عبرانيان 1

¹خدای په تېره زمانه کې څو څو ځلې په مختلفو طریقو سره د خپلو پیغمبرانو په وسیله زمونږ د نیکونو سره خبرې کړې دي.

²خو په دې اخرنیو ورځو کې یې د خپل زوی په وسیله زمونږ سره خبرې کړې دي. هغه زوی چې خدای د ټولو شیانو وارث ټاکلی دی او د هغه په وسیله یې نړۍ پیدا کړه.

³هغه د خدای د جلال ښکاره کوونکی او د هغه د کامل ذات تصویر دی او هغه ټول کاینات د خپل کلام د قدرت په وسیله ساتي. کله چې هغه خلکو ته د خپلو ګناهونو څخه د بخښنې لاره جوړه کړه، نو هغه په اسمان کې د مطلق قادر خدای ښي لاس ته کښېناست.

⁴څرنګه چې مسیح د فرښتو نه ډېر لوی دی، نو خدای چې هغه ته کوم نوم ورکړی دی، هغه هم د هغوی د نومونو نه ډېر لوی دی.

⁵ځکه چې خدای هېڅکله کومې فرښتې ته نه دي ویلي:«ته مې زوی، زه دې نن پلار شوم.»او یا دا:«زه به د هغه پلار یم او هغه به زما زوی وي.»

⁶خو کله چې خدای لومړنی زېږېدلی دنیا ته راولي، نو ورته وایي:«د خدای ټولې فرښتې دې د هغه عبادت وکړي.»

⁷خو د فرښتو په هکله وایي:«خدای خپلې فرښتې لکه د بادونو په شاناو خپل خدمتګاران لکه د اور د لمبو په شان رالېږي.»

⁸خو د خپل زوی په هکله وایي:«ای خدایه! ستا د پاچاهۍ تخت به تل ترتله وياو د انصاف له مخې به په خپلو خلکو باندې حکومت کوې.

⁹ته عدالت خوښوې او د بدۍ څخه کرکه کوې.په دې خاطر خدای یعنې ستا خدای تهستا د نورو ملګرو نه زیات د خوشحالۍ په تېلو مسح کړی یې.»

¹⁰همدارنګه هغه وایي:«ای څښتنه، تا د شروع نه د ځمکې بنیاد ایښی ؤاو په خپلو لاسونو دې اسمانونه جوړ کړل

¹¹هغوی فنا به شي، خو ته به پاتې شېهغوی به ټول لکه د لباس په شان زاړه شي

¹²ته به هغوی د چپنې په شان تاو راتاو کړېاو د لباس په شان به یې بدل کړېخو پاتې کېږې په خپل حال ته مداماو پای به ونه لري هېڅ دا ستا دوران»

¹³خو خدای هېڅکله هم کومې فرښتې ته نه دي ویلي:«زما ښي لاس ته کښېنهترڅو ستا دښمنان ستا تر پښو لاندې کړم»

¹⁴ایا ټولې فرښتې خدمتګار روحونه نه دي چې د هغو خلکو د خدمت دپاره رالېږل شوي چې خلاصون به مومي؟