عبرانيان 3

¹نو ای سپېڅلو خویندو او ورونو، تاسو چې د خدای له خوا په اسماني بلنه کې شریک یئ، د عیسی په هکله فکر وکړئ چې د هغه په اړه مونږ اقرار کوو چې زمونږ رسول او لوی کاهن دی.

²عیسی خدای ته وفادار ؤ چې هغه یې ټاکلی ؤ، لکه څنګه چې موسی د خدای په ټول کور کې وفادار ؤ.

³نو عیسی د موسی نه زیات د جلال لایق دی، لکه څنګه چې کور جوړوونکی د کور نه زیات عزت لري.

⁴ځکه چې هر کور د یو چا په لاس جوړیږي او خدای د ټولو شیانو جوړوونکی دی.

⁵موسی د خدای په ټول کور کې د یو خدمتګار په توګه وفادار ؤ او د هغو شیانو په هکله به یې شاهدي ورکوله چې خدای به یې په راتلونکي کې ووایي.

⁶خو عیسی د زوی او د کور د خاوند په توګه د خدای د کور وفادار دی. مونږ د هغه کور یو، په دې شرط چې که مونږ هغه پوره ډاډ او فخر چې مونږ ته هیله راکوي، ټینګ وساتو.

⁷نو لکه څنګه چې روح القدس وایي:«که چېرې نن تاسو د خدای اواز واورئ

⁸نو خپل زړونه مه سختوئلکه څنګه چې ستاسو پلرونو د خدای په وړاندې سرکښي وکړهاو هغه یې په دښته کې وازمایلو.

⁹هلته ستاسو پلرونو که څه هم هغه کارونه چې ما په څلوېښتو کالو کې کړي وو ولیدلخو بیاهم یې زه وازمایلم.

¹⁰نو زه هغه نسل ته په قهر شوم او ومې ویل:‹د هغوی زړونه تل زما نه لېرې دياو نه غواړي چې زما په حکمونو باندې عمل وکړي.›

¹¹زه په قهر شوم او قسم مې وخوړ:‹دوی به هېڅکله داخل نه شي هغه ځای تهچېرته چې زه به ورکومه ارامي.›»

¹²نو خویندو او ورونو، پام کوئ چې په تاسو کې دې د چا زړه داسې بد او بې ایمانه وي چې د ژوندي خدای څخه واوړي.

¹³بلکې هره ورځ یو بل هڅوئ تر هغې چې «نن ورځ» ده، نو په تاسو کې دې هېڅوک د ګناه د غولولو په وسیله زړه سخت نه شي.

¹⁴ځکه که چېرې مونږ تر اخره پورې په هغه باور واوسو چې د پیل نه مو درلود، نو مونږ به د عیسی سره ملګري شوي یو.

¹⁵لکه څنګه چې د خدای په کلام کې ویل شوي دي:«که چېرې نن تاسو د خدای اواز واورئنو خپل زړونه مه سختوئلکه څنګه چې ستاسو پلرونو د سرکښۍ په وخت کې وکړل»

¹⁶نو بیا هغوی څوک وو چې سره له دې چې د خدای اواز یې واورېد، خو بیا یې هم د هغه په وړاندې سرکښي وکړه؟ ایا دا هماغه خلک نه وو چې موسی د مصر څخه راوویستل؟

¹⁷او خدای د چا نه تر څلوېښتو کالو پورې خفه ؤ؟ ایا دا هغه خلک نه وو چې ګناه یې وکړه او مړي یې په دښته کې پراته وو؟

¹⁸او چاته یې قسم وخوړ چې هغوی به هېڅکله هم هغې ارامۍ ته وردننه نه شي؟ ایا دا هغه خلک نه وو چې د خدای د امر څخه یې سرغړونه وکړه؟

¹⁹نو مونږ وینو چې هغوی ونه شو کولای هغې ځمکې ته وردننه شي، ځکه چې هغوی ایمان نه درلود.