شوَع 3

¹سبا سهار یوشع او د اسراییلو ټول قوم وختي پاڅېدل، د هغه کمپ څخه چې په شطیم کې ؤ روان شول او د اردن سیند ته لاړل. هلته یې خېمې ودرولې او د دې انتظار یې کاوه چې له هغه ځای څخه پورې وزي.

²درې ورځې وروسته د قوم مشران په کمپ کې وګرځېدل

³او خلکو ته یې وویل:

⁴بیا به تاسو پوه شئ چې په کومه لاره باندې لاړ شئ ځکه چې مخکې تاسو په دې لار باندې نه یئ تللي. مګر د لوظ صندوق ته به نژدې نه ورځئ، د هغه څخه د نهه سوه مترو په فاصله شاته اوسئ.>

⁵یوشع قوم ته وویل:

⁶بیا هغه کاهنانو ته وویل چې د لوظ صندوق واخلي او د هغه سره دې د قوم په مخ کې ځي. نو څه چې هغه وویل هغوی هماغسې وکړل.

⁷څښتن یوشع ته وویل:

⁸هغو کاهنانو ته چې د لوظ صندوق وړي ووایه کله چې دوی د اردن سیند ته ورسیږي، باید سیند ته ننوزي او د سیند د غاړې سره نژدې دې ودریږي.>

⁹بیا یوشع اسراییلیانو ته وویل:

¹⁰نن به تاسو پوه شئ چې ژوندی خدای ستاسو سره مل دی. هغه به بېشکه کنعانیان، حیتیان، حویان، فرزیان، جرجاشیان، اموریان او یبوسیان ستاسو له مخې څخه لېرې کړي.

¹¹ګورئ، د ټولې دنیا د څښتن د لوظ صندوق به د اردن د سیند څخه په تېرېدلو کې ستاسو لارښوونه کوي.

¹²نو د اسراییلو د قبیلو څخه دولس نفره وټاکئ یعنې د هرې قبیلې څخه یو یو نفر.

¹³کله چې کاهنان چې د ټولې دنیا د څښتن د لوظ صندوق انتقالوي خپلې پښې په اوبو کې کېږدي، د اردن د سیند اوبه به ودریږي او کومې اوبه چې لاندې راځي هغه به په یو ځای کې سره راغونډې شي.>

¹⁴‏-

¹⁵دا د لو کولو وخت ؤ او اوبه د سیند له غاړو څخه پورته شوې وې. کله چې خلک د کمپ څخه روان شول چې د اردن له سیند څخه تېر شي، نو هغه کاهنان چې د لوظ صندوق یې انتقالاوه د هغوی په مخ کې روان شول. څنګه چې کاهنانو په سیند کې قدم کېښود،

¹⁶اوبه ودرېدې او په یوې لېرې فاصلې کې په یو ښار کې چې آدم بلل کېده او د زرتان د ښار په څنګ کې ؤ یوځای غونډې شوې او کومې اوبه چې لاندې د ارام دریاب ته رابهېدې، هغه په بشپړه توګه بېلې شوې. نو قوم اریحا ته مخامخ پورې وت.

¹⁷په داسې حال کې چې قوم په وچه ځمکه باندې تېرېده، هغه کاهنان چې د څښتن د لوظ صندوق یې انتقالاوه تر هغه وخته پورې د اردن د سیند په منځ کې په وچه ځمکه باندې ولاړ وو ترڅو ټول قوم بلې غاړې ته ورپورې وت.