قاضيان 20

¹بیا ټول اسراییلیان په شمال کې د دان څخه په جنوب کې تر بئرشبع پورې او همدارنګه د جلعاد د خاورې څخه په یوه لویه غونډه کې په مصفه کې د څښتن په حضور کې سره راټول شول.

²د هغوی شمېر د پیاده عسکرو او مشرانو سره څلور لکه تنه وو چې په هغه ځای کې د څښتن په حضور کې د هغه د قوم په غونډه کې حاضر وو.

³بنیامینیان خبر شول چې ټول اسراییلیان په مصفې کې سره راغونډ شوي دي. اسراییلیانو د وژل شوې ښځې د مېړه څخه پوښتنه وکړه:

⁴هغه لاوي چې ښځه یې وژل شوې وه په ځواب کې وویل:

⁵د شپې د جبعې سړي زما پسې راغلل او کور یې محاصره کړ. هغوی زما د وژلو نیت درلود، خو د دې په ځای هغوی زما وینځه بې عزته کړه او هغه مړه شوه.

⁶ما د هغې مړی راواخیست او هغه مې ټوټې ټوټې کړ او بیا مې د هغې هره ټوټه د اسراییلو د دولسو قبیلو څخه هرې قبیلې ته ولېږله، ځکه چې د جبعه سړیو په اسراییلو کې داسې سپک او شرمناکه کار کړی دی.

⁷اوس تاسو د اسراییلو ټول قوم باید په خپله فیصله وکړئ چې په دې باره کې څه وکړو!>

⁸ټول خلک یوځای پاڅېدل او ویې ویل:

⁹مونږ به داسې کار وکړو چې پچه به واچوو او په جبعې باندې د حملې دپاره به یو څو نفره وټاکو.

¹⁰د اسراییلو د ټولو قبیلو څخه به د هرو سلو نفرو څخه لس نفره لښکر ته ډوډۍ رسوي او نور دې لاړ شي او د جبعې خلکو ته دې د هغه ناوړه کار په خاطر سزا ورکړي کوم چې هغوی په اسراییلو کې کړی دی.>

¹¹نو د اسراییلو ټول سړي د یو مقصد دپاره سره راغونډ شول چې په ښارګوټي باندې حمله وکړي.

¹²اسراییلیانو د بنیامین د قبیلې ټولې سیمې ته استازي ولېږل چې ورته ووایي:

¹³اوس د جبعې هغه بدکاره سړي مونږ ته تسلیم کړئ ترڅو هغوی ووژنو او د اسراییلو څخه دا بدي لېرې کړو.> مګر بنیامینیانو د خپلو نورو اسراییلي ورونو خبرو ته غوږ ونه نیوه.

¹⁴هغوی د بنیامین د ټولو ښارګوټو څخه راغلل او په جبعې کې سره راغونډ شول چې د اسراییلیانو په مقابل کې جګړه وکړي.

¹⁵‏-

¹⁶په هغه ورځ هغوی د خپلو ښارګوټو څخه شپږویشت زره عسکر راوغوښتل. برسېره پردې، د جبعې اوسېدونکو اووه سوه خاص نفر چې چپ لاسي وو وټاکل. د هغوی څخه هر یو د مچنوغزې په تیږه باندې د ویښته یو تار هم ویشتلی شو او هیڅ شی ورڅخه نه خطا کېده.

¹⁷اسراییلیانو څلور لکه روزل شوي عسکر سره راغونډ کړل چې په هغو کې بنیامینیان شامل نه وو.

¹⁸اسراییلیان په بیت ئیل کې د عبادت ځای ته لاړل او هلته یې له خدای څخه پوښتنه وکړه: څښتن په ځواب کې وویل:

¹⁹سبا سهار وختي اسراییلیان روان شول او د جبعې ښارګوټي ته نژدې یې خېمې ودرولې.

²⁰هغوی لاړل چې د بنیامین په لښکرو باندې حمله وکړي او جبعې ته مخامخ یې د جګړې دپاره سنګرونه ونیول.

²¹د بنیامین لښکر له ښارګوټي څخه راووت او په هغه ورځ یې د جګړې په ډګر کې دوه ویشت زره اسراییلیان ووژل.

²²‏-

²³نو اسراییلیان د عبادت ځای ته لاړل او تر ماښامه پورې یې د څښتن په حضور کې وژړل. د هغه څخه یې پوښتنه وکړه: څښتن په ځواب کې وویل: نو د اسراییلو لښکرو جرأت پیدا کړ او بیا یې خپل عسکر په هماغه ځای کې چې یوه ورځ مخکې په کې وو ځای په ځای کړل.

²⁴نو اسراییلیان د دوهم ځل دپاره ووتل چې د بنیامینیانو د عسکرو په مقابل کې وجنګیږي.

²⁵په هماغه ورځ بنیامینیان د جبعې څخه راووتل او دا ځل یې اتلس زره روزل شوي اسراییلي عسکر ووژل.

²⁶بیا د اسراییلو ټول خلک بیت ئیل ته لاړل او هلته یې وژړل. هغوی د څښتن په حضور کې کښېناستل، تر ماښامه پورې یې روژه ونیوله او څښتن ته یې سوزېدونکې او د سلامتۍ نذرانې وړاندې کړې.

²⁷‏-

²⁸په هغو ورځو کې د لوظ صندوق په بیت ئیل کې ؤ او فینحاس چې د العازار زوی او د هارون لمسی ؤ، په هغه ځای کې کاهن ؤ. اسراییلیانو له څښتن څخه پوښتنه وکړه: څښتن په ځواب کې وویل:

²⁹نو اسراییلیانو د جبعې په شاوخوا کې کمین ونیوه.

³⁰په درېمه ورځ هغوی د بنیامینیانو په مقابل کې ووتل او د مخکې ځل په شان یې خپل عسکر جبعې ته مخامخ ځای په ځای کړل.

³¹بنیامینیان د هغوی سره د مقابلې دپاره راووتل. اسراییلیان په شا لاړل او بنیامینیان د هغوی پسې شول او د ښار څخه لېرې شول. هغوی د مخکې ځل په شان د اسراییلیانو په وژلو پیل وکړ. په بانډو او په هغو لارو باندې چې بیت ئیل او جبعې ته تللې وې، دېرش تنه اسراییلیان ووژل شول.

³²بنیامینیانو وویل: مګر اسراییلیانو داسې پلان جوړ کړی ؤ چې په شا لاړ شي او هغوی د ښارګوټي څخه لارو ته وباسي.

³³نو کله چې د اسراییلو اصلي لښکر په شا شو او په بعل تامار کې بیا سره راغونډ شول، نو هغه اسراییلیان چې د جبعې په لوېدیځ کې په کمین کې پټ وو د خپلو ځایونو څخه په منډه راووتل.

³⁴لس زرو خاصو نفرو چې د ټولو اسراییلو څخه غوره شوي وو په جبعې باندې حمله وکړه او جګړه ډېره سخته وه. بنیامینیان نه پوهېدل چې د هغوی بربادي نژدې ده.

³⁵نو څښتن د اسراییلو سره مرسته وکړله چې بنیامینیانو ته ماتې ورکړي. په هغه ورځ اسراییلیانو پنځه ویشت زره او سل تنه ووژل.

³⁶نو بنیامینیان پوه شول چې هغوی ماتې خوړلې ده.د اسراییلیانو د لښکرو اصلي ډله د بنیامینیانو څخه بېرته په شا لاړله، ځکه چې هغوی په خپلو نفرو باندې چې د جبعې په شاوخوا کې یې کمین نیولی ؤ تکیه درلودله.

³⁷بیا هغو نفرو چې په کمین کې وو له هرې خوا څخه په جبعې باندې حمله وکړه او د هغه ښارګوټي ټول اوسېدونکي یې ووژل او ښار ته یې اور واچاوه.

³⁸د اسراییلو اصلي لښکر او هغه پټ شویو نفرو په خپل منځ کې یوه نښه ټاکلې وه. کله چې هغوی زیات لوګي ولیدل چې د ښارګوټي څخه پورته کیږي،

³⁹نو کوم اسراییلیان چې د ښارګوټي څخه دباندې وو هغه به راګرځي او په بنیامینیانو باندې به حمله کوي. تر دغه وخته پورې بنیامینیانو دېرش تنه اسراییلیان وژلي وو. هغوی له خپلو ځانونو سره ویل:

⁴⁰خو کله چې بنیامینیانو شاته وکتل او ویې لیدل چې د ښارګوټي له هر طرف څخه اسمان ته لوګی پورته کیږي،

⁴¹نو بیا اسراییلیان راوګرځېدل او په هغوی باندې یې حمله وکړه. بنیامینیان پوه شول چې یوه بلا ورباندې راتلونکې ده نو هغوی وارخطا شول.

⁴²هغوی د اسراییلیانو څخه په شا لاړل او د دښتې خواته په منډو شول، مګر ویې نه شو کولی چې وتښتي. هغوی د اصلي لښکر او هغو نفرو ترمنځ راګېر شول چې د ښارګوټي څخه راوتل، نو هغوی له منځه لاړل.

⁴³اسراییلیانو بنیامینیان محاصره کړل او په دوامداره توګه یې د جبعې تر ختیځه پورې تعقیب کړل او په لاره کې یې ووژل.

⁴⁴د بنیامینیانو اتلس زره زړور عسکر ووژل شول.

⁴⁵هغه نفر چې ژوندي پاتې وو هغوی په دښته کې د رمون د ګټ په لوري وتښتېدل، خو اسراییلیانو په لاره باندې د هغوی پنځه زره تنه ووژل. هغوی تر جدعوم پورې د بنیامینیانو پسې شول او دوه زره تنه یې نور هم ووژل.

⁴⁶په هغه ورځ د بنیامینیانو پنځه ویشت زره نفر ووژل شول. هغوی ټول زړور عسکر وو.

⁴⁷خو یوازې شپږ سوه تنو وکولی شول چې په دښته کې د رمون ګټ ته وتښتي او څلور میاشتې هغوی هلته پاتې شول.

⁴⁸اسراییلیان د پاتې بنیامینیانو پسې راوګرځېدل او هغوی ټول یې د سړیو، ښځو، ماشومانو او حیواناتو سره ووژل او په هغه سیمه کې یې ټول ښارګوټي وسوزول.