پیدایښت 5

¹۱دا د حضرت آدم د اولادې د پیدا کېدلو لیکلی بیان دی. کله چې خدای پاک انسان پیدا کړ، هغه یې د خپل ځان په شان پیدا کړ.

²هغوی یې نر او ښځه پیدا کړل او برکت یې ورته ورکړ او هغوی یې انسانان وبلل.

³حضرت آدم د یوسلو دېرش کالو ؤ چې د هغه زوی پیدا شو چې د هماغه په شان ؤ او په هغه باندې یې شیث نوم کېښود.

⁴د شیث د پیدا کېدلو څخه وروسته حضرت آدم اته سوه کاله نور هم ژوندی ؤ او نور زامن او لورګانې یې پیدا شوې.

⁵نو حضرت آدم د نهه سوه دېرش کالو په عمر ؤ چې وفات شو.

⁶شیث د یوسلو پنځو کالو ؤ چې د هغه زوی انوش پیدا شو.

⁷او وروسته له هغې چې دی د انوش پلار شو، شیث اته سوه اووه کاله ژوند وکړ او نور زامن او لورګانې یې پیدا شوې

⁸او په نهه سوه دولس کلنۍ کې مړ شو.

⁹انوش د نوي کالو په عمر ؤ چې زوی یې پیدا شو او د هغه نوم یې قینان کېښود.

¹⁰وروسته له دې چې هغه د قینان پلار شو انوش اته سوه پنځلس کاله ژوند وکړ او نور زامن او لورګانې یې پیدا شوې

¹¹او په نهه سوه پنځه کلنۍ کې مړ شو.

¹²قینان اویا کلن ؤ چې د هغه زوی مهللئیل پیدا شو.

¹³وروسته له دې چې هغه د مهللئیل پلار شو قینان اته سوه څلوېښت کاله ژوند وکړ او نور زامن او لورګانې یې پیدا شوې

¹⁴او په نهه سوه لس کلنۍ کې مړ شو.

¹⁵مهللئیل پنځه شپېته کلن ؤ چې د هغه زوی یارد پیدا شو.

¹⁶مهللئیل د یارد د زېږېدو څخه وروسته اته سوه دېرش کاله ژوند وکړ او نور زامن او لورګانې یې پیدا شوې

¹⁷او په اته سوه پنځه نوي کلنۍ کې مړ شو.

¹⁸یارد د یوسلو دوه شپېته کالو ؤ چې د هغه زوی خنوخ پیدا شو.

¹⁹وروسته له دې چې هغه د خنوخ پلار شو یارد اته سوه کاله ژوند وکړ او نور زامن او لورګانې یې پیدا شوې

²⁰او په نهه سوه دوه شپېته کلنۍ کې مړ شو.

²¹خنوخ د پنځه شپېته کالو ؤ چې د هغه زوی متوشالح پیدا شو.

²²وروسته له دې چې هغه د متوشالح پلار شو خنوخ درې سوه کاله د خدای پاک سره په دوستۍ کې تېر کړل او نور زامن او لورګانې یې پیدا شوې.

²³خنوخ درې سوه پنځه شپېته کاله ژوند وکړ.

²⁴هغه د خدای پاک سره په دوستۍ کې خپل ژوند تېر کړ او له هغې څخه وروسته هغه د سترګو څخه پناه شو ځکه چې خدای پاک هغه پورته یووړ.

²⁵متوشالح د یوسلو اووه اتیا کالو ؤ چې د هغه زوی لمک پیدا شو.

²⁶وروسته له دې چې هغه د لمک پلار شو، متوشالح اووه سوه دوه اتیا کاله ژوند وکړ او نور زامن او لورګانې یې پیدا شوې

²⁷او په نهه سوه نهه شپېته کلنۍ کې مړ شو.

²⁸لمک د یوسلو دوه اتیا کالو ؤ چې د هغه زوی پیدا شو.

²⁹لمک وویل: نو په هغه باندې یې نوح نوم کېښود.

³⁰وروسته له دې چې حضرت نوح پیدا شو، لمک پنځه سوه پنځه نوي کاله ژوند وکړ او نور زامن او لورګانې یې پیدا شوې

³¹او په اووه سوه اووه اویا کلنۍ کې مړ شو.

³²وروسته له دې چې حضرت نوح د پنځه سوه کالو شو، د هغه درې زامن پیدا شول چې سام، حام او یافث نومېدل.