرمایل:

⁵²او بیا د دوهم زوی نوم یې افرایم کېښود او ویې فرمایل:

⁵³نو هغه پرېماني چې د اووه کالو دپاره په مصر کې وه پای ته ورسېدله.

⁵⁴لکه څنګه چې حضرت یوسف فرمایلي وو، د قحطۍ اووه کاله شروع شول. په نورو ټولو هېوادونو کې قحطي وه مګر په ټول مصر کې غله وه.

⁵⁵کله چې مصریان وږي شول، نو د ډوډۍ دپاره یې فرعون ته فریاد وکړ. نو فرعون ټولو مصریانو ته وویل:

⁵⁶قحطي ډېره سخته شوه او په ټول هېواد کې خپره شوه، نو حضرت یوسف ګودامونه پرانیستل او په مصریانو باندې یې غله خرڅوله.

⁵⁷د ټولو هېوادونو خلک مصر ته راتلل چې د حضرت یوسف څخه غله واخلي، ځکه چې په ټوله دنیا کې سخته قحطي وه.